«Меһри –дәрия анилар»(2-синип, синиптин сирт иш-чарә)

Синип: 2 «б»

Мавзуси: «Меһри –дәрия анилар»

Өткүзүлүш түри: синиптин сирт иш-чарә

Өткүзүлидиған жай: акт зали

Мәхсити: Назук ханум-қизларниң жәмийәттики орниниң алаһидә екәнлигини дәлилләп олтирип, уларға шатлиқ, бәхит тәғдим қилиш. Балиларниң уларға дегән һөрмити билән меһрини көрситиш.

Ишлитилидиған көрнәкиликләр: Тәклипнамә, сүрәтләр, презентация, шарлар, гүлләр, музыка в.б.

Берилиши: Меһманларни мәйрәмлик синиптин сирт иш-чаригә чақириш, уларни күтүп елиш, тиләк билдүрүш, һүнәр көрситиш, тәбрик сөзәрни ейтиш, хуласә сөз, умумий хуласини чиқириш.

Елип барғучи: Әссаламу әләйкүм һөрмәтлик меһманлар! Барчимиз тақәтсизлик билән күткән гөзәл баһар пәслиму йетип кәлди. Баһарниң дәсләпки күнлири билән биргә дунияниң өчмәс юлтузлири, тәбиәтниң солмас гүллири болған назук қәлибләрниң мәйрими 8-март нишанланмақта. Бу – «Бир қоли билән бөшүкни тәврәтсә, иккинчи қоли билән дунияни тәврәткән» әзиз анилар, гөзәл қизларниң мәйримидур!

Сәндин өскән балилар,
Батурлар вә даналар.

Тәбрикләймиз сизләрни,
Һөрмәтлик, жан анилар!

2 «б» синип оқуғучилириниң қиммәтлик, меһриван, әзиз, көйүмчан вә қәдирдан аниларға вә қизларға 8-март «Ханум-қизлар мәйримигә» беғишланған «Меһри-дәрия анилар!» намлиқ концертиға хуш кәпсиләр!

Тәбрик сөз:

Ана дегән өчмәйдиған чирақкән,

Өмүр бойи пүтмәйдиған пурақкән.

Ана меһри бала үчүн һәр күни,

Һава билән судәк муһим соғаткән.

Ана дегән баһардики чечәккән

Қойни бала үчүн кәң етәккән.

Шу аниниң һәр қәдими,ишлири

Миң жилларда жүтмәйдиған чөчәккән.

2 «б» синип оғуллириниң орунлишида фешмоб «Мы крутые мальчики»

2 «б» синип қизлириниң орунлишиниң орнида уссул «Қара жорға»

Елип барғучи:

Ана дегән йол көрсәткән сизиқкән.

Ана билән бала өмри қизиқкән,

Шу аниниң кичиккинә қәлбигә,

Тағдин егиз бала бәхти тизиқкән.

-Әнди,мана мошу аниниң чәксиз меһир муһәббитигә чөмүлүп, бәхитлик яшаватқан балиларниң силәргә чин жүрәктин ейтқан шеирлирини қобул қилиңлар.

Балилар шеирларни ейтиду.

Оюн: «Тамақ тәйярлайли!»

Шәрти: 4 ана вә 4 бала сәһнигә чиқирилиду. Андин берилгән 3 яңиюни ахлайду, балилири яңиюниң шакаллирини жиғип салафанға селип ярдәм бериду.

Аниларға беғишланған видео көрситиш:

(Балар анилири тоғрисида ейтқан сөһбитиниң видеоси көрситиду). Проекторниң ярдими билән.

Елип барғучи: 

Силәр болғач,балиларниң көңли тоқ

Силәр болғач,балиларниң ғеми йоқ.

Қараңлара,турғинини бәхитлик

Аниларниң меһригә берип зоқ – дәп оғул балиларниң орунлишида «Сапай уссули».

Оғулларниң орунлишида - «Сапай уссули»

Оюн: «Мән анамни сөйүмән»

Шәрти: 4 ана вә 4 бала чиқиду. Һәр бир бала 3 метр жирақлиқта турған калпукларни аписиниң қолиға бериду вә сөйиду. Ким әң тез тапшурмини орунлап пүтсә йеңивалиду.

Йәңгән оқуғучиларға гүл соға қилиниду.

Елип барғучи:

-Ана! Дуниядики әң улуқ инсан! Бир шаирниң аниларни «Тәңдиши йоқ есил җанлар» дәп ейтқини шуниңдин болса керәк. Пәрзәнт дунияға көз ачқандин башлап ана уни иссиқ бағриға бесип, иллиқ меһрини чачиду. Түн уйқисини төрткә бөлүп, ақ сүтини бериду. Өмүр бойи «Баламниң қолиға киргән тикән, мениң көзүмгә кирсун» дәп, өзини ойлимай, пәрзәнди үчүн сәкпарә болуп, қерип кәткинини сәзмәй қалиду.

Қизларниң орунлишида һинд уссул – «Many many»

Шеирлар

Оюн: «Балиңизни тепиң»

Шәрти: Сәһнигә барлиқ анилири чиқиду вә көзлирини бағлиниду. Андин балилириниң қолини тутуш арқилиқ һәр бир ана өзиниң балисини ениқлайду. Йәкүнидә бир-бирини қучақлаш арқилиқ иллиқ тиләклирини ейтиду.

Қизларниң орунлишида уссул – «Допиңиздин өргиләй!»

Оюн: «Сехирлиқ халта»

Шәрти: Халтиниң ичидин алған сехирлиқ сөзләрни оқуйду.

Нахша «Анажаным»

Елип барғучи:

• Бирла күн анимиз өйдә болмай қалса, өйниң ичи боран учқандәк соғақлишип кетиду. Шуңлашқа сөйүмлүк шаиримиз Илия Бәхтия «Аял қоли» дегән шеирида:

…Әгәр достлар

аял қоли болмиса,

Гөзәлликму болмас еди аләмдә,

— дәп, аялларни һаятниң зенити дәп күйлигән. Бу мисралар қәлбимизниң төридин орун алиду. Сәвәви, һәр бир инсан анисини наһайити яхши көриду. Ана- биз үчүн меһриванлиқниң, гөзәлликниң үлгисидур.

-Қени, у чағда балиларниң қолидин ясалған соғилирини қобул қилиңлар!

-Бизниң синипниң оғуллири қизларғиму соға тәйярлап елип кәпту, қени мәрһәммәт!

«Аниларниң меһри билән келиду баһар,
Ханум-қизлар чеһри билән күлиду баһар.
Бу аләмдә ана қәлби қуяш нуридәк,
Аниларни улуқлашни билиду баһар»-дәп бүгүнки «Көкләм ишқи» намлиқ концертимиз аяқлашти! Диққитиңларға көп рәхмәт, йенип дидарлашқичә аман-есән болайли!

«Меһри – дәрия анилар!»

2 «б» синип