Мерекелік іс шара

КЕЛІСЕМІН БЕКІТЕМІН

«Әйгерім» балабақшасының «Әйгерім» балабақшасы

әдіскері меңгерушісінің м. а.

Н.Е. Омарова___________ __________ Д.Е. Асанова

«_____» «______» 2017ж «_____» «______» 2017ж

Балалар музыка ырғағымен залға кіреді. Балалардың қолдарындағы шарлардаАна, Бала және Қазақстан деп жазылып, әр жазу бойынша тақпақтар айтылады.

Інжу: Ана өмір мәңгілік,

Жүзі нұрлы таң күліп.

Ана десе әркімнің

Көкрегінде жанады үміт.

Ақсезім: Бала,бала,баламыз

Балдай тәтті баламыз

Бала болып ән салып,

Би де билеп аламыз.

Дамир: Отан менің ата- анам,

Отан досым, бауырым.

Отан өлкем- астанам

Отан туған ауылым

Аяна: Құрметте досым, қазақтың жерін,

Қазақстан Республикам менің.

Тәрбиеші: Армысыздар құрметті әріптестер және кішкентай бүлдіршіндер. «Елімменен, тілімменен мақтанам» атты мерекелік шарамызға қош келдіңіздер.

Ана тілім- тірлігімнің айғағы

Тіл барда, айтылар сөз ойдағы.

Өссе тілім, мен де бірге өсемін,

Өшсе тілім, мен де бірге өшемін- деп Әбілдә Тәжібаев атамыз да жырлап кеткен.

Қазақ тілі- өзеннің даласындай кең пейілді, жайдарлы, жалпақ тіл. Туған тіл біздің бірінші бақытымыз, бірінші ырысымыз,біз сондықтан « Ана тіліміз» дейміз. Ата- бабамыз да « Ананың тілі» деп ерекше құрметтеген.

Олай болса балаларымыздың тіл туралы тақпақтарын тыңдайық.

Райланар: Ана тілің арың бұл

Ұятың болып тұр бетте

Өзге тілдің бәрін біл

Өз тіліңді құрметте

Абылайхан: Өсірген ой білімді

Сүйем ана тілімді.

Мақсат етем әр сөздің

Мәнін терең білуді.

Толғанай: Ана тілім ырысым,

Ана тілім қылышым

Ана тілсіз тартылар

Кең дүниеде тынысым.

Қарақат: Ана тілім- елдігім

Ана тілім- ерлігім

Ана тілім болмаса

Бүтінделмес кемдігім.

Осы кезде ұлттық киім киген орыс қызы кіреді.

Орыс қызы: Здраствуйте, ребята!

Балалар: Здраствуйте.

Тәрбиеші: Балалар бізге келген қонақтын аты-жөнін сұрап танысайық.

• Как вас завут?

Орыс қыз: -Меня завут Света

Тәрбиеші: -Балалар Света қай тілде сөйлеп тұр?

Балалар: -Орыс тілінде.

Орыс қыз:- Мен қазақ тілінде де өте жақсы түсініп,сөйлеймін.

Тәрбиеші: Олай болса Света дәлелің болсын, сен біздің балаларға бір тақпақ айтып берші? (Света тақпақ айтып береді)

Тәрбиеші: Рахмет Света, өте тамаша сөйлейсің. Балалар біз өзге ұлттармен сөйлескенде орыс тілінде сөйлесеміз. Өйткені орыс тілі бүкіл ұлтқа ортақ тіл. Света мерекеміздің қадірлі қонағы бол, төрге шық.

Ақыл- ойын адамның

Ана тілден аламын

Ана тілім ардақты

Ақ сүтіндей анамның- деп балалардың «Туған жердей жер болмас» әнін қабыл алыңыздар.

Ән: «Туған жердей жер болмас»

Тәрбиеші: Ана тілім –елдігім

Ана тілім –ерлігім –дей отыра балаларымыздын тақиақтарын қаьыл алыңыздар.

