Музыка әлеміне саяхат

«Қарлығаш бөбекжай-бақшасы»

Ашық музыка іс- әрекеті

«Музыка әлеміне саяхат»

«Балапан» мектепалды даярлық тобы

Музыка жетекшісі: Бекишева Г.М

2023-2024 оқу жылы

Тақырыбы:Музыка әлеміне саяхат

Мақсаты:Балалардың музыкаға қызығушылығын дамыту.Әуенді тыңдау арқылы эстетикалық талғамдарын,музыканы қабылдау деңгейін дамыту.

Көрнекіліктер:Тақырыпқа керекті суреттер.Музыкалық аспаптар,ноталар.

Күтілетін нәтиже:

Балалар әуенді тыңдап көңіл-күйін ажырата біледі.Музыкалық аспаптарды тани біледі.

І Ұйымдастыру кезеңі:

Балалар көңілді әуен ырғағымен саз бөлмесіне кіріп, қимыл қозғалыстар жасап келіп шеңбер бойына тұрады.

«Шаттық шеңберін» жасап бір-біріне жылы лебіздерін білдіреді.

IІ Негізгі бөлім:

Музыка жетекшісі:Балалар сендер музыка әлеміне саяхатқа барғыларың келе ме?

Балалар қуана келіседі.

Музыка жетекшісі: Ендеше біз саз әлемінде болу үшін өзіміз музыкалық яғни ноталар боламыз

Бәрі нота атрибуттарын киеді.

Музыка жетекшісі:Ендеше ноталардың алдында не тұруы керек?

Балалар: Скрипка кілті.

Музыка жетекшісі: Міне скрипка кілті де өз орнына тұрды.

Осы кезде пошташы келіп хат береді.

Музыка жетекшісі: хатты ашып оқиды:

«Сәлеметсіздер ме балалар! Мен музыка әлемінің Ханшайымымын. Менің әлеміме жету үшін сендерге 3 аялдамада 3 түрлі тапсырмаларым бар. Тапсырмаларды дұрыс орындасаңдар Музыка әлемінде боласыңдар.»

Балалар «До- ре