мінездеме бастауыш сынып мұғаліміне

Шұбарши мектеп –бөбекжай -балабақшасының

Бастауыш сынып мұғалімі Төлеуова Сұлу Қобыланқызына

Мінездеме

Төлеуова Сұлу Қобыланқызы Ақтөбе гуманитарлық колледжінің түлегі, бастауыш сынып мұғалімі. Ол еңбек еткен 11 жылда талай жетістіктерге жетіп, мектепшілік, аудандық сайыстарға қатысып мектептің абыройын көтеріп жүрген ізденімпаз ұстаз. Халықаралық Өрлеу –Өркендеу журанлының ұйымдастыруымен «Үздік педагог — 2022» байқауына қатысып «Үздік педагог» номинациясына ие болды.
Мұғалімнің негізгі мақсаты — оқушылардың шығармашылық қабілетін, өздік танымдық біліктілігін дамыта отырып, білім сапасын арттыруды ұйымдастыру.

Сабақ беретін 1 «А» сыныбында қабілетті және үлгерімі төмен оқушылармен арнаулы іс — жоспары бойынша жеке жұмыс жүргізіп, саралап, даралап оқытуда. Елімнің болашағы деп үміттенетін бүгінгі жас ұрпаққа білім нәрін сеуіп, еңбексүйгіштік пен адамгершілікке тәрбиелеп, білімі мен өнегесін кішкене бүлдіршіндерге арнап, бойындағы бар күш — жігерін шәкірт тәрбиелеуге жұмсайтын Саұлудың еңбегі ерекше.
«Оқушылардың шығармашылық қабілетін дамыту» тақырыбында шығармашылықпен жұмыстанып, оны үнемі сабақта қолдануда.
Сонымен қатар Сұлу бастауыш сыныптар бірлестігінің жетекшісі. Ол мектептегі қоғамдық жұмыстарға да белсене араласады. Ұжым ортасында беделді, адамгершілігі мол, мінезі ашық, жас мамандарға көмектесіп отырады. Ол адамгершілік, сыйластық деген ұғымдарды бірінші орынға қояды. Ұжыммен тіл табысқыш, ибалы, кішіпейіл, қарапайым ұстаз. Білімін үнемі жетілдіріп отыратын, білім мен тәрбиені ұштастырған ұстаз ғана емес, ол екі баланың анасы, аяулы жар.
Төлеуова Сұлу заман талабына сай, қоғамға лайықты білімді де, білікті ұстаз екеніне сеніміміз мол.

Мектеп директоры  А.Нуржанова

Шұбарши мектеп –бөбекжай -балабақшасының

Бастауыш сынып мұғалімі Багындыкова Жанар Туребековнаға

Мінездеме

Багындыкова Жанар Туребековна Ақтөбе гуманитарлық колледжінің түлегі, бастауыш сынып мұғалімі. Еңбек жолында мектепшілік, аудандық сайыстарға қатысып жүрген ұстаздардың бірі. Еңбек жолында аудандық, мектепішілік алғыс хаттар мен марапаттар иеленген. Мұғалімнің ретінде оқушылардың шығармашылығын арттыра отырып, оқушының жан дүниесін түсіне білетін ибалы ұстаздардың бірі.. Білімі мен өнегесін шәкірттеріне арнап, бойындағы бар күш-жігерін шәкірт тәрбиелеуге жұмсайды. 

Мектепте өз бойындағы еңбекқорлығымен, білім беруге деген адалдығымен, жаңашылдығымен, ұйымдастырушылық қабілетімен, жауапкершілігімен ерекшеленеді. Өз ісіне ұқыпты. Оқушылар, ата-аналар, құрбы-құрдастар, ауылдастар арасында беделді, пікірі салмақты. Оқушылардың білім сапасын көтеру мақсатында ақпараттық-коммуникативтік технологияны кеңінен пайдаланады. Әріптестеріне, әсіресе жас мамандарға көмегін аямайды.

Сонымен қатар Багындыкова Жанар мектептегі қоғамдық жұмыстарға да белсене араласуда. Ол жасының келгеніне қарамастан өзінен кейінгі ұстаздарға да қол ұшын созуға дайын, үлгілі ұстаздардың бірі.Білімін үнемі жетілдіріп отыратын, білім мен тәрбиені ұштастырған ұстаз ғана емес, ол 4 баланың аяулы анасы, аяулы жар.

Багындыкова Жанар заман талабына сай, қоғамға лайықты білімді де, білікті ұстаз екеніне сеніміміз мол.

Мектеп директоры  А.Нуржанова