Бекітемін

№50 «Алтын бесік»

балабақшасының меңгерушісі

Есенаманова Г.А.

«___»______________2026 жыл

Ашық оқу іс-әрекеті

Тақырыбы: «Музыка әлемі»

Өткізген музыка жетекшісі:

Бозанова А.А.

Ақтөбе қаласы – 2026 жыл

Тақырыбы: “Музыка әлемі”

Мақсаты:

Балалардың музыка әлеміне қызығушылығын арттырып, әр түрлі аспаптардың дыбыстарын тануға және ажырата білуге дағдыландыру.

Дамытушылық:

Әр түрлі музыкалық әуендерді тыңдап, өз ой-пікірлерін айта білу дағдысын қалыптастыру. Мнемоәдіс арқылы есте сақтау қабілетін дамыту. Есту және ырғақты сезу қабілеттерін дамыту.

Тәрбиелік: Музыканы мұқият тыңдауға, зейінділікке тәрбиелеу. Ұлттық аспаптарға құрмет пен қызығушылығын дамыту. Топта бірлесіп жұмыс істеу іскерлігін дамыту.

Әдіс-тәсілдер: Ойын, сұрақ-жауап, көрнекілік (интерактивті тақта, аспаптар)

Мнемоәдіс, мұқият тыңдау. Орындау (ән айту, аспапта ойнау, )

І.Мотивациялық қозғаушы күш

Ұйымдастыру кезеңі:

Балалар көңілді әуенмен музыка залына кіреді.

Балалар «Сәлемдесу әнін » айтады

ІІ.Іздену

Жетекшісі: Сәлеметсіздерме балалар! Балалар бүгінгі көңіл-күйлерің қалай?

(балалардың жауабы)

Жетекші: Олай болса қонақтармен амандасып алайық!

(балалардың жауабы)

Жетекші: Жарайсыңдар орындарыңа отырыңыздар!

(балалар қатармен жүріп орындарына отырады)

Жетекші: Балалар бүгінгі өтетін тақырыбымыз “Музыка әлемі” деп аталады.

Балалар жалпы музыка деген ұғымды қалай түсінесіңдер? Музыка дегеніміз не ?

(балалардың жауабы)

Музыка — әдемі әуен.

Музыка — көңіл көтереді.

Музыка — жүректі жылытады.

Музыка — би билегім келеді.

Музыка — демалуға көмектеседі.

Музыка — қуанғанда да, мұңайғанда да тыңдаймыз.

Жетекші: Дұрыс айтасыңдар балалар, Музыка – бұл әр түрлі әуендер мен дыбыстардан құралған әдемі сөзсіз тіл. Ол біздің көңіл-күйімізді білдіреді және бізде әр түрлі сезімдер тудырады.

ІІІ.Негізгі бөлім

Жетекші: Балалар біз бүгін барлығымыз музыка әлеміне саяхаттаймыз! Келісезіздер ме?

Балалар: Ия!

Жетекші: Олай болса Музыка Ханшайымын ортаға шақырайық.

(Музыка әлемі ханшайымы кіреді)

Музыка ханшайымы :

- Сәлеметсіздер ме, балақайлар! Мен — Музыка Әлемінің Ханшайымы боламын және бұл менің сиқырлы патшалығым ! Бірақ ол жерге жету оңай емес. Сіздерді сынап көруді шештім!Мен сіздерге үш сиқырлы тапсырма дайындадым. Оларды сәтті орындаған кезде ғана менің әдемі әлемімнің қақпасы сіздерге ашылады! Тапсырмаларды үш сиқырлы қорапшаға салып қойдым! Сіздердің міндетіңіз —әрқайсысын ашыңыз да, тапсырмаларды орындауға кірісіңіз! Барлығын бірлесіп, тапсырманы достықпен орындайсыздар деп сенемін! Сәттілік балақайлар!

Жетекші: Балалар кәнекей бәріміз сиқырлы қорапшаларды ашайық!

-Ал балалар бірінші қорапшаны ашайық, тапсырманы орындайық.

Әуенді тыңдау, орындау .

