Ақтөбе қаласындағы физика – математикалық бағыттағы Назарбаев Зияткерлік мектебі

ТАӘ:

Сарымсакова Г.И.

КДМ

Оқушылардың бірлескен іс-әрекеттерін ұйымдастыру арқылы сыни ойлау дағдыларын дамыту

Күні: 07.02.23 ж.

Класс: 7 класс

Сабақтың тақырыбы :

«1001 мақал, 101 жұмбақ»

Группа: Достық

Оқушылар саны: 9

Мақсаты:

Ата – бабамыздан қалған өшпес мұра, қымбат қазынасы мақал-мәтелдер мен жұмбақтарды дәріптеу. Мақал-мәтелмен жұмбақтарды үйрете отырып, отансүйгіштікке, ұлтжандылыққа, тұлғалы азамат болып өсуге тәрбиелеу.

Түрі, әдісі

Сайыс

Құңдылықтар:

Құрмет, жауапкершілік

Уақыты

Өту барысы

Ресурстар

3 минут

2 минут

6 минут

6 минут

3 минут

3 минут

2 минут

Кіріспе бөлім. Сәлеметсіздер ме құрметті оқушылар!

Бүгінгі тәрбие сағатымыз «Тоқсан ауыз сөздің тобықтай түйіні, Кең болсаң, кем болмайсың» «1001 мақал, 101 жұмбақ» тақырыбында сайыс түрінде өтеді. Мақал-мәтелдер талай замандар бойы қалыптасқан ұрпақтан-ұрпаққа ауысып келе жатқан асыл қазына, ақыл ой даналығы мен тапқырлығы. Сайысымызды бастамас бұрын 3 оқушыдан 3 командаға бөлінейік.

Командаға бөлу (әр түрлі фигуралы өшіргіштерді таңдап, оларда жасырынған сандар бойынша бөлінеді).

Бүгінгі сайыс 4 кезеңнен тұрады:

І - кезең: «Мықты болсаң, тауып көр»

ІІ - кезең: « Алғыр болсаң, шешіп көр»

ІІІ - кезең:«Жүйрік болсаң, шауып көр».

IV – кезең: «Тапқыр болсаң, жауап бер»

І - кезең « Мықты болсаң, тауып көр»
Ойынның шарты: Жүргізуші мақалдың 1 - ші жартысын айтады, сайыскерлер мақалды аяқтауы керек. Қай топ 1 - ші жауап береді, ұпай сол командаға есептеледі.
1. Ине көзінен сынады,.....
(шешен сөзінен сынады)
2. Тіл қылыштан......(өткір)
3. Тіл тас жарады,
Тас жармаса......(бас жарады)
4. Шешеннің тілі –.........
(Шебердің бізі)
5. Қызыл тіл жанның мияты,....
(Аброй – ердің қуаты.)
6. Жақсының сөзі ақыл шақырады,....
(Жаманның сөзі ашу шақырады).
7. Айта білмесең мақалдың мәні болмайды,......
(Жасай білмесең астың дәмі болмайды)
8. Сөйлей – сөйлей шешен боласың,...
(Көре - көре көсем боласың)
9. Аузы жаман елді былғар,...
(Аяғы жаман төрді былғар)
10. Мақал атасы сөз,...
(Мата атасы бөз)
11. Батыр туса ел ырысы,...
(Жаңбыр жауса жер ырысы)
12. Нақыл қайдан шығады ой болмаса,....
(Киіз қайдан шығады қой болмаса.)

ІІ- кезең: « Алғыр болсаң, шешіп көр». Ойын шарты: Сіздерге ортақ сұрақ қойылады. Сол берілген сұрақтың орнына керек сөзді қойып мақал - мәтелдерді толықтыр. Қай топ 1 - ші жауап береді, ұпай сол командаға есептеледі.

1) Күлме кімге?
2) Қайда түкірме?
3) Ұят неден күшті?
4) Тіл не жарады?
5) Қандай үй базар?
6) Талаптыға не жауар?
7) Тіл неден өткір?
8) Білмеген не ішеді?
9) Ат шаппайды не шабады?

ІІІ - кезең:«Жүйрік болсаң, шауып көр». Қазақтар шешен келеді. Олар мақалдап сөйлейді. Жәй сөзінің өзі өзен боп ағып жатады. (В. Радлов)
Ойынның шарты: Командаларға ортақ тақырыптар және белгіленген уақыт беріледі. Сол уақыт ішінде тақырып бойынша мақал жазып жарысады.

Тақырыптары: Отан, тіл, өнер.

4 - кезең «Тапқыр болсаң, жауап бер»
« Жұмбақтар»
Ойынын шарты жүргізуші жұмбақ жасырады оны сайыскерлер табу керек.
1. Тіршілік ауысар тек
Ұстасаң қауқар жоқ.
Айналам қоршау көп
Одан асқан кәусәр жоқ.(ауа)

2. Көп моншақ үй үстіне қойдым шашып,
Қарасаң толып жатыр көзіңді ашып.
Үйіме сәулеленіп түссе жарық,
Кетеді әлгі моншақ бәрі қашып. (Жұлдыз)

3. Тартылған екі арқаны ұзын бойға,
Сөйлеуге сондай шебер тапсаң айла
Әр жерде аршындалған балдағы бар,
Ойнайды он бармағың білсе ыңғай. (Домбыра)

4. Жапанда бір нәрсе бар аузы жабық,
Ашылар мезгілінде баурын жазып.
Ішінде толып жатқан қазына бар,
Қорек қып пайдаланар тамам халық. (Кітап, оқу)

5. Екі ағайынды,
Екеуі бір үйде.
Бірін - бірі көрмейді. (Көз)

6. Әй, керемет бір ит бар,
Үй бағады, үрмейді.
Аяғы жоқ жүрмейді,
Ұрықсатсыз ол иттен
Адам үйге кімейді. (Құлып)

Рефлексия. Сайыстан алған әсерлерін смайликтер арқылы көрсетеді.

Қорытынды. Жиналған ұпайлары саналып, жеңімпаздар анықталып, марапатталады.

https://www.youtube.com/watch?v=aLP86uUPoyg

өшіргіштер

презентация

Презентация

Презентация

Презентация

Смайликтер