Салтанат: Ана тілің біліп қой

Бостандығың, теңдігің

Ана тілің біліп қой

Мақтанышың елдігің

Алинұр: Ана тілім елім

Қажыр қайрат күшім

Ана тілім менің

Бабам артқан сенім

Алдияр: Тілім барда мақтанам

Тілім менің аппақ ән

Бірлігімді бүгінгі

Ана тілім сақтаған

Орыс қыз: Балалар жарайсыңдар ,маған оте ұнады. Енді мен қазақша әндерді де жаттаймын. Мектепке барып үйренейін. Сау болыңдар балалар.

Тәрбиеші: Балалар біз өлең, тақпақ айтқан кезде өз тілімізді қадырлеп, сүйе білуіміз керек. Біздің ана тіліміз ата-бабамыздан келе жатыр. Мысалы: шешендік сөздер, аңыз әңгімелер, ертегілер,батырлар жыры арқылы жеткен.

• Ал, біз қандай батырларды білеміз?

• Қобыланды батыр,Алпамыс батыр,қамбар батыр.Осы батырлардың барлығы ауыз әдебиеті арқылы тараған.

(Осы кезде залға батыр кіреді.)

Тәрбиеші: Кешіріңіз, сіз кім боласыз?

Баян батыр: Менің атым Баян батыр.

Тәрбиеші: Баян батыр сіз қалай батыр болдыңыз?

Баян батыр: Мен кішкентай кезімнен бастап, қазақтың ұлттық ойындарын ойнап өстім.Ата-әжеме көмек бердім.Ер жеткенде жерімді, елімді қорғадым.Сондықтан елім мені Баян батыр деп атады.

Тәрбиеші: Ал балалар баян батырға кім мақал-мәтел айтып береді.

Кербез: Тіл халықтың жаны

Айбике: Піл көтермегенді

Тіл көтереді

Аружан : Тіл қылыштан да өткір.

Анел: Тіл тас жарады.

Тас жармаса,бас жарады.

Шапағат: Шешенннің тілі өткір

Шебердің бізі өткір.

Тәрбиеші: Баян батыр балалр туған жерге ,елге деген сүйіспеншілігін «Батырлар» биі арқылы жеткізгісі келеді.

Би: «Батырлар»

Тәрбиеші: Олай болса Баян батыр балаларымыздың «Ана тілім тұғырым» атты әнін қабыл алыңыз.

Ән: «Ана тілім тұғырым»

Баян батыр: Жарайсыңдар балалар, енді ұлттық ойын ойнағыларың келе ме?

Олай болса ойынның аты «Теңге ілу»

Ойын: «Теңге ілу»

Баян батыр: Бәрекелді балалар, сендер осал емес екенсіңдер. Күштерің өте көп екен.Өте қызықты ойын болды.Маған өте ұнады. Рахмет.

Тәрбиеші: Бүрмелі әсем көйлек,

Жарасқан тал бойына көрік беріп

Түрленген гүл шоғындай қөзді қарап

Қыздары киген бүрмелі көйлек- деп сұлу қыздарымыздың биін тамашалаңыздар.

Би: «Ару қыздар»

Тәрбиеші: Анамыздың ақ сүтімен бойымызға дарыған тілімізді ұмыту- бүкіл ата-бабамызды, тарихымызды ұмыту деген екен Бауыржан Моиышұлы атамыз. Ендеше өз тілімізде сөйлейік, қадірлейік,ұмытпайық.

Өзге тілдің бәрін біл,

Өз тіліңді құрметте.- дей отыра балаларымыздың «Тәуелсіз ел ұланы» атты әнін қабыл алыңыздар.

Ән: «Тәуелсіз ел ұланы»

Баян батыр қоштасып шығып кетеді.

Осымен мерекелік іс-шарамыз аяқталды. Көңіл бөліп тамашалағандарыңызға рахмет.