MExcel де диаграмма құру жолдары

Сабақтың тақырыбы:  MS Excel-де диаграмма құру

Сабақтың мақсаты:

а) бiлiмдiлік: MS Excel-дің графиктік мүмкіндіктері  туралы оқушыларға түсінік беріп, Диаграмма шеберінің көмегімен диаграммалар тұрғызуды және әртүрлі типті диаграммалар құруды үйрету;

ә) дамытушылық: оқушылардың MS Excel программасы мүмкіндіктерін пайдалана отырып диаграмма тұрғызу дағдыларын қалыптастыру, шығармашылық қабілеттерін жетілдіру және олардың компьютерлік сауаттылықтарын дамыту  ;

б) тәрбиелiк: оқушыларды ұқыптылық пен тиянақтылыққа баулу.

Сабақтың типі: Аралас сабақ.

Сабақтың түрі:  теориялық, практикалық

Сабақтың әдісі:түсіндірмелі,зерттеушілік,практикалық

Пәнаралық байланыс:       геометрия,сызу,

Сабақтың көрнекiлiгi: интерактивті  тақта,электронды оқулық ,диаграмма шеберіның терезесі , үлестірмелі қағаздар

• Үй тапсырмасын сұрау: MS Excel бағдарламасы терезесінің элементтерін қайталау.

Оқушыларды   түрлі-түсті жетондар арқылы бағаланады.

Қызыл түс -5 Сары түс -4 Көк түс -3

Үй тапсырмасын бекіту. «Ұшқыр ойлар»
Адасқан әріптерден сөз құрап, олардың қазақша атын айтып орысшаға, ағылшынға аудару керек. 
К Ұ Я Ш Д И 
І Т А Ы Қ А 
Ф О П Л А Г 
Б Р М У А Р 
Е Т Т Е М А 
К Е С А М Т 
 Кітап-книга-Book; Excel іске қосылғаннан кейін, экранда кестенің жұмыс істеу беттері жұмыс кітабына біріктірілген. 
 Бет- страница- list; Жұмыс кітабы жұмыс бетінен тұрады 
 Ұяшық- ячейка- cell; Жұмыс беттері ұяшықтан тұрады; 
 Диаграмма-диаграмма-diagram ; мәліметтерді графиктік түрде көрсету 
 Кесте-таблица- table; Кесте бірнеше ұяшықтан тұрады; 
 Формула-формула- formula; Excel де формулалар жазу арқылы есептеуге болады 

Жаңа сабақ:

  Диаграмма –сандық мәліметтердің өзгеруін айқындап көрсетуге мүмкіндік береді.  Диаграмма –бұл мәліметтерді талдау мен салыстыру ыңғайлы болу үшін кестедегі мәліметтердің көрнекі графиктік түрде берілуі.

Excel  диаграмманың бірнеше түрлері бар.

Диаграмманы құру үшін: Электронды кестеге диаграмма құратын мәліметтерді енгізу, сол жазылған мәліметтерді жұмыс парағында ерекшелеп алу,  Кірістіру мәзіріндегі Диаграмма командасын немесе Стандарт аспаптар тақтасындағы белгіні басу. Сол кезде экранға Диаграмма шебері сұхбат терезесі ашылады. Сұхбат терезе бойынша негізінен 4 қадамнан өту керек. Бірақ кез-келген қадамда диаграмманы құру үшін Готово яғни Дайын батырмасын шертуге болады, сонда Диаграмма шебері диаграмма құруды аяқтайды.

1-қадам Диаграмма типін таңдау келесі қадамға көшу үшін «Далее» яғни Жалағстыру батырмасын басу керек,

2-қадам Таңдалған диаграмма қалай көрінетіні шығады;

3-қадам Диаграмма параметрін орнату яғни аңыз пішімін, диаграмма тақырыбын енгізуге болады.

4- қадам Диаграмманың  орналасуын көрсету яғни кестенің жанына немес кестеден бөлек жерге орналастыру түрін таңдау.

Егер диаграмма дұрыс құрылса, оның қандай мақсатта құрылғанын анықтау оңай болады. Ал диаграмма жақсы құрылу үшін, оған берілген, енгізілген ақпараттар анық әрі түсінікті болу керек.

   Дайын диаграмманың негізігі мынадай элементтері болады: тақырыбы, тор, аңыз.

Аңыз дегеніміз диаграммада берілген деректердің қатарларын ажыратады.

  Дайын диаграмманың өлшемін, түрін, түсін өзгертуге және жоюға болады.

Сергіту сәті. 
Көзге арналған жаттығулар. 
• Көзді бірнеше рет жыпылықтату 
• Көзіңмен ақырын оң жаққа қарай 3-4 рет 
айналым жаса 
• Соншалықты айналым солға қарай жаса. 
Көздеріңізді жұмып, алақандарыңыз бен жабыңыздар. 

Практикалық жұмыс: 

Кестедегі мәліметтерді енгізіп, гистограмма құрады.

Әр оқушы компьютерде диаграмма құрады және диаграмманың қандай түрі екенін айтады.

Қорытындылау.

«Графика» сөзжұмбақ:
   1. Деректерді графикалық түрде көрсетуге арналған. (диаграмма)
   2. Бағандық диаграмманың басқаша атауы. (гистограмма)
   3. Диаграмма типінің бір түрі. (сақиналық)
   4. Бұл жол белсенді ұяшықтың мәнін көрсетеді. (формула жолы)
   5. Диаграмма осі. (вертикаль)
   6. Excel қандай бағдарлама? (кестелік)
   7. Диаграмма элементтерінің бірі. (аңыз)

а)Үй тапсырмасын беру;

б) Оқушыларды бағалау, мадақтау