Сыныбы: 6 «Б»

Сынып жетекшісі: Наурзбаева С.Н.

Кабинеті: мектеп кітапханасы

Мерзімі: 23.10.2025 ж

Сынып сағатының тақырыбы:

М.Ғабдуллиннің туғанына 110 жыл

Тәрбие құндылықтары:

Тәуелсіздік және Отаншылдық

Бірлік және ынтымақ

Сынып сағатының мақсаты:

Қазақ жазушысы, әдебиет зерттеушісі,қоғам қайраткері филология ғылымдарының докторы, Педагогика ғылымакадемиясының академигі, Кеңес одағының батыры Мәлік Ғабдуллиннің өмірі мен шығармашылық мұрасы туралы білімдерін кеңейту;

Өнегелі өмірімен таныстыру, шығармаларына шолу жасау 

Сынып сағатының міндеті:

Оқушының сөз мәдениетін дұрыс меңгеріп, жырларды мәнерлеп оқуға, өлеңді өміріне серік еткен жазушыға еліктеп патриот болып өсуіне кең жол ашу, рухани танымын кеңейту.

Бағалау критерийлері:

Өз ойын еркін жеткізе алады, ойлау қабілеттері дамиды.

Сынып сағатының түрлері:

Танымдық

Ресурстар:

АКТ, жазушы кітаптарынан көрме, портреттер

Сынып сағатының өтілу барысы:

Басы:

Ортасы:

Соңы

Кіріспе

Мұғалім сөзі:

– Балалар, бүгін біз Ұлы Отан соғысының батыры, көрнекті ғалым және жазушы

Мәлік Ғабдуллиннің өмірі мен шығармашылығы жайлы танымдық сабақ өткіземіз.

– Ол – халқымыздың мақтанышы, жауынгер ретінде ерлік көрсетіп, бейбіт заманда ғылым мен әдебиетке үлес қосқан тұлға.

– Бүгінгі сабақта біз оның өмірінен, ғылыми және әдеби мұрасынан мағлұмат аламыз.

Мотивациялық сұрақтар:

– Батыр деген кім?

– Ел үшін еңбек ету дегенді қалай түсінесіңдер?

– Ғалым болу үшін адамда қандай қасиеттер болу керек?

Пікір талас. "Батыр. Ғалым. Жазушы" ( сұрақ-жауап )

1. Мәлік Ғабдуллин қай жылы дүниеге келген?

– 1915 ж.

2. Ұлы Отан соғысында қандай атаққа ие болды?

– Кеңес Одағының Батыры

3. Қай өңірде туған?

– Ақмола облысы, Зеренді ауданы

4. Мәлік Ғабдуллин қай саланы зерттеді?

– Фольклор, халық ауыз әдебиеті

5. «Халықтың ауыз әдебиеті» кітабы не туралы?

– Қазақтың мақал-мәтелдері, ертегілері мен жырлары туралы

6. Соғыс туралы жазған кітабы:

– «Менің майдандас достарым»

7. Бұл шығарманың тәрбиелік мәні қандай?

– Достық, ерлік, Отанға адалдық

1. М.Ғабдуллин – ақын. (Жалған)

2. Ол Абай шығармаларын зерттеген. (Жалған)

3. М.Ғабдуллин – академик. (Шын)

4. Ол әскери ерлігін кітап етіп жазды. (Шын)

Сөз кезегін қалалық кітапханадан келген қонақтарға береміз.

Қорытынды

Мұғалім сөзі:

Балалар, бүгін біз Ұлы Отан соғысының батыры, ғалым, жазушы Мәлік Ғабдуллин туралы танымдық сабақ өттік. Ол – қазақ халқының мақтанышы, батырлығы мен білімі арқылы елге қызмет еткен азамат. Оның өмірі – біз үшін үлгі. Біз де өз білімімізбен, еңбегімізбен елге қызмет етуге тырысуымыз керек. Кітап – адамды тәрбиелейтін рухани байлықтың көзі. Сондықтан кітапты құрметтеп, көп оқуға тырысайық.

Оқушылардың орындауында «Атамекен» әні