"Менің туған өлкем"

Қызылорда облысы

Жаңақорған ауданы

Құттықожа ауылы

№164 жалпы орта мектеп

9-сынып оқушысы Берікқызы Шұғыла

Менің туған өлкем-менің мақтанышым

Ауыл – бізге дейінгі сан толқын ұрпақтардың кіндік қаны мен маңдай тері тамған киелі мекен. Дүниеде ең құдіретті Ана болса, ауыл да барлық халықтың анасы. Ауыл – адамдардың бойына нәр құятын алтын бесігі.Менде өз ауылым жайлы шыр шертемін.Жаңақорған ауданы- Қызылорда облысының оңтүстік шығысында орналасқан аудан.Аудан 1928 жылы 17 қаңтарда құрылған.Ауданда 2 кент және 24 ауылдық округ бар,17 ұлттың өкілі тұрады.

Жаңақорған ауданында емдік-шипалық қоры "Теріскен"көлінің табиғи қара балшығы мен минералды суы бар "Жаңақорған шипажайы"бар. Жаңақорған ауданында Хорасан ата,Төлегетай-Қылышты ата,Үш ата күмбез кесенесі бар. Әр кесененің өз ерекшелігі,өз тарихы бар.Бұл кесенеге адамдар зират етіп, барып тұрады.

Жаңақорған ауданынан шығысқа қарай 14км -дей жерде,Ақүйік өзенінің жағасында "Қасиетті Қаратау" қазақтың - тас бесігі атанса,сол қасиетті Қаратау етегінде тарихқа тұнған Құтты қожа елді мекені қоныстанған.Құттықожа ауылында емдік-шипалы,адам ағылып келетін бұлақ бар.Бұл бұлаққа байланысты көптеген аңыз әңгімелер бар.Бұл бұлаққа ниет етіп, алыс облыс қалалардан көптеген адамдар келіп алғыстарын айтып жатады.Құттықожа елді мекеніндегі тұрғындар осы шипалы бұлағы мен тарихқа тұнған ауылыменен мақтана алады.