«Менің сүйікті қалам, Ел ордасы - Астанам»

Шағын орталық тобының ұйымдастырылған оқу қызметінің конспектісі

Өткізу күні: 19.12.2018 ж

Тәрбиеші: Сеилова А.А

Білім беру саласы: Коммуникация

Пән: Көркем әдебиет

Өтпелі тақырып: «Астана-Отанымыздың жүрегі»

Топ: II- кіші тобы

Тақырып: «Менің сүйікті қалам, Ел ордасы - Астанам»

Мақсаттары:

Тәрбиелік: Елін, жерін, туған қаласын сүюге тәрбиелеу.

Дамытушылық: Балалардың қала, ауыл және Астана туралы түсініктерін сурет бойынша тиянақтап, ой-өрісін дамыту.

Оқыту: Балаларға Астана туралы түсінік беру.

Педогогикалық технологиялар: дамыта оқыту технологиясы

Ресурстармен қамтамасыз ету: Ауыл , қала туралы мазмұнды суреттер, хрестоматия, жұмыс дәптер.

Билингвалдық компонент: қала-город, ауыл-деревня.

Ұйымдастырылған оқу қызметінің барысы:

Ұйымдастырушылық кезеңі:

Шаттық шеңбері

Отаным менің кең байтақ,

Жайнаған сансыз қаласы.

Жайқалған жомарт даласы.

Ел –Отан біздің кең байтақ,

Отанның біздер баласы.

Негізгі бөлім: -Балалар айтылған өлең шумағы не туралы?

-Ендеше бүгін,ауылымыз,қаламыз және ел ордасыАстана туралы әңгімелесеміз.

-Балалар біз қай мемлекетте тұрамыз?

-Қазақстанның ел ордасы қай қала?

Астана қаласының әсем көрінісі бейнеленген суреттері бойынша әңгімелеу.

«Астана» өлеңін оқып беру.

Астана –арман қала,

Бағы бір жанған қала.

Тұрады ол жап-жасыл болып,

Мен үлкен болғанда да.

Астана - сұлу қала.

Біз оны анамыздай

Сүйіміз шынында да.

-Өлең шумағында не туралы айтылған?

-Ал біз тұратын қала қалай аталады?

-Біз тұратын қаланың,ауылдың қандай көрікті жерлерін білесіңдер?

Сергіту сәті.

Апорт деген алманың,

Таттың ба сен бал дәмін?

Апорт деген тәтті алма,

Өседі ол бақтарда.

Алатауда өседі ол,

Оған тең жоқ деседі ел.

Ойын: «Ауылға саяхат»

-Балалар біздің ата-анамыз ауылда туып өскен.

-Сендердің ауылда қандай туыстарың бар?

-Ендеше біз қазір ата-әжелерімізге қонаққа барайық.

-Ауылға немен барамыз? Олай болса, жолымыз қысқарсын деп «Әже» туралы ән айтайық Әже

Сағындым, әже, өзіңді,

Мейріміңді көзіңді,

Ертегіңді сағындым,

«Құлыным» деген сөзіңді.

Сағындым,әже,сағындым,

Мейіріңе табындым,

Демалысқа шығамыз

Аяғында мамырдың.

Сағындым,әже,сағындым,

Ағайын,туған, бауырды

Қуат алып келейін

Топырағынан ауылдың.

Сағындым,әже сені шын,

Даналықтың кенісің,

Құрт-майыңды сағындым

Сақтап қойған мен үшін.

-Міне ауылға да келдік.

-Балалар әжем із бен атамыздың тұратын үйі қандай.

Қорытынды: -Енді бәріміз шеңберге тұрып,атамыз бен әжемізге жақсы тілектер айтып, оқу іс-әрекетімізді аяқтайық.