Мерекелік іс-шара " Алтын күз"

Алтын күз

"Күз ханшайымы"

1-жүргізуші:

Терістіктен желдетіп,
Жаңбырлатып, селдетіп,
Шаттандырып біздерді,
Шат шадыман күз келді.
Шатыр тікті сары алтын,

2-жүргізуші

Шартараптың бәрі алтын.
Алып келді мереке,
Астық, жеміс береке.
Батырлыққа жараса,
Көбейді той тамаша
Ән салды өзен, тал - құрақ,
Шашу болды жапырақ.

1-жүргізуші

Армысыздар, құрметті ұстаздар!

Есенсіздер ме, есіркеген ата-аналар!

Бармысыздар, жадыраған балалар!

Берекелі Алтын күз құтты болсын!

2-жүргізуші

Біздерде ойын - сауық басталады
Тамаша би билейді ән салады.
Қошеметтеп, қол соғып отыралық
Ұмытарсыз күні бойғы шаршағанды - дей отырып,
«Күз ханшайымы » атты сайысымызды бастаймыз.

1-жүргізуші«Күз ханшайымы » атты кешіміздің 5- сыныптар арасынан құралған ханшайымдарымызды қошеметтеп қарсы алып, ортаға шақырайық.

2- жүргізуші: Әділқазы, алқасына бір сәлем.

Әділдікке бас иеді күллі әлем

Жүйрік озар сайыстарда неше бір

Сарапқа сай әділдікпен шеше біл... дей келе бүгінгі сайысымызға қазылық жасайтын әділқазылар алқасымен таныс болыңыздар!

1. Еңбек пәнінің мұғалімі: Байдолда Бақшагүл

2. Тәрби ісінің меңгерушісі: Зандыбай Сандуғаш

3. Музыка пәнінің мұғалімі: Хатпа Серікгүл

1-жүргізуші: Осы сайысымыздың бағдарламасымен таныс болыңыздар.

1. Ханшайымдар өнері

2. Мен табиғаттан жасай аламын

2-жүргізуші

Бүгін мейрам, бүгін той,

Қуанышты күн біліп қой.

Күзгі бақтай сыңғырлап,

Алақанды соғып қой!-дегендей, қошемет көрсетіп отырайық!

1-жүргізуші: Өнер жаста жаныңдар
Шақырған сайыстарға бірі - бірін
Өнерпаздар дарындылар
Көрейік, ән, би, күйді көрермендер
Көрсетсін сайыскерлер өнерлерін - деп сайысымыздың шарты бойынша сайыскерлерімізді өз өнерлерін көрсетуге шақырамыз.

(Әділқазылар алқасынан жұптарымыздың бағасын сұрасақ.)

2-жүргізуші:Бүгінгі кеш өз мәнімен

Әр сұлу әсем болар өз жанымен

Өз қолынан шығарған табиғаттан

Сіздерге көрсетеді өз сәнімен- дей келе келесі сайысымыз

Мен табиғаттан жасай аламаын сайысына кезек берейік..

Әділқазылар алқасынан жұптарымыздың бағасын сұрасақ.

1-жүргізуші: Құрметті көрермендер «Күз ханшайымы » кешін қорытындылау үшін сөз кезегін Әділқазылар алқасына береміз. (Жеңімпаз топты марапаттау. Және ең әдемі Күз ханшайымын анықтап марапаттау. Мақтау қағаздарымен марапаттау.)

2-жүргізуші: Жеңістер мен жеңілістен тұратын,

Өмір күрес, жеткізе ме мұратын

Жеңбедім, жеңілдім деп ренжімегін,

Қатысу да бір жеңіс, болса егер ұғатын.

Келешекте әлі талай сайыстар бар,

Өнерлерің шыңдалсын қалыспаңдар.

Өнерлілер көбейсін күннен-күнге,

Өмір күрес әлі талай жарыстырар...дей отырып сыныптар арасында өткен «Күз ханшайымы мен ханзадасы» атты кешіміз өз мәресіне жетті.

1-жүргізуші: Тамашалағандарыңызға рахмет, сау-саламат болыңыздар!