Менің сыныбым – менің ұжымым.

С адықова Жанат Асанқызы

ҚР Білім беру ісінің үздігі

Қ.А. Яссауи атындағы

№123 мектеп-гимназиясының

бастауыш сынып мұғалімі

Өзін – өзі тану

Сабақтың тақырыбы: Менің сыныбым – менің ұжымым.

Сабақтың мақсаты: Оқушылардың «Ұжым», «достық» құндылықтары туралы түсініктерін кеңейту

Міндеттері:

- ұжымның адам өміріндегі маңыздылығын түсіндіру

- өзара-татулық, сыйластық қарым-қатынастарын дамыту

- бірлікке, сыйластыққа, достыққа тәрбиелеу.

Көренкі құралдар: оқулық, дәптер

Шаттық шеңбері: Оқушылар қол ұстасып бір-бірімен сәлемдесіп болған соң «Дос болайық бәріміз» әнін шырқайық.

• Міне інде айтқандай біз бәріміз әрқашан біргеміз, доспыз. Біздің сыныбымыздың, ұжымымыз деп айтуға болады. Өйткені ұжым – мақсаты бір, бір-бірімен тең құқықты, сыйлы, сыйласымды адамдардың бірлестігі.

Әңгімелесу

• Бірлік, сыйластық, түсіністік, ұйымшылдық, ұжымшылдықдеген ұғымдарды қалай түсінесіңдер?

• Өз сыныбың несімен ұнайды?

Мәтінмен жұмыс

«Күмән»

Мұғалімнің оқуы

• Әңгімедегі оқиғадан сынып оқушыларының қандай жақсы қасиеттерін көруге болады?

• Олардың бойынан қандай жағымсыз қасиеттерді байқадыңдар? Сендер не істеген болар едіңдер?

• «Сенімге кіру үшін оған қанша уақыт қажет болады» - дегенді қалай түсінесіңдер?

• Өз сыныптарыңда осыған ұқсас оқиғалар болды ма?

Дәйексөз

«Ұжымда болу – бақыт»

Ә.Табылды

- жеке адамның жақсы мінез-құлқы ұжымда көпшіліктің ықпалының арқасында қалыптасады. Сынып ұжымындағы балалар бір-біріне көмек деру, сыныптастарын ренжітпеу, көпшіл болу, ұйымшыл болу кешірімді болу сияқты қасиеттерді бойларына сіңіруге көп мүмкіндік алады.

Жаңа ақпарат

«Оқушылар бірлесіп қоғамдық пайдалы іспен шұғылданса, бір-біріне көмектессе ұжымда бірлік, сыйластық болады»

Тыныштық сәті

Жағдаяттарды талдау

1. Сенің сыныптас құрбың спорттық жарыстан «бас жүлде» алып жеңіспен оралыд. Қуанышында шек жоқ.

• Оның қуанышын қалай бөлісер едің?

2. Сыныптасың «білімнің шыңы» атты сайысқа қатысып жеңіліп қалды. Ол қатты ренжулі.

• Оған қалай көмектесер едіңдер?

3. Сынып балалары ылғи тәртіпсіздік жасайды. Осылыры үшін кезекші сынып оларды «Кірпі» газетіне шығарды.

• Осыдан кейін қандай шешім қабілдар едің?

Дәптермен жұмыс

Тапсырма: дәптерде берілген бос жолдарға өз сыныбыңның үлгі етерлік жақтарын жазыңдар.

Оқушылар жазғандарын оқып талданады.

Қорытындылау

• Біз бүгін сабақта сыныптастар арасында өзара сыйластық, достық түсіністік, кешірімділік болуы тиістігін ұғындық. Біз бір ұжым екенімізді сезіндік.

Жүректен жүрекке

Балалар сыныптастарына тілек айтады:

• Мен сыныптас достарыма татулық тілеймін.

• Мен сыныптастарыма бірлік тілеймін.

• Мен сыныптастардың сыйластықта болуына тілектеспін.