Тәжірибелі - зертханалық жұмыс №12

Сабақтың тақырыбы: МҚБЖ Access-те форма және кестеаралық байланыс құру.

Сабақтың мақсаты: Жаңа деректер қорында құрылған кестелерге форма және кестеаралық байланыс құруды игерту

Жұмыс барысы:

МҚБЖ Access форма және кестеаралық байланыс құру

1. Microsoft Access программасын іске қосыңыз. (Пуск→Программы→ Microsoft Access).

2. Microsoft Access терезесінде Мәліметтер базасын ашу (Открыть базу данных) ауыстырып - қосқышын қосыңыз, өткен сабақта құрылған базаны таңдаңыз, ОК батырмасын басыңыз.

3. Құрылған базада: мәліметтер базасы терезесінде Кестелер (Таблицы) панелін ашыңыз. Онда бұрын құрылған Клиенттер және Тапсырыстар кестесінің таңбашалары барына көзіңізді жеткізіңіз.

4. Аспаптар панелінен Мәліметтер схемасы (Схема данных) батырмасын іздестіріңіз. Егер қиындықтар болса, меню жолындағы команданы табыңыз: Сервис→Мәліметтер схемасы (Схема данных). Мәліметтер схемасы терезесін ашу үшін, осы тәсілдердің кез-келгенін қолданыңыз. Осы терезенің ашылуымен қатар бір уақытта Кестелерді қосу (Добавление таблицы) сұхбат терезесі ашылады, бұл қосымша кестеден аралық байланысты құратын кесте таңдауға болады.

5. Қосу (Добавить) батырмасын шерту арқылы Клиенттер және Тапсырыстар кестелерін таңдаңыз – Мәліметтер схемасы терезесінде осы кестелердің өріс тізімдері ашылады.

6. Shift пернесін басып тұрып Клиенттер кестесінен екі өрісті ерекшелеңіз: Клиент коды және Тегі.

7. Осы өрістерді Тапсырыстар кестесінің өріс тізіміне әкеліңіз. Тышқан батырмасын жіберген сәтте, Байланысты өзгерту (Изменение связей) сұхбат терезесі шұғыл түрде ашылады.

8. Байланысты өзгерту (Изменение связей) терезесінің оң жақ панелінен байланысқа қосылатын Клиенттер кестесінен Клиент коды және Тегі өрістерін таңдаңыз.

9. Байланысты өзгерту (Изменение связей) сұхбат терезесін жауып, Мәліметтер схемасы (Схема связей) терезесінен пайда болған байланысты көріңіз. Байланыс сызығын тышқанның сол жақ батырмасын шертіп ерекшелеп алуға болады, ал тышқанның оң жақ батырмасын шертіп ерекшелеп алуға болады, ал тышқанның оң жақ батырмасын шерту арқылы, байланысты үзуге және редакциялауға мүмкіндік беретін жанама меню ашылады.

10. Мәліметтер схемасы терезесін жабыңыз. Microsoft Access программасын жабыңыз.