Қ.Дүтбаева атындағы

Атырау гуманитарлық колледжі

«Қазақ тілі мен әдебиеті мұғалімі»

мамандығының 3(9) ЖК тобының студенті

Абдрахманова Нұрай Райымбекқызына

Мінездеме

Абдрахманова Нұрай 2020 жылы 28 қаңтар – 16 наурыз аралығында Атырау қаласы Жұмыскер мөлтекауданындағы И. Тайманов атындағы орта мектебінде іс-тәжірибеден өтті.

Нұрайға 8^д сыныбы бекітілді. Осы сыныпқа қазақ тілі мен әдебиетінен сабақ берді. Алғашқы күндері әдістемелік көмек көрсетіліп, күнтізбелік жоспармен таныстырылды, қысқа мерзімді сабақ жоспарын қалай құру керектігіне кеңес берілді.

Нұрай алғашқы күннен бастап өзінің белсенділігімен, ізденімпаздығымен көзге түсіп, ашық мінезімен оқушыларды төңірегіне топтастыра білді. Ол сабақтарына үнемі тыңғылықты дайындықпен келеді. Сабақ үрдісінде оқытудың белсенді әдіс-тәсілдерін тиімді пайдалана білді. Көрнекіліктерді де жиі пайдаланып, оқушыларды топпен жұмыс істеуге бейімдеп отырды.

Қазақ әдебиетінен Д.Исабековтың «Әпке» драмалық шығармасы тақырыбына ашық сабақ өткізді.

Мектебімізде 8-сыныптар бойынша Ұлы ақын А.Құнанбайұлының 175 жылдығына орай жоспарланған апталықтың жоғары деңгейде өткізілуіне үлкен үлес қосты деп айтуға болады. Апталық аясында «Табиғаттың дарынды жаратылыс дарабозы» тақырыбында кеш өткізді. Бұл тәрбиелік шара мазмұндылығымен, жүйелілігімен, тартымды өткізілуімен көрермендеріне жақсы әсер етті.

Нұрай осындай сыныптан тыс жұмыстардың ұйымдастырылуына, безендірілуіне өзіндік үлес қосты.

Сабақ үрдісінде өзін ұстауы, сөйлеу мәдениеті, оқушылармен қарым-қатынасы, өзіне сенімділігі, жауапкершілікті сезінуі, ұйымдастырушылық қабілеті, өз мамандығына деген қызығушылығы – Нұрайдың тәжірибе кезінде байқалған жақсы жақтары.

Нұрайдың келешекте өз пәнінің шебер маманы бола алатындығына сеніміміз мол.

Жоғарыда аталған жайларды ескере отырып кезектен тыс педагогикалық кеңестің шешімімен машықкер Абдрахманова Нұрайдың тәжірибесін 5(өте жақсы) деген бағамен бағалаймыз.

Мектеп директорының

міндетін атқарушы: ______________ Карабалина М.С.

Пән мұғалімі ______________ Айтжанова Г.Е.