Менің сүйікті үй жануарларым

Тақырыбы: Менің сүйікті істерім (хобби).

Мектеп:

Күні:

Мұғалімнің аты-жөні:

Сынып:

Қатысқандар саны:

Қатыспағандар саны:

Оқудың мақсаттары

2.1.2.5. ** бір таңбалы жəне екі таңбалы сандарды ондықтан аттап қосу жəне азайту тəсілін қолданып 100 көлеміндегі сандарды ауызша қосу жəне азайтуды орындау

2.1.2.4. ** Бір таңбалы сандарды ондықтан аттап қосу кестесін құрастыру, білу жəне қолдану.

Сабақтың мақсаттары

Барлық оқушылар үшін:

бір таңбалы сандарды ондықтан аттап қосу жəне азайтуды ауызша орындау;11–12 жағдайында бір таңбалы сандарды ондықтан аттап қосу кестесін құрастыру, білу жəне қолдану.

Бірқатар оқушылар үшін:

Түрлі тапсырмаларды орындау барысында 11–12 жағдайында бір таңбалы сандарды ондықтан аттап қосу кестесін қолдану, сонымен қатар екі таңбалы санға бір таңбалы санды қосуды жəне осыған ұқсас азайту тəсілін қолдану.

Кейбір оқушылар үшін:

58+9 45–9 түріндегі жағдайларда 100 көлеміндегі бір таңбалы сандарды ондықтан аттап қосу жəне азайтуды ауызша орындау.

Тілдік мақсаттар

Оқушылар орындай алады: есептеулер үшін қосу кестесін қалай қолдануға болатынын түсіндіруді. Пəндік лексика жəне терминология: 12санының бір таңбалы сандардан тұратын құрамы, қосу жəне азайту компоненттері мен нəтижесі,қосу мен азайтудың байланысы.

Сабақта диалог/жазу үшін пайдаланылатын тіл.

Талқылау:

Қандай бір таңбалы екі саннан 11, 12 сандарын құруға болатынын айтып бере аласың ба?

11, 12 сандарының құрамын біле отырып, қосу мен азайтуды қалай орындайтынын түсіндіре аласың ба?

9+4, 19+4 жағдайында сандарды қалай қосатынын түсіндір.

Қалай азайтатынын түсіндір: 15–7?25–9?

Жазу:

11,12 сандарының құрамын жаз.

Тірек білім, білік, дағдылар

Қосу жəне азайту тəсілдері.

Жоспар

Жоспарланған уақыт (минут)

Жоспарланған іс-əрекет

Қоры

0–3

Ынталандыру.

Сыныпты екі топқа бөліңіз: спортпен айналысуды ұнататындар жəне музыкамен, сурет салумен жəне өнердің басқа түрлерімен айналысуды ұнататындар. Бірінші бөліктегілер жұптасып, 11 санының құрамын, басқалары 12 санының құрамын көрсетсін. Сандар құрамының дұрыс алынғанын тексеру үшін оқушылар бір-біріне қарамақарсы тұруларына болады.

Содан кейін мұғалім басқа оқушылардың немен айналысатындарын біліп алуды ұсынады.

1–9 сандары жазылған қиықшалар

4–6

Белсендіру.

№1 тапсырма топта орындалады. Оқушылардың əрқайсысы немен айналысуды ұнататынын анықта. Оқушылардың қайсысы немен айналысатынын білу үшін жауап жəне мысал таңдау.

№1 тапсырманы орындау үшін қандай білімді қолдандыңдар? Барлығын орындай алды ма?Қосу кестесін қаншалықты жақсы есте сақтағандарыңды тексереміз.

Қате жібергендер бар ма?

Қосу кестесі

7–11

Мақсат қою (мəселелі жағдаяттар).

Сабақта бізге кестені, қосу жəне азайту тəсілін, 11-12 сандарының құрамын қайталау керек. Алдыңғы тапсырмаларда жіберген қателерімізді түзейміз.

12–29

Өздік жұмыс.

Оқулықтағы №2 тапсырманы өз бетінше орындауға бере аласыз. Мысалдар санына шек қойыңыз немесе оқушылармен бірге табыс критерийлерін жасаңыз. Осы тапсырманы тексеру оқушылардың қайсысына түзету жасау керектігін анықтауға мүмкіндік береді.

Қиындықтарды түзету.

Бұл үшін сан құрамына арналған дайын «үйшіктерді» немесе жауаптары жоқ қосу кестесін пайдаланыңыз.

Санның құрамын есте сақтауда қиындыққа тап болған оқушыларға есептеу материалдарымен тəжірибелік жұмыс жасауды немесе 11-12 сандарының құрамын бояуды ұсыныңыз.

Жауаптары жоқ қосу кестесі,оқулық, дəптер

30–40

Өткенді қолдану.

Есептерді шығар. Кері есептер құрастыр жəне оларды шығар. Есеп екі амалмен шығатындай етіп сұрақ қоя аласың ба?

Есептерді ондықтан аттап қосу жəне азайту тəсілдерін қолдана отырып шығару біліктілігін формативті бағалаңыз. Бағалау критерийлері:

• есепті оқимын;

• берілгені мен сұрақты талдаймын;

• есептің моделін құрастырамын (сызбасын, қысқаша жазбасын);

• шығару үшін амал таңдаймын;  шешуі мен жауабын жазамын.

Өздік жұмыс.

Оқулықтағы №4 тапсырма тиімді тəсілмен есептеледі.

Ыңғайлы есептеу үшін оқушылар қандай қасиеттерді қолданатынын анықтаңыз. Қосылғыштардың орнын ауыстыру, үлестірімділік қасиеті.

Оқулық, дəптер, есептеу материалы,санның құрамына арналған «үйшіктер»

Қосу кестесін қолдануға берілген тапсырмаларды оңай орындаған кейбір оқушылар үшін мынандай тапсырмалар беруге болады: 9+9,19+9,29+9 мысалдар қатарын жалғастыр. Қалай шығаруға болатынын айт. Қосуды тексеруге мүмкіндік беретін азайтуға мысал келтір.

41–45

Рефлексия. Оқушыларды өз жетістіктерінің дəрежесін бағалауға қатыстырыңыз. Олар орындай ала ма:

• бір таңбалы сандарды ондықтан аттап қосу жəне азайтуды ауызша орындау;11–12 жағдайында бір таңбалы сандарды ондықтан аттап қосу кестесін құрастыру, білу жəне қолдану;

• 11–12 жағдайында түрлі тапсырмаларды орындауда бір таңбалы сандарды ондықтан аттап қосу кестесін қолдану;

• 58+9, 45–9 түріндегі жағдайларда бір таңбалы сандарды 100 көлеміндегі ондықтан аттап қосу жəне азайтуды ауызша орындау.

Жетістіктер жолағы