Менің туған жерім

Сабақтың кезеңдері

Жоспарланған жұмыс

Ресурстар

Сабақтың басы

(2-5 минут)

(МК) Оқушылардың сабаққа дайындығын тексеру.

Сабақтың басталуына жағымды ықпал ететін көңіл-күй қалыптастыру. Сабақ мақсатымен таныстыру.

Сабақтың ортасы

(6-40 минут)

(МК,Ұ) Мұғалім оқушыларға туған жер сөзінің мағынасын түсіндіреді.1-тапсырма бойынша Қазақстандағы екі үлкен қала Алматы мен Астана туралы ақпарат береді.Оқушылар сурет бойынша қалаларды тауып атайды.

(МК,Ұ) 2-тапсырма бойынша мұғалім оқушыларға «Менің туған жерім-Қазақстан.Мен Қазақстанда тұрамын» деген сөйлем үлгілерімен таныстырады.Оұушылар өздерінің Қазақстанда тұратындарын айта алуды үйренеді.

(МК,Ұ)3-тапсырмадағы кесте бойынша оқушылар «Менің туған жерім-Қазақстан» деген сөйлемді қайталады,сондай-ақ мұғалім оқушыларға тұрамын сөзінің болымсыз түрін (тұрмаймын)түсіндіреді.Оқушылар кесте бойынша тұрамын,тұрмаймын сөзін қолданады. «Мен Қазақстанда тұрамын» деген сөйлемді оқушылар бәрі айтады,ал Алматы,Астана қаласы туралы айтқанда,оқушылар шынайы жауап береді.Мысалы: «Мен Астанада тұрамын» немесе «Мен Астанада тұрмаймын».

(МК,Ж)4-тапсырмада оқушылар «Сен Алматыда (Астанада/Қазақстанда)тұрасың ба?» деген сұраққа жауап бере алуға жаттығады.Берілген үлгі бойынша оқушылар жұппен сөйлеседі.

(МК,Ұ) 5-тапсырмада мұғалім оқушыларды Қазақстандағы екі үлкен қала туралы «Алматы мен Астана» деген өлеңмен таныстырады:

Жап-жасыл ағашы,

Қып-қызыл алмасы,

Ақ басты тауы бар -

Алматы қаласы.

(С.Оспан)

Сабақта өлеңді тыңдау,хормен және жеке-жеке қайталау жұмыстары жүргізіледі.

(ОТ)Сабақтың соныңда оқушылар «Менің туған жерім» деген тақырыпта сурет салу арқылы өздерінің туған жерге деген сезімін білдіре алады.

(МК,Ұ)Мұғалім қ дыбысымен таныстыру жұмысын Алмабектің суретінен бастайды. Алмабектің қ дыбысын үйреніп отырғанын түсіндіру арқылы оқушыларды қ дыбысымен және оның әрпімен таныстырады.Аудиодискіден қ дыбысының айтылуын және қ дыбысы кездесетін сөздер қатарын тыңдау,қайталау жұмыстары жүргізіледі.Мұғалім оқушыларға қ дыбысын айтқан кезде тілдің,жақтың,еріннің қатысы қандай болатынын түсіндіру арқылы дыбысты дұрыс дыбыстауға жаттықтырады.

Мұғалім оқушыларға дауысты,дауыссыз дыбыстар туралы түсінік береді.Оқушылар қ дыбысының дауыссыз дыбыс екенімен танысады.Мұғалім қ дыбысы дауыссыз болғандықтан,оқулықта көк түспен берілгенін түсіндіреді.

Қ дыбысы кездесетін сөздер қатарын суреті бойынша үйретеді.Олар:қарындаш,қасқыр,қара. Сондай-ақ мұғалім оқушыларға қ дыбысы кездесетін есімдер туралы да ақпарат береді(Қанат, т.б).Осыған орай оқушылар «Сенің атың кім?» деген сұрақты қайталайды,еске түсіреді. «Есте сақта!» айдары бойынша оқушылар сұрақтарды қайталайды (кім?не?неше?қандай?),мұғалім қ дыбысы кездесетін сөздерге қандай сұрақтар қойылатынын түсіндіреді.Мысалы:қарындаш (не?),қасқыр (не?),қара (қандай?),Қанат (кім?).

(МК,Ұ) Дәптердегі тапсырмаларды орындау арқылы оқушылар оқулықпен жұмыс барысында алған білімдерін бекіте түседі.

(Ө) Қосымша тапсырма арқылы сабақта алған білімдерін бекіте түседі.

Өз бетінше жұмыс істеуге дағдыланады.Сондай-ақ АКТ-ні қолдана білу дағдыларын қалыптастырады.

Оқулық

Аудиодиск:

6.1.1;6.2.2;

6.2.4;6.3.4.

№2жұмыс дәптері

Қосымша тапсырма:6.3.

Сабақтың соңы

(41-45 минут)

(Қ) Сабақты қорытындылау мақсатында мұғалім оқушылармен кері байланыс орнатады. Оқушылар сабақ барысында нені білгені, қалай жұмыс істегені, не қызық әрі жеңіл болғаны, не қиындық туғызғаны туралы ой-пікірлерін білдіре алады.

Қосымша ақпарат

Қорытындылау

Сұрақ-жауап

1.Сабақ барысына өзгертулер енгіздіңіз бе?

Неге?

Сабақ барысына өзгертулер енгізбедім,себебі бұл жұмыс түрлері өте тиімді және оқушыларға жеңіл деп ойлаймын.

2.Жүргізілген жұмыс түрлері қаншалықты тиімді болды?

Жүргізілген жұмыс түрлері оқушылар үшін қызықты, әрі қиындықтар туғызбайды.

Қорытынды бағалау

Ең жақсы өткен екі нәрсе не?

1:Оқушылар арасындағы диалог.

2:Дәптердегі жұмыстар.

Қандай екі нәрсе сабақты жақсартар еді?

1:Топпен жұмыс.

2:Сабақта интерактивті тақтаны жиі пайдалану