Мерекелік іс шара

Тексерілді

«Әйгерім» бөбекжай бақшасының әдіскері

--------- Н.Е.Омарова

«---» «----» 2019 ж

«Айналайын,ақ мамам!»

Мақсаты:

-мерекелік көңіл-күй құру

-анасына ,әжесіне сыйластық тәрбиелеу,махаббат тарту

-ән және қозғалыс орындаушылық дағдыларын қалыптастыру

-өзінің жақын адамдарын қуанта білуге,мейірімділікке тәрбиелеу.

Әсем безендірілген залға балалар кіреді.

Тәрбиеші: Ақ тілекті ағытып бір тастайық

Аналардың мерекесін бастайық

Көздеріңнен көрем шаттық арайын,

Өтсін солай әрбір күнің әр айың.

Сәлеметсіздерме,құрметті қонақтар! Ақ жаулықты әжелер,асыл да аяулы аналар,ұстаздар,ару қыздар!

Сіздерді 8-наурыз халықаралық аналар күнімен құттықтаймыз!

Ендеше «Балдәурен»тобының «Айналайын,ақ мамам!» атты мерекелік іс-шарамызды тамашалаңыздар!

Ортаға екі тәрбиеленуші (екі жүргізуші) шығады.

Алдияр:-Сәлеметсіздер ме,құрметті қонақтар!Ақ жаулықты әжелер,асыл да аяулы аналар,балабақшамыздың ұстаздары қыздар!

Інжу:-Сіздерді 8-наурыз халықаралық аналар күнімен ( екеуі бірге ) құттықтаймыз!

Алдияр:-Білесің бе? Інжу ана деген керемет асыл жан,менің анам кішентай кезімде не айтсам соны алып беріп,түн ортасында шөлдесем тұрып шырын беретін.

Інжу:-Ал менің анам ұйықтар алдында ән,ертегі айтып,ұйқыдан оянғанда жүрегіме жылу беретін сөздер айтады.

Алдияр:-Ендеше бүгінгі көктем айының алғашқы мерекесі.Сондықтан аналарға арналған мерекемізді әнмен бастасақ оған қалай қарайсың?

Інжу:-Әрине,өте дұрыс айтасың мейірімді де сүйкімді аналар мен әжелерге «Анашым-анажаным» әнін Кербез орындап береді.Қабыл алыңыздар!

Ән: «Анашым-анажаным» орындайтын Сейітқасым Кербез

Тәрбиеші: Өлең сөздің патшасы,сөз сарасы

Қиыннан қиыстырар ер данасы

Тілге жеңіл,жүрекке жылы тиіп

Теп-тегіс жұмыр келер айналасы-деп Абай атамыз жырлағандай балаларымыздың тақпақтарын қабыл алыңыздар.

Тақпақтар: Салтанат,Толғанай,Жанболат,Нұрсезім,Еділхан.Әйгерім.

Салтанат: Жамандықтан сақтандырып

Жақсы ісімді мақтан қылып

Мәпелеген ақ мамамды

Жүрсем деймін шаттандырып

Толғанай: Аналарды сүйеміз

Сөзін ойға түйеміз

Әжені де ардақтап

Әдеппен бас иеміз

Жанболат: Әр сөзіңді жаттағам,

Жүрегімде сақтағам.

Анашым деп мақтанам,

Айналайын ақ мамам.

Нұрсезім: Әлпештеген баласын,

Ана-бақыт,ана-күн.

Әркім сүйіп өзінің,

Мақтан етер анасын!

Еділхан: Бал бөбегін баптаған,

Анам үшін мақтанам!

Аялайтын біздерді,

Көп жасасын ақ мамам!

Әйгерім: Бізді өсіріп баптаға

Жақсы болсақ шаттанған.

«Алтыным»деп мақтанған

Айналайын,ақ мамам!

Тәрбиеші: Біз әдепті баламыз

Оттай болып жанамыз

Тақпақтарды жақсы айтып

Би де билеп аламыз-деп сұлу қыздарымыздың биін тамашалаңыздар

Би: « Ана мен бала» Інжу,Кербез,Салтанат Әйгерім,Әнел,Қарақат

Тәрбиеші: Жарайсыңдар қыздар!

Іңкәр: Той пердесін ашайық,

Тойға шашу шашайық,

Аналарды құрметтеп,

Ән маржанын ашайық- балалардың тақпақтарын қабыл алыңыздар.

Тақпақтар: Алинұр,Әмина,Айбар,Інжу,Беклан

Алинұр: Сүйікті анашым,

Аштыңыз көзімді.

Бір сағат көрмесем,

Сағынам өзіңді.

Әмина: Әлпештеген анамыз

Біз бақытты баламыз

Оқып білім аламыз

Жұлдыз болып жанамыз

Айбар: Ананың біз гүліміз,

Ана біздің күніміз.

