Металдар, металдарды пісіруге дайындау

Химиялық элементтердің басым көпшілігі - металдар. Қазір белгілі болып отырған 110 элементтің 88-ы металдарға жатады. Химиялық элементтердің барлық топтарында металдар бар. Периодтық кестедегі металдар мен бейметалдарды өзара бөліп көрсету үшін II топтағы бериллийден VII топтағы астатқа қарай диагональ жүргізіледі. Сызықтың жоғары жағында қосымша топша металдарын есептемегенде, бейметалдар, ал төменгі жағында металдар орналасады. Олар I-III топтың негізгі топшасында жəне барлық қосымша топшаларында кездеседі. Металл атомдарының өзіне тəн ерекшелігі бар. Диагональ сызықтың дəл үстінде жатқан берилий, алюминий сияқты металдар екі жақты қасиеті бар екідайлы элементтерді құрайды.