(1.Қорапша ашылады , ішінде тапсырма мен диатоникалық қоңыраулар тұрады. Түрлі-түсті қоңыраулармен әдемі әуен ойнап беріңіздер. Екпінін анықтаңыздар. Балалар орындайды.)

«Ғажайып қоңыраулар» авторы : Constanta

Жетекші: Жарайсыздар балалар! Бұл әуеннің екпіні қандай? Тез немесе баяу? Өте тамаша! Баяу , өте жақсы ! Ендеше екінші тапсырманы орындайық.

(2. Екінші қорапшадағы тапсырма: Мнемоәдіс арқылы әннің атауын тауып сөзін жаттау.Тақтадағы мнемосуреттермен жұмыс .)

Жетекші : Балалар, Мнемоәдіс дегеніміз – бұл бір нәрсені оңай есте сақтауға көмектесетін әдемі және қызықты ереже.

Ән жаттау.

«Ақшақар» әні

Жетекші: Балалар осындай көтеріңкі көңіл-күймен біз үшінші тапсырмаға келіп қалдық . Ханшайымның тапсырмасын орындайық. Балалар, бұл жерде тағы бір қорапша бар, ашып көрейікші .

(3.Қорапшада Қазақтың ұлттық аспаптары жатады. Хатта жазылған сұрақтарды оқиды . )

(Ұлттық құндылықтар, Біртұтас тәрбие, Адал азамат бағдарламасы .)

Жетекші: Балалар бұл не? Кім айтады?

Балалар: Бұл қазақтың ұлттық аспаптары . Атауын атайды . Ойнап көреді .

• Мынау қандай аспап?

• Домбыра.

• Домбыра қалай шертіледі?

• Ол қандай топқа жатады?

• Ішекті аспаптар тобына жатады .

• Музыка жетекшісі аспаптарды шертіп балаларға көрсетеді .Таныстырады . Аспаптардың дыбысын естіп көреді. Балалар да қызығып, ұстап шертіп көреді.

Музыкалық ойын-сергіту : «Аспапты тап»

• Осы уақытта Ханшайым шығады:

Ханшайым: Жарайсыңдар балалар! Менің тапсырмаларымды өте жақсы орындадыңдар! Музыка әлеміне қош келдіңіздер балалар! Сол үшін мен сендерге әдейі дайындап әкелген сыйлықтарымды бергім келіп тұр (сыйлықтар таратады). Менің әлеміме келіп тұрыңыздар балалар! Кездескенше сау болыңыздар !

IV.Қорытынды.

Музыка жетекшісі: Балалар сіздерге бүгінгі ашық ұйымдастырылған іс-әрекет ұнады ма ?

Балалар: Ия! Өте ұнады !

Жетекші: Біз бүгін не істедік ?

Балалар : Музыка Ханшайымымен жүздестік, берген тапсырмалаларын орындадық, ән жаттадық , қазақтың ұлттық аспаптарымен таныстық , үнін естідік, аспаптар ойынын ойнадық, қоңыраулармен әуен ойнадық, биледік т.б

Жетекші: Бәрекелді балалар сендер бугінгі музыка іс-әрекетіне өте жаксы ат

салыстыңдар рахмет!

(Музыка жетекшісі балаларга сыйлыктарын таратады)

Күтілетін нәтиже

Нені біледі: Қазақтың ұлттық аспаптарының (мысалы, домбыра, асатаяқ, дауылпаз) атауларын және олардың дыбыс ерекшеліктерін. «Ақшақар» әнінің сөздерін. Музыканың екпінін (баяу, тез) ажыратады.

Қандай түсініктерді игерді: Аспаптардың аттарын айтуды, аспапта ойнауды, мнемоәдіспен танысты, интербелсенді тақтадан видео арқылы қоңыраулармен ойнауды.

Меңгерген дағдылары мен іскерліктері:

Диатоникалық қоңыраулармен қарапайым әуен орындай алады.

Таза дауыспен, ырғаққа сай ән айта алады.

Тыңдаған музыкалық әуеннің сипаттамасын бере алады.

Аспаптарды ажырата алады.(ішекті, ұрмалы, үрмелі)