Мұхтар Әуезовтың 125 жылдығына " "Мұхтар Әуезов- қазақ әдебиетінің тарланы" атты әдеби кеш

Түркістан облысы,

Төлеби ауданы,

«Алтынбастау негізгі орта мектебі»

коммуналдық мемлекеттік мекемесі

Тақырыбы:Мұхтар Әуезовтың 125 жылдығына " "Мұхтар Әуезов- қазақ әдебиетінің тарланы" атты әдеби кеш

Ұйымдастырушылар: Қазақ тілі және әдебиеті пәнінің мұғалімі Байзақова Нағима және мектеп кітапханашысы Айтекова Салтанат ұстаздардың  жетекшілігімен

4-9 сынып   оқушыларының ұйымдастыруымен «Мұхтар Әуезов қазақ әдебиетінің тарланы» атты әдеби өткізілді.  

Мақсаты:

Кешегіні болашақпен  байланыстырып, қаламгер мен бүгінгі ұрпақ арасындағы әдеби-рухани байланысты нығайту және М.Әуезовтің өмір жолы мен шығармашылығын, ғасырларға сын бермес мұраларын насихаттау.

      Ұлтымыздың  ұлы жазушысы Мұхтар Әуезовтің 125 жылдық мерейтойы – барша халыққа ортақ. М.Әуезов төл әдебиетіміздің құдіретімен қазақ есімін әлемге  танытты. Жазушы бір ғана «Абай жолы» роман-эпопеясымен әлемдік әдебиетте ойып тұрып орын алды. Сан салада қалам тербеген сөз зергерінің Алашқа сіңірген еңбегін сөбен айтып жеткізу мүмкін емес.

           Жазушыға  талай ақындар жүрек жарды сөздерін сүйікті жырларын арнаған. Қатысушы білім алушылар жазушыға арналған ақындардың  өлеңдерінен және өз шығармашылықтары  мен арнау өлеңдерін оқыды.

Көрермендерге М.Әуезовтің шығармашылығын насихаттайтын  интербелсенді тақтада бейнебаяны көрсетілді. Іс-шара барысында «М.Әуезов –Ұлылық үлгісі», М.Әуезов –Ұлт мақтанышы»,  «М.Әуезов –әлем әдебиеті мойындаған  тұлға» атты бір үзік сыр оқылып, М.Әуезовтің шығармашылығы жайлы  пікірлер тыңдалды.

          М.Әуезовтің «Абай жолы» роман эпопеясынан « Еңлік Кебек», сахналық қойылым аса шеберлікпен сомдалып, білім алушылар халықтың  ризашылығына бөленді.

Білім алушылар күмбірлетіп күй тартып,әсем әуезді әндер шырқап, жауқар жырдан шашу шашқан талантты білім алушыларымыз кештің сәнін келтірді. 

        Кеш жоғары деңгейде өткізіліп, Кеш соңында мектеп директоры Аширбаев Е.М. білім алушыларға алғысын білдіріп,биік белестерді бағындыруда білім мен аянбай еңбек ету керектігін айтып,шығармашылық табыс тіледі.Мадақтамалармен марапаттады. Кешке қатысқан көрермендер мен білім алушылар Ұлы жазушының рухани бай мұрасынан өмірлік сабақ алып, кештен әсерленіп қайтты.

      М.Әуезовтің баға жетпес  асыл мұрасын ұрпақтан-ұрпаққа жеткізу біздің парызымыз.

Кеш соңында оқушыларды «Зерделі» 6-сынып, «Білімді» 5-сынып,"Алғыр"8-сынып," Өнерлі" 4-сынып,"Абайдың ізбасары" 7-сынып, "Көрермен көзайымы" 9-сынып атты номинациялармен марапатталды.