«Бекітемін»

Мектеп директоры: Ш.Шәдіқожа.

Тақырыбы: «Ұстазым, ұлағатым үлгі-өнегем!»

Мақсаты: Оқушыларды ұстазды құрметтеуге, сыйлауға үйрету, ұстаз мамандығының
 қыры мен сырларын түсіндіру. Ұстаз еңбегін әрқашан бағалай білуге үйрету.

Би: 5 «Г» сынып қыздары

1-жүргізуші: Бүгінгі күн құшақтары гүлге толсын,
 Дендеріңнің саулығы мықты болсын.
 Білімімен суарған шәкірттерін,
 Төл мерекең ұстаздар құтты болсын!
Армысыздар, Құрметті де аяулы ұстаздар!

2-жүргізуші: Ұстаз -ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді.

1-жүргізуші: Денсаулықтарыңыз мықты болсын, шаңырақтарыңыз шаттыққа толсын, біздей шәкірттеріңіз көп болсын! Мерекелеріңізбен құттықтаймыз.

2- жүргізуші: Шәкірттер санасына сәуле шашып, шырақ отын маздатқан ұстаздар қауымына ақ лебіз, жылы тілегін білдіру үшін қонағымыз ................................................... пен мектебіміздің директоры Шәдіқожа Шолпан Рысбайқызын шақырамыз.

1- жүргізуші: Ақырын жүріп анық бас.

Еңбегің кетпес далаға

Ұстаздық еткен жалықпас,

Үйретуден балаға, - деп Абай атамыз айтқандай, шәкірттеріңіздің Ұстазға деген өлеңін қабыл алыңыздар. 9 «Г» сынып оқушылары Кулчаева Іңкәр мен Айткулова Айзада.

2-жүргізуші: Ұстаз болу - жүректің батырлығы,

Ұстаз болу - сезімнің ақындығы,

Ұстаз болу - мінездің күн шуағы,

Азбайтұғын адамның алтындығы –дей отырып 5 «Ә» сынып оқушысы Марат Мейрамбектің орындауында күй. Қабыл алыңыздар.

1-Жүргізуші:  Ұрпақпен өмір жолы жалғанады,

Көңілді күндер тусын алдан әлі

Ән-шашу әсем әуен, түрлі өнер,

Бүгінгі күн сіздерге арналады дей келе 5 «А» сынып қыздарының биін қабыл алыңыздар.

2-жүргізуші: Ұстаз деген - жарық күні ғаламның,

Ұстаз деген - анасы ол адамның.

Бүкіл әлем мойындайды еңбегін,

Сен де одан адам болып жаралдың.

Ұстазыңды түсінген сен тереңнен,

Бар әлемге еңбегімен еленген.

Сенің бағың өрге қарай өрлесе,

Ол да бірге қуанышқа кенелген - дей келе 1 «В» сынып оқушысы Ахан Айзеренің орындауында «Ұстаз - Ана» әнін қабыл алыңыздар.

1-жүргізуші:Қазақ қызы күлімдер күн көзіндей,
 Дөңгеленіп билейді ай жүзіндей.
 Жұлдыздардай өрнекті аспандағы,
 Биші қыздар бұрала билейді би.
 Сахна төрінде қазақ  биімен  5 – «Б» сынып қыздарын қарсы алыңыздар!

2-жүргізуші: Ұстаз-шәкірт алдында сыйлы адам. Ұстаз жайлы айтылар сыр да, жыр да көп. Ұстаз сенімін ақтау-адамгершіліктің белгісі. Мұғалімнің жүрегі соғып тұруы үшін: жауаптылық, қажырлылық, білімділік, жүректілік, сүйіспеншілік, сабырлылық керек екен.

6 «В» сынып оқушыларының орындауында «Қызыл раушан» әнін қабыл алыңыздар.

1- Жүргізуші: «Ұстаз» деген ардақты, киелі, үлкен құрметпен айтылатын сөз, ол әр адамның жастайынан сауатын ашатын, өнеге үйретіп, тәрбие беретін «Білім» атты кемеге отырғызып, болашаққа жол көрсететін, анаңдай әлпештеп, маңдайынан сипайтын адам.

2-жүргізуші: Құлақтан кіріп, бойды алар
 Жақсы ән мен тәтті күй.
 Көңілге түрлі ой салар,
 Әнді сүйсең, менше сүй.мен оқушыларымыздың орындауында  хор  «Ұстазым» әнін қабыл алыңыздар.
 

Құрметті ұстаздар! Бүгінгі Ұстаздар мерекесіне арналған «Ұстазым,ұлағатым үлгі-өнегем» атты мерекелік концертіміз аяқталды. Көңіл қойып тыңдағандарыңызға көп – көп рахмет!

Бірге: Келесі кездескенше хош сау болыңыздар!