«Мозаика.Саңырауқұлақ жасау.

Сабақ жоспары

Күні: 18.09.2019 ж

Сынып: 7 «А»

Тақырыбы: «Мозаика.Саңырауқұлақ жасау.

Мақсаты: 1.Оқушыларға саңырауқұлақ туралы мағлұмат беру.

2. Балаларға оны пластмассадан қалай, жасалу жолы, үйрету, қол қимылын жаттықтыру, әсемдікке, ұқыптылыққа, тазалыққа тәрбиелеу.

Міндеті: Пластмассадан ұсақтап жасауды танып білуде оқушы білімін жан - жақты арттыру;

Жұмыс барысында оқушыны таза жұмыс орындау қабілетін дамыту;

Ұқыптылыққа, әдемілікке тәрбиелеу.

Көрнекілігі: Видеоақпарат, дайын жұмыс үлгісі,таратпа материал,керекті құрал-жабдықтар

Сабақ барысы:

І. Ұйымдастыру кезеңі:

- Оқушылармен сәлемдесу;

- Сабаққа қатынастарын анықтау;

- Назарларын сабаққа аудару;.

ІІ. Жаңа сабақ

Сабақты бастамас бұрын, тақырыбын анықтап алайық. Ол үшін экрандағы ребусты шешіп көріңіздер.

(Экраннан «Саңырауқұлақ» ребусы көрсетіледі).

• Жақсы, балалар, яғни бүгінгі сабақта біз сіздермен саңырауқұлақ жайында айтатын, жасайтын боламыз. Ол жайында мағлұматты өзеріңіз экрандағы бейнероликтен ала аласыздар. Мұқият қарап, атауларын есте сақтап алыңыздар..

Видеоақпараттан кейін оқушылардан сұрау:

• Бейнероликте не жайында айтылды?

• Саңырауқұлақтың қандай түрлері бар екен?

• Адамға пайдасы бар ма?

• Сіздер саңырауқұлақтың қандай түрлерін білесіздер?

• Саңырауқұлақтың адамға зияны бар ма?

• Саңырауқұлақтың қандай түстері кездеседі?

• Жақсы, бүгінгі біздің дайындайтын саңырауқұлағымыз жеуге жарамды саңырауқұлақ. Атауы – сазқатпа немесе орысша сыроежка. Бұл саңырауқұлақтардың ішінде көп тараған түрі, қалпақтары түрлі – түсті, көбінесе қызыл түсті болып, орманға сән беріп тұрады. Саңырауқұлақтың бұл түрін қуыруға, қайнатуға, тіпті тұздап жеуге болады. Оларды көбіне бәліштердің ішіне салса, ерекше дәм береді.

• Біздің бүгінгі жасайтын саңырауқұлағымызға арналған пластик бөліктерінің түсітерін анықтап алайық. (Тақтадағы дайын үлгіні талдау).

• Саңырауқұлақ қандай бөліктерден тұрады? (Қалпағы, денесі, шөбі)

• Қалпағына қандай түс қолданылған?

• Денесі қандай түсті?

• Шөптің түсі қандай?

• Қауіпсіздік ережесі

• Қиылған пластиктерден сол түстерді дайындап қояйық.

• Олармен қалай жұмыс жасаймыз?

• Оны қағазға орналастыру, жапсыру үшін не қолданылды? (Қылқалам мен желім).

• Оларды қалай дұрыс пайдалану қажет? Қандай ережені сақтаймыз?

• Жұмыс орны қандай болу қажет?

• Жұмыс барысында ережені сақтаңыздар, абай болыңыздар. Жұмысымыз қызықты өту үшін, аздап сергіп алайық.

ІІІ. Сергіту сәті.

Видео сергіту сәті.

IV. Сарамандық жұмыс

• Жұмысымызды алдымен саңырауқұлақтың қалпағынан бастайық.

1. Желімді керекті мөлшерде қалпақтың кішкене бөлігіне жағып, қызыл түсті пластик қиындыларды ретпен, бір – біріне жақын орналастырып, жапсырамыз;

2. Саңырауқұлақ денесіне сол тәсілмен ақшыл сұр түсті пластик бөліктерін алып, ретпен жапсырамыз;

3. Келесі бөлікте саңырауқұлақ орналасқан жер, яғни – шөпке жасыл түсті пластик қиындыларын пайдаланамыз. Оларды да ретпен жапсырамыз. Дайын саңырауқұлақты желім кепкенше қойып қоямыз.

• Алдарыңызда берілген нұсқау картаға қарап, қауіпсіздік ережесін сақтай отыра, жұмысқа кірісейік.

V. Қорытынды

Жұмысымызды аяқтасақ, «Саңырауқұлақтар» ойынына кезек берейік. Ол үшін бізге 2 топ қажет. Ойын шарты бойынша 1 – топ - жеуге жарамды саңырауқұлақтарды, 2 – топ – жеуге жарамсыз саңырауқұлақтарды себеттерге толтырулары қажет.

(Мұғалім тексереді)

- Бағалау: Саңырауқұлақтарымыздың желімі кепсе, жұмыстарымызды талдайық. Аяқталған жұмыстарды тексеріп бағалау;

- Сапасын тексеру.

-Балалар сонымен біз бүгін тек саңырауқұлақ мозаикасын құрастырып қана қоймай,саңырауқұлақ туралы біршама ақпаратты біліп үйрендік.Келешекте өмір жолымызда бір пайдасы тиеді деген ойдамыз.

Рахмет!