Ұландарды қуантып,

Ұзақ өмір сүріңіз.

Інжу: Құшағына кіргенде,

Жылынамын бір демде

Не жетпейді көзіне,

Мейірімді күннен де

Үн қатасың бал тіліңмен,

Еркелеймін әр күнмен

Құттықтаймын анашым,

Сегізінші наурызбен.

Беклан: Анашым! Анам!

Ризамын саған.

Тіліңді алам,

Ақылды болам!

Тәрбиеші:Бүгін біз,құрметті де,ардақты әжелерімізді де ерекше атап құттықтаймыз «Қариясы бар үйдің-қазынасы бар»-деп халқымыз бекер айтпаған.Мерекелеріңіз құтты болсын құрметті әжелер!

Тақпақтар: Кербез,Карақат,Әнел,Айару

Кербез: Әжемді мейрамымен құттықтаймын,

Айтатын ән,беретін гүлім дайын.

«Әжетай сені жақсы көремін»,деп

Ақырын құлағына сыбырлаймын.

Қарақат: Әжем менің әлі де,

Ұқсамайды кәріге.

Шәй қайнатып береді,

Қажет болса бәріне.

Әнел: Өзің мені өсірген,

Айналайын,ақ әжем,

Тентек болсам кешірген

Шөлдедің бе,дана әжем.

Айару: Шәй қайнатып берейін,

Шекер салып жан әжем

Өзім құйып берейін,

Балдай тәтті бал әжем

Тәрбиеші: Әсем әнім сырнайды

Әлем сүйіп тыңдайды

Тамылжытып ән салмай

Күнде думан болмайды демекші кезекті әдемі әнге берсек

Ән: «Сағындым әже» хормен

Тәрбиеші: Балалар, қараңдаршы бізге қонаққа Көктем келіпті.(Көңілді муз ойналады)

Көктем ортада билеп балаларды мерекесімен құттықтайды.

Тәрбиеші: Сәлеметсіңбе Көктем!

Көктем: Сәлеметсізбе!

Тәрбиеші: Мерекелі Көктем айы біздің балабақшаға қош келдің! Сен неге мұңайып тұрсың?

Көктем: Мен өз бақытымды іздеп келген жанмын.

Тәрбиеші: Эхэ,э,э,э бақыт іздеп жүрмін дейсіңбе!

Көктем: -ия бақыт іздеп

Тәрбиеші: -Көктем сен бақыт дегенді қалай түсінесің!

Көктем: -Мен бақыт дегенді,қуанышты өмір,мерекелік көңіл,ән мен би деп түсінемін!

Тәрбиеші: -Ән мен би дедің бе? Ендеше сенің тілегіңді орындамасақ болмайды.

Тәрбиеші: Ой балалар,балалар

Ойналық та күлейік

Қане енді бұралып

Би билеп те берейік-деп мың бұралған қыздарымыз билеп береді

Би: «Гүлдер» Толғанай,Іңкәр,Айару,Нұрсезім,Әмина,Шапағат

Тәрбиеші: Жарайсыңдар қыздар! Көрдіңіздер ме,Көктем бақыт дегенді осылай түсінеді екен,ал біз ата-анамыз қасымызда аман болап,күліп жүруін,ешқашан ауырмауын қалар едік.

Тәрбиеші: біздің балалар орыс және ағылшын тілінде тақпақтар айтқылары келеді.

Тақпақтар: Бекзат,Қайсар,Алдияр,Дамир,Дәурен.

Бекзат: Май диа,диа Мамми

Ай лав ю соу мач

Ай уонт ю ту би хэппи

Он зе ейтз оф Мач

Қайсар: Ху лавс Мамми бест

«Ай»сэйс Фред

Ай гив хе флауерс

Уайт,йеллоу энд рэд

Алдияр: Маму нежно обниму,

Крепко поцелую.

Потому что я люблю,

Мамочку родную.

Мама, как звездочка пусть освещает.

Мама, как любит тебя.

Милая мама, тебе посвяшаю.

Нежные эти слова.

Дамир: Каждый день могу её

Ждать до самой ночи

Потому что мамы наши

Занятые очень

Каждый день хочу дарит

Мамочке букеты

Дәурен: Помагаю бабушке,

Яуже большая.

Улыбнулась бабушка,

Стала моладая.

Тәрбиеші: Жарайсыңдар балалар!Ал көктем көңіл-күйің көтеріліп жүзің нұрлана түскенге ұқсайды ғой

Көктем: -Ия дұрыс айтасың.Мен қысымен өз кезегімді күттім.Енді әр күн сайын бүкіл дүние жүзіне мейірімділік пен сұлулықты,әдемілікті сыйлаймын.Әр күндеріңіз қуанышқа тола берсін! Мерекелеріңіз құтты болсын!

