Мысықпен танысу

Бірінші кіші «Айналайын» тобындағы ұйымдастырылған оқу қызметінің конспектісі.

Тәрбиеші:Муканова Д.Д.

Күні: 03.01.2019ж.

Білім беру саласы: Таным. Жаратылыстану

Өтпелі тақырып: «Қар не үшін керек?»

Тақырыбы : «Мысықпен танысу» (сурет арқылы)

Мақсаты: Мысықпен және оның балаларымен таныстыру.

Тәрбиелік: Үй жануарларына сүйіспеншілікпен қарауға тәрбиелеу

Оқыту: Оларды суреттен тауып алып, дұрыс айтуға үйрету.

Дамытушылық : Сөздік қорларын дамыту (мысық-марғау, мияулайды)

Әдіс-тәсілдер: көрсету,түсіндіру,сұрақ жауап, әңгімелесу,ойын.

Ресурстармен қамтамасыз ету: мысық ойыншығы, суреттер, себет, жіптер.

Сөздік жұмыс: үй жануарлары деген сөздің мағынасын ашу.

Ұйымдастырылған оқу қызметінің барысы:

1.Ұйымдастыру кезеңі.

Табиғатым тамаша,

Көз тоймайды қараса,

Табиғатты аялап,

Жүрейікші жараса.

Балалармен айту

2 Негізгі бөлім. Балаларға мысық қонаққа келеді. Тәрбиеші мысықпен таныстырады.

-Бүгін үй жануарларының бірімен танысамыз. Мына үй жануарлары суретінің ішінен мысықты кім көрсетеді. (суретпен жұмыс)

Мысық еркелегіш, балалармен ойнағанды, және сүт ішкенді ұнатады. Мысық тышқан аулайды (әңгімелесу)

Мысық қалай дыбыстайды? Мияу. Мысықты «кис - кис» деп шақырып, сипап, кішкене сүт береміз.  

Құлақтары тікірейген, құйрығы ұзын мына суреттегідей.

Сергіту сәті:

Пеш үстінде мысық отыр,

Бір көзін қысып отыр.

Тышқан етін жегісі кеп,

Тісі оның қышып отыр.

Ойын: «Жіп шатастыру». Жіптерді домалатып, шатастырып ойнайды. Ойын шарты: «1, 2, 3 ойынға түс!» - дегенде мына себеттегі жіптерді шашып домалатып жібересіңдер, сосын оларды тауып қайтадан себетке тезірек жинайсыңдар. Кім тез жинаса, сол жеңімпаз мысық болады

3. Қорытынды: Мысық не жейді?

Мысық қалай дыбыстайды?