Мінездеме оқушыға

ЖШС «ALASH LYSEUM» 2 «в» оқушысы Амантай Абдурахимге

Мінездеме

Абдурахим 2016 жылы қараша айының 28 жұлдызында дүниеге келген. Абдурахим 2022 жылы 1 қыркүйектен бастап мектепке қабылданған. Өз отбасы туралы толық мәлімет бере алады.

Әлеуметтік жағдайы жақсы. Үйден барып - келіп оқиды. Сырт бейнесі өте тартымды, жарасымды. Мектеп талабына сай киінеді. Үнемі таза жүреді. Дене дамуы өзінің жасына, ортасына сәйкес келеді. Денсаулық жағдайы жақсы.

Абдурахимнің мінезі ақкөңіл, жайдары. Жасы үлкен адамдарды сыйлап тұрады. Айтқанын екі еткізбейді. Сыныптағы оқушылардың барлығымен қарым-қатынасы жақсы. Басқа оқушылардың көңілі қалмасын деп, үнемі айтқандарына келісіп отырады. Кейбір уақыттарда басқаның айтқанын орындаймын деп, өзі де кінәлі болып қалатын жағдайлар болып тұрады.

Білімге деген талабы бар, жаңа нәрсені үйренуге тырысып, қатысып отырады. Оқу материалын қабылдайды, заттар мен құбылыстарды ажыратады. Еске сақтау қабілеті, шығармашылық қиялы орташа деңгейде дамыған. Сөздік қоры жас ерекшелігіне сай. Қазақ тілі немесе әдебиет пәндерінен үлгерімі орташа болғанымен математика пәніне ерекше қызығушылығы танылады. Көбіне логикалық есептерді шығарғанды ұнатады. Сабақ уақытынан тыс робототехника және шахмат үйірмелеріне қатысады. Мектеп өміріне белсенді араласады.

ЖШС «ALASH LYCEU» директоры: М.А.Сүйінбекұлы

Оқу-ісі орынбасары: Г.К.Курманбаевна

Сынып жетекшісі: М.Г.Орынгалиевна