"Миллион кімге бұйырады"

Сабақтың тақырыбы: « Миллионды кім алады? (6 сынып)
Негізгі мақсаты : оқушыға жан-жақты білім беру, алған білімдерін тереңдету, ой-өрісін кеңейту, ұжыммен жұмыс істеуге үйрету.
Дамытушылық мақсаты: Оқушылардың пәнге деген қызығушылықтарын арттыра отырып, есте сақтау қабілетін дамыту арқылы өз ойын жеткізе білу дағдысын қалыптастыру.
Тәрбиелік мақсаты:Оқушыларды ұйымшылдыққа, тапқырлыққа, жауапкершілікке тәрбиелеу.
Сабақтың түрі: сайыс сабағы
Сабақтың барысы:
Ұйымдастыру
1. Топпен таныстыру
2. Ойын шартымен таныстыру
3. Қорытындылау
Армысыздар бүгінгі ойынға жиналған математиканы сүюші қауым.
Есептеуге жүйрік болсаң жасыңнан, 
Математикаға орын берсең басыңнан, 
Барлық ғылым саған үйір болады, 
Досың солар – табылатын қасыңнан.
Мықты болсаң – алдағыны басып оз, 
Мықты болсаң – арттағыны жеткізбе.
Мықты болсаң – тайғанама көк мұзда, 
Мықты болсаң – бөгеттерді бұзып өт.
Мықты болсаң – заманыңды көктеп өт - дей отырып «Миллионды кім алады » атты танымдық сайысымызды бастаймыз.Сайысқа 6-сынып оқушыларынан құралған «Алғырлар» және «Тапқырлар» атты топтар қатысып отыр.
Сайысымыздың шарты: Сайыс үш кезеңнен тұрады. 1кезең-1000 тг ұтыс (ойланбай бірден жауап береміз) 2-кезең -32000 тг ұтыс (1 минут ойлануға уақыт беріледі) 3-кезең 100000тг ұтыс ( 2 минут ойлануға уақыт беріледі). Ойынға қатысушылар екі жеңілдікке ие, ол залдан көмек, досынан көмек.
Ғылымның сырын ұғына
Шығыңдар білім шыңына
Ұқыптылық пен зеректілік, 
Жеткізер сіздердей өренді
Жеңістің мынау шыңына дей келе сайыскерлерімізге сәттілік тілей отыра
« Алғырлар» тобын ойын алаңына шақырамыз.
Сұрақтар (дайындық):
- Бүгінгі ойында қанша ақшамен қайтамыз деген үміттесіздер?
- Бай, миллионер болғыларыңыз келе ме?
- Миллионер болу үшін бүгінгі таңда ең қажеттісі не деп ойлайсыздар?
- Ойын шарты сіздерге түсінікті ме?
Ойын шарты түсінікті болса назарларыңыз экранда болсын

1 топ Алғырлар
1-кезең
100 теңге Кері сандардың көбейтіндісі? (1)
200 теңге Екі нүктенің арасындағы түзу? (кесінді)
300 теңге 7 май шам жанып тұр, 4-уін сөндірсек неше май шам қалады? (4)
500 теңге 1 жұмыртқа 5 минутта піседі , 5 жұмыртқа неше минутта піседі? (5)
1000 теңге Сақ дәуіріне жататын ауданымыздағы ең ірі қорым? (Берел)
1 кезең аяқталды. Ойынды жалғастырамыз ба, әлде мың теңгені аламыз ба?
Егер сіздер миллионды ұтып алсаңыздар қалай бөлісер едіңіздер?
2 кезең
2000 теңге Қайыңда 7 бұтақ , әр бұтақта 3 алма .Барлығы неше алма болды?
( Қайыңда алма өспейді )
4000 теңге Атам, әжем, ағаммен, Әкем інім және, Анам және енесі, Енесінің бөлесі, Отыр едік шай ішіп, Жеңгем кірді майысып, Арқасында кіші інім, Сонда қанша айта ғой, Үйдегі бар кісінің? (10 кісі)
80000 теңге Теріс сандарды қалай қосамыз?
16000 теңге Балықшы 2 балықты 4 минутта аулайды.Осындай 8 балықты неше минутта аулайды? Балық қаққан кезде.
32000 теңге Бақшаға Жақсы аға , Көп-көп ойыншық келді алып, Бір балық, екі есек, үш үйрек, Төрт түлкі, бес бүркіт, Алты арғымақ, жеті жарғанат, 
Сегіз саулық, тоғыз тауық, Он торпақ.....Болма есепке сен шорқақ.Ауызша, жазбаша қосып шық.Бақшаға Жақсы аға, Қаншама әкелді ойыншық? (55)
2 кезең аяқталды. Ойынды жалғастырамыз ба, әлде барға қанағат тұтамыз ба?
Ата-аналарың қалта шығынына күнделікті ақша бере ме, қанша?
Ата –аналарың берген ақшаны үнемдейсіңдер ме?