Тәрбиеші: Рахмет саған Көктем.Ал балалар көктемді біз әнімізбен шығарып салайық. Шапағат: Үстін жасыл түк басып

Көктем келді нық басып.

Жылғыларға жылыстап,

Кете барды қыс қашып-деп « Көктем келді» әнін қабыл алыңыздар

Ән: «Көктем келді»хормен. Көктем шығып кетеді ( Музыка ойналады)

Тәрбиеші: -Балалар бізге есік қағып келген кім екен!Балалар сендер мына қызды танисыңдар ма?

Балалар: -Ия

Тәрбиеші: -Бұл кім өзі?

Балалар: -Бұл ертегідегі Қызыл телпек

Тәрбиеші :-Қызыл телпек сен мұнда нағып жүрсің?

Қызыл телпек: -Ой мен әжемді мерекесімен құттықтауға бара жатыр едім,бірақ жолда қасқыр кездесіп мені қуып келеді,мен одан қорқып қашып кеттім.Ол мені жеп қояйын деді ғой

И.И.И,деп жылайды

Тәрбиеші: -Қызыл телпек,сен мұңайма жылама,бізде бүгін үлкен той.Айналаға қарашы сен бүгін тойға келдің ғой,қарашы саған қонақтар қарап отыр ғой.

Қызыл телпек: -Айналаға қарап,ұялып тәрбиешінің артына тығылады

Тәрбиеші: -Қызыл телпек,сен жасырынбай-ақ қой сен әжеңе барғанда қандай сый жасамақшы едің?

Қызыл телпек: -мен әжеме арнап тақпақ айтпақшы едім

Тәрбиеші: -Ол қандай тақпақ?

Қызыл телпек:- «Менің әжем» деген тақпақ

Тәрбиеші: -Жарайсың Қызыл телпек! Қызыл телпек сен біздің балалармен қосылып ән салсаңшы

Қызыл телпек: -Жарайды

Тәрбиеші: -Ал ендеше әнге кезек берейік

Ән: «Мама»хормен

Тәрбиеші: Қызыл телпек ,сен әлі де қорқып тұрсың ба?

Қызыл телпек: -Ия

Тәрбиеші: -Неге?

Қызыл телпек: -Әне анау қасқыр маған қарап тұр ғой,қазір ол маған келеді.Себеттен әжеме алып бара жатқан тоқаштарды жеп қоятын болды ғой.

Тәрбиеші: -Ой айналайын қорқағым-ау,біз мұнда неге тұрмыз,біз саған көмектесеміз.Балалар Қызыл телпекке көмектесеміз бе?

Балалар: -Ия

Тәрбиеші: -Онда біздің батыр балаларымыз билеп қасқырды бұл жерден қуып шығады.

Біз әдепті баламыз

Оттай болып жанамыз

Тақпақтарды жақсы айтып

Би де билеп аламыз

Би: «Лизгинка» Дамир,Айбар,Дәурен,Қайсар

Қызыл телпек көңіл-күйі көтеріліп,алақай, енді қорықпай әжеме баратын болдым,рахмет балалар. ( Шығып кетеді)

Тәрбиеші: -Балалар сендер ертегіні жақсы көресіңдер ме?

Балалар: -Ия

Тәрбиеші: -Ендеше бізге бүгін ертегі кейіпкерлері қонаққа келіпті.

Залға бір-бірінеренжіскен ұрысып шал мен кемпір кіріп келеді

Кемпір: -Осы сен қашан өзің біліп айтқызбай жұмыс істейді екенсің!

Бүгін менің мейрамым маған сый жасамайсыңба!

Шал: -Кемпір,кемпір сен маған ұрыспашы.Ай ұмытшақ басым-ай.Бүгін сенің мейрамың екен ғой

Кемпір: -Менің мейрамым осылай өтеді (кір жуғышты тақылдатып кір жуа бастайды)

Шал: -Жарайды кемір бүгін сенің мейрамыңа мен саған дәмді тағам дайындап берейін.

Көлге барып балық аулап келейін (музыка ойналады)

Шал: –Көлге барып,ауды үш рет лақтырып балық ұстай алмай көңілсіз болып қалады

Төртінші рет лақтырған кезде,алтын балық түседі.

Алтын балық: -Шал,шал,мені жіберші,мен сенің барлық тілегіңді орындаймын

Шал: -Жарайды, мен сені жіберемін,сен өте әдемі балық екенсің.

Шал кемпірінің қасына басы салбырап келеді ( Қолында ештеңе жоқ)

Кемпір: -Не болды тағы түк жоқ па!

