«Менің Тұңғыш Президентім» атты тақырыптық ұйымдастырылған оқу іс-әрекеті

І.кезең:

Шаттық шеңбер:

Арайлап таң атты

Алтын сәуле таратты

Қайырлы таң, қайырлы күн!

Күліп шықты күн бүгін.

• Балалар қазір жылдың қай мезгілі?

• Қыс мезгілінде табиғатта қандай өзгерістер болады?

• Қыс мезгілінде қандай мерекелер бар?

(балалар сұрақтарға жауап береді)

ІІ. Кезең:

Тәрбиеші:

Бар әлемге шын танылдық міне, біз,
Елін сүйген Елбасы деп білеміз.
Тең аталып Қазақстан - Нұрсұлтан
Нұрсұлтан мен Қазақстан тұр егіз.
Күнге беттеп бара жатыр көш жүріп,
Елдің даңқы бар жаһанға естіліп.
Елбасыны құрметтейтін ерекше
Армысыздар, ақ пейілді көпшілік!

Мемлекетіміздегі жоғарғы лауазым президенттік қызмет- елдің, халықтың үміті мен сенімін, бабалар аманатын арқалаған ең жауапты, ең қиын міндет.

Елбасы – халықаралық қауымдастыққа кеңінен танылған, өркениетті елдердің басшыларымен терезесі тең, сөйлескенде сөз алатын, елдескенде мейірімін шашатын саясаткер.

• ҚР-ның тұңғыш президенті кім?(Балаларға Н.Назарбаев туралы мәлімет беру)

• ҚР-ның қазіргі президенті кім?(Балаларға Қасым –Жомарт Тоқаев туралы мәлімет беру)

• Келесі тойлайтын мерекеміз қандай?( Балаларға 16 желтоқсан тәуелсіздік күні туралы қысқаша мәлімет беру) Еліміздің егемендік алуы халқымыздың тариханда жаңа  дәуірдің бетін ашып, бүкіл қоғамдық өмірімізге жаңа  леп, серпін ала келді. Ол – баршамыз бейбіт өмірде, еркіндік пен ілгерілшікті аңсаған еқ ниет, ақ тілеумен өзіміз тіккен ортақ шаңырағымыздың тәуелсіздігі.Ендеше осындай атаулы мерекеге арналған бүлдіршіндеріміздің өлең шумақтарын қарсы алайық. (Балалар тәуелсіздік мерекесіне арналған өлең шумақтарын айтады)

• Ал балалар айтыңдаршы Қ.Р-ның астанасы қай қала?

Астана-ҚР-ның саяси, әкімшілік және мәдени орталығы. Елбасы-Н.Назарбаевтың жарлығына сәйкес 1997 жылы мұнда бұрынғы астанамыз Алматыдан Республиканың басшы орындары Президент кеңесі, ҚР-ның Үкіметі және Парламент көшіп келді.Еліміздің басқару жұмыстары осы жерден жүзеге асырылады.
1998 жылы 10-маусымда жаңа астананың ресми тұсау кесері болды. Қала Есіл өзенінің оң жағалауында Сарыарқаның солтүстік бөлігінде орналасқан. Қазіргі уақытта Астана қаласы –Нұрсұлтан қаласы деп өзгертілді.

Есілдің жағасына қонған қалам,
Жүрегі қазақымның болған қалам
Күн санап ертегідей өскен қалам,
Жайнашы, жайнай берші нұрлы Астанам! – дей отырып осы әсем қаламыздың сурет салайық. Сурет салуды бастамас бұрын бір сергіп алайық.

Сергіту сәті.

Сурет салу ұйымдастыру. (жеке жұмыс)

ІІІ. Кезең:

Тәрбиеші:

Бұл дүниеде біздің бір ғана Отанымыз бар, ол Тәуелсіз Қазақстан! Тәуелсіздік барлық Қазақстандықтар үшін аса қасиетті құндылық. Жұмыла отырып, біз тәуелсіз, өркендеген, саяси тұрақты Қазақстанды құрудамыз. «Мен өз халқымды сүйемін, оның мәні бала кезімнен сабыр мен парасатқа баулығанын мақтаныш тұтамын» деді, Нұрсұлтан Әбішұлы Назарбаев.

Ойын: «Мен не білдім?» (доппен ойналады)

Тәрбиеші: Осындай керемет тақырыптық ұйымдастырылған оқу қызметімізді Қ.Аманжоловтың өлең шумақтарымен аяқтайық.
Қазақстан дейтін менің бар елім .
Жатыр алып жарты дүние әлемін!
Бұл даланы анам жаспен суарған, 
Бұл далада атам қолға ту алған, 
Бұл далада жылап келіп, уанған
Бұл даланы көріп алғаш қуанған
Бұл далада өскен жанда жоқ арман!