3 кезең
64000 теңге Математика – сөзінің мағынасы. (Грекше ілім, ғылым)
125000 теңге Түнгі сағат 11-де жаңбыр жауса, 48 сағаттан соң күн шығады деуге болама? ( жоқ)
250000 теңге қандай сан барлық сандарға қалдықсыз бөлінеді?(нөл)
500000 теңге Бас бармақ пен сұқ саусақ аралығындағы өлшем? (сүйем)
1000000 теңге XVIII ғ. ортасында “>”, “<” таңбаларын кім енгізді? (Пьер Буге)
Егер сіздер миллионды ұтып алсаңыздар ең бірінші әрекеттеріңіз қандай?

Көңілді тапқыштар, білгірлер
Бар білімін алдарыңа салады
Кім білімді, көп оқыған болса егер
Бүгінгі күн жеңімпазы болады.
Өмірде ойлап тұрсаң бәрі де есеп
Ауырсаң ішетұғын дәрі де есеп
Есепсіз сүрген өмір мазмұнсыз-ау
Дүниенің бар тұлғасы есеп десек дей келе « Тапқырлар » тобын ойын алаңына шақырамыз.
Сұрақтар:
- Көңіл күйлеріңіз қандай?
- Егер сіздер миллионды ұтып алсаңыздар қалай бөлісер едіңіздер?
- Қолдарыңа ұстап , жұмсаған ең көп ақша саны қандай?
- Ойын шарты сіздерге түсінікті ме?
Ойын шарты түсінікті болса назарларыңыз экранда болсын
2 топ Тапқырлар тобы
1 –кезең
100 теңге 5-6 сынып математика оқулығының авторы кім? (Алдамұратова)
200 теңге Үстел басында 1 ата , 2 әке, 2 баласын отыр. Үстел басында қанша адам отыр (3 кісі)
300 теңге 17 жай сан ба, құрама сан ба? (жай сан )
500 теңге Тәулік қай кезде қысқа? Қыста ма әлде жазда ма? (тең )
1000 теңге Жерлес жазушыларымызды ата? (О.Бөкеев, Қ.Ысқақов, Д. Әшімханов, Ә. Асқаров , Т.Рақымжанов т.б.)
1 кезең аяқталды. Ойынды жалғастырамыз ба, әлде мың теңгені аламыз ба?
-Егер сіздер миллионды ұтып алсаңыздар қалай бөлісер едіңіздер?
-Оңай жолмен ақша табу дегенді қалай түсінесіздер?
-Жолдан ақша таптыңыздар ма? Сіздердің іс-әрекеттеріңіз қандай болды?
2 кезең
2000 теңге Санның жүзден бір бөлігі ? ( процент )
4000 теңге Бір аптада неше минут бар ? (10080 минут )
80000 теңге Таңбалары әр түрлі санды қалай қосамыз?
16000 теңге Баяғыда бір жалғыз кемпір болыпты.Бір күні ұрыларосы кемпірдің үйін тонамақ болып келсе, ол әндетіп отыр екен.“Сапырып, сапырып Сарманға бер, 
Құйып, құйып Құрманға бер, Есіктегі екеуге бер, Төрдегі төртеуге бер, 
Өзің іш те, маған бер.”Ұрылар:”Бұл үйде кісі көп, әрі бізден екі есе артық екен деп кетіп қалыпты.Бұл үйде адам нешеу, Ұры нешеу? (5, 10)
32000 теңге «Алтын балық ертегісінде балықшы қанша уақыт балық аулады ?» (33)
2 кезең аяқталды. Ойынды жалғастырамыз ба, әлде барға қанағат тұтамыз ба?
-Қаражатты үнемдеп ұстау қажет пе?
-Қалай үнемдеуге болады?
-Ақша табу оңай ма әлде қиын ба?

