Морфология 4 сынып

«МОРФОЛОГИЯ» ФАКУЛЬТАТИВТІ КУРСЫ

Ең алдымен қазақ тілінде еркін сөйлеу Қазақстан республикасында мекен ететін азаматтардың елінің алдындағы міндеті. Қазақ тілін білу-өз халқыңмен емін-еркін сөйлесу үшін қажет.Сонымен қатар қазақ тілін білсең түркі халықтардың тілін меңгеру өте оңай болады.

Морфология-сөз бен оның формалары тұралы тіл білімінің бір саласы.

Сөз түрлі бөлшектерден тұрады. Сөз бөлшектерінің өзіне тән белгілі бір мағынасы және қызметі болады. Мысалы, жолдастыққа деген сөз мынадай төрт бөлшектен тұрады: жол-дас-тық-қа. Бірінші жол бөлшегі "салған із" немесе "сапар" деген мағынаны білдірсе, оған -дас қосымшасы қосылған жолдас сөзі "серік" деген мағынаны беріп тұр. Бұл сөзге -тық қосымшасы жалғанып, адамдар арасындағы қатынас мағынасын білдіретін сөз жасалған. Соңғы -қа бөлшегі бұл сөзге жаңа мағына үстеп тұрған жоқ, басқа сөзбен байланыстыру қызметін атқарып тұрғанын түсіндіру, сөздік қорын, ауызша сөйлеу тілін дамыту; дәптермен, тақтамен жұмыс жасауда ұқыптылыққа, тазалыққа тәрбиелеу болып табылады.

Сонымен қатар бұл оқу құралы білім алушылардың шығармашылық қабілеттерін дамытуға, негізгі қазақ тілі бағдарламасы материалын терең меңгеруге және қабілеті бар білім алушылардың шығармашылық қабілеттерін арттыруға ықпал етеді. Білім алушылардың тақырыпты жетік меңгеріп, сөз таптарына талдауға, практикалық іс-дағдыларының қалыптасуына, ізденімпаздықпен жүйелі түрде жұмыс жасауына мүмкіндік береді. Өз тілінде анық сөйлеуге үйретуде оқушыға тигізер әсері мол болатыны сөзсіз.