Авторы: Шуленова Куралай Бакытбековна, қазақ тілі мен әдебиеті пәні мұғалімі, педагог-зерттеуші

«Оралхан Бөкей атындағы № 44 лицейі»КММ

Мұқағалимен сырласу

1.О, Мұқа!!! Өзің жайлы ойлардың елесі ме?

Бір дерт шалды санамды сенесің бе?

Құлазытып көңілді кете бардың

Ерте мініп келместің кемесіне.

2. Тектіліктің өлшемін сенен ұқтым

Тазасың мөлдіріндей таңғы шықтың

Әділдікті ту етіп жүріп келем

Білмеймін кімді жықтым, кімнен ықтым?!

3. Өлең жазбай қалайша жай табармын.

Балауса сәмбі талдай жайқалармын.

Шамам жетсе, халқымның қара өлеңін

Саған ұқсап, шекпен жауып қайтарармын.

4. Білесің бе, о, Мұқа, білесің бе?

Қайсарлық бар бойымда, үлесімде

Кеудемнен қақтырмаспын саған ұқсап,

Лақтырғысы келсе де күресінге.

5. Күресіп өттің бойда тұрғанда жан

Сен жайлы бықсықтарда қалмады мән.

Шаң басқан архивтерді жарып шықтың

Қайсарлықпен ақиық қыранға тән.

6. Сенетін, табынатын пірім де сен

Ұмтылатын ұқсауға ірім де сен.

Іздеп жүрем дәл сендей Музамды да

Келешекке тіл қатар үнім де сен.