3 кезең
64000 теңге Қай сағат тәулігіне 2 рет дұрыс уақытты көрсетеді?
(тоқтап тұрған сағат . )
125000 теңге Бесінші қабатқа шығу үшін 80 басқышқа көтерілу керек. Үшінші қабатқа шығу үшін неше басқышқа көтерілу керек? (40)
250000 теңге Бес асыл іс-? (Талап, еңбек, рақым, терең ой, қанағат )
500000 теңге Күннің көзі жылына неше рет шығады? (365 рет)
1000000 теңге Ең алғаш ондық бөлшекті санау жүйесіне енгізген математик?
(Коши)
Ғалымдардың пікірі бойынша Англияда миллионерлердің пайызына байлық мұрагерлік жолмен берілген екен, ал қалған пайызы қандай жолмен айла –тәсілмен байыған деп ойлайсыңдар?
Ақшаның қандай жолмен келгенін қалайсыздар?

Көрермендерге сұрақ.

Ең алғаш Еуропаға “миллион” сөзін әкелген кім?
Жауабы: Атақты жиһангез Марко Поло (1254-1323)
Бір шоколадты 100 теңгеге сатып аламыз. 1, 5 шоколадты неше теңгеге сатып алуға болады. (200)
Үстелде 3 стақан сүт бар.Алмаз бір стақан сүтті ішіп қойды. Үстелде неше стақан бар? (3)
Торда 4 қоян бар. 4 бала 4 қоянды әкетті, ал бір қоян торда қалды. Неге?
86 санын еш амал қолданбай 12-ге арттыр. (98)
Мектепке келе жатқан 5 балаға қарсы жолда тағы 4 бала жолықты.
Мектепке неше бала барды? ( 5 бала )
Сағат тілі тәулігіне неше рет тік бұрыш жасайды? ( 4 рет)
Екі адам 4 сағат шахмат ойнады. Олардың әрқайсысы неше сағат ойнады? Ұшақ Семейден Алматыға дейін 1 сағат 20 минут ұшады, ал кері қарай 80
минут ұшады. Бұл айырмашылықты қалай түсінесің? (екеуі тең)
8. Кім барлық тілде сөйлейді? ( жаңғырық)
9. Қандай жолмен еш уақытта адам жүрмейді? (құс жолымен)
Бірнеше үйрек ұшып келе жатыр. Біреуі алдында, екеуі артында, біреуі артында, біреуі екіншісінің арасында және үшеуі қатар. Қанша үйрек ұшып келе жатыр? (3 үйрек)
Шекер жейтін аққұтан
Бір қазыққа байланды
Аузына тістеп шекерін
Ол қазықты айналды. ( Циркуль)
Сәуленің 2қуыршағы, 3алмасы, 1шоколады, 2апельсині, 5шабдалысы және 1 велосипеді бар. Сәуленің қанша жемісі бар? (10)

Қорытынды шығару:

(әзіл есеп) “ Түлкі мен қасқыр”.
Екеуі тегін балыққа тап болады. Қасқыр айтады “Мен математикаға нашармын, балықты сен бөл” дейді түлкіге. Сонда түлкі саған біреу, маған екеу, саған үшеу, маған төртеу т.с.с. Ең соңында жиырма балықты өзіне салады. Кім көп алды және қаншаға артық алды? Қасқыр-100 Ж: Ең көп балықты түлкі алды -110, 10 балыққа артық.
«Қу түлкі»
Шал балықтарды көп аулап әндетіп келе жатса, жолда бір түлкі сұлап жатады, шал қуанып кемпіріме жаға болады деп түлкіні шанаға салып алады. Ал түлкі жолда 1 минутта 1 балық, 2 минутта 2 балық, т.с.с. Бір лақтырғанда алдыңғы лақтырғаннан 2 есе артық лақтыра береді. 7 минутта барлығы неше балық лақтырған. Ж: 127

Қуанамын мен де, (өзімді көрсетемін)
Қуанасын сен де, (жанындағы досымды көрсетемін)
Қуанайық, достарым, (бір біріміздің қолымыздан ұстаймыз)
Арайлап атқан күнге (қолдарымызды жоғары көтереміз)
Тәуелсіздік пен егемендігімізге бас иеміз әрқашан.