Шал: -Ия,бірақ бір балық ұстаған едім ол адамға ұқсап сөйлеп мені жіберші деп жалынған соң оны жібере салдым.Ол маған бар тілегіңді орындаймын деді.

Кемпір: -Эй сен не дедің!

Шал: -Ештеңе керек емес деп жібердім

Кемпір: - Ой ақымақ,бар балығыңа барып айт ештеңе керек емес дегенің не! Менің сыйлығым ше!

Шал: -Жарайды айтқаның болсын ( Шал көлге барып балықты шақырады)

Шал: –Алтын балық,Алтын балық

Алтын балық: -Не болды шал!

Шал: -Алтын балық,бүгін кемпірімнің мерекесі еді,кемпірім көңіл көтергісі келіп отыр

Алтын балық: -Жарайды,сен бара бер!Біз қазір кемпіріңе арнап ән айтып береміз

Ән: «Мамина улыбка» хормен

Кемпір: - Әй шал,әлгі балығыңа барып айтшы,мені немере қызым Қызыл телпек келіп құттықтауын қалаймын

Шал: -Жарайды ( шал және көлге барып алтын балықты шақырады)

Алтын балық: -Шал сен мені шақырдың ба!

Шал: -Ия шақырдым менің кемпірім өзінің немере қызы Қызыл телпектің құттықтап келуін қалайды.

Алтын балық: -Жарайды тілегің орындалады

Шал мен кемпір –( екеуі столда отырады ар жақтан әже,ата деген қыздың дауысы естіледі)

Қызыл телпек: –Әже,әже, ата

Әже: - Ой айналайын Қызыл телпек қызым-ау сені сағындық ғой,қане бетіңнен сүйейінші,сені қатты құшақтайыншы ой алтыным,жарқыным,ботақаным,балапаным сол.

Қызыл телпек:-Әжесін мерекесімен құттықтап әжесіне арналған сый сияпатын беріп тақпақ айтып береді,әжесін құшақтап бетінен сүйеді

Тәрбиеші: -Жарайсың Қызыл телпек.Өркенің өссін ( шығып кетеді) Музыка ойналады

Тәрбиеші: Ана менен баланы айырмасын,

Бірі ән де,бірі оның қайырмасы.

Болғанда әке дәулет,ана бақыт

Тағдыр бізді олардан айырмасын!

Би: « Батыл жігіттер»

Тәрбиеші: -Құрметті аналар,қыздар! Міне бүгінгі мерекелік ертеңгілігімізде соңына таяп қалды

Сіздерді 8-науры мерекесімен шын жүректен құттықтаймыз.Отбасыларыңызға бақыт,шаңырақтарыңызға шаттық тілей отырып кешімізді «Мен қазақтың қызымын» әнімен аяқтаймыз

Ән: «Мен қазақтың қызымын» орындайтын Құралбай Әнел.

Тәрбиеші: Біз доспыз гүлдермен

Текке оны жұлмаймыз

Той күні бір-бірлеп

Аналарға сыйлаймыз-деп балаларымыздың сіздерге арнап жасаған гүлдерін қабыл алыңыздар!

Қош сау болыңыздар!

Іншу:Көркіменен әдемі,

Би билейді майысып.

Інжу деген қызымызды

Шақырамыз ортаға

Әмина: Тобымызда байсалды,

Бағдарлайды жан-жағын.

Әмина атты аруымыз,

Гүлдей болып жайқалды.

Қарақат: Қарақат неткен көңілді,

Жүзінен нұр төгілді

Қарақаттай әпкесіне,

Ұқсағысы келеді

Әйгерім:Ұлы ақын таңдаған,

Талғамына жараған

Әйгерімдей аруға

Тамсанады бар адам

Іңкәр: Өзі сондай тым нәзік

Өнерін елге паш етіп

Қол соғып қошеметтеп қарсы алайық

Іңкәр біздің керемет

Кербез: Инабатты әдемі

Тамылжытып әуенді

Кербез ару кызымыз бар өнерлі

Нұрсезім: Өзі сондай байсалды

Жүрген ізі білінбес

Күліп жүреді қашанда

Нұрсезім қыз тек алға

Әнел: Сурет салады керемет

Би билейді бұралып

Қызымыз бар тобымызда

Қарсы алайық Әнел сынды аруды

Айару: Көңіліне қарасақ

Тұнып тұрған бұлақтай

Айару қызды шақырамыз

Кіп-кішкентай лақтай

Толғанай:Толғанайдай ару қыз

Тоты құстай таранып

Келді міне ортаға

Қошеметпен қарсы алайық

Шапағат:Бар әлемді оятқан

Таңмен шашып шуағын

Шапағаттай ару қыз

Нұрланып күліп тұрады

Салтанат: Тобымыздың еркесі

Апасының тәттісі

Салтанаттай қызымыз бар

Достарына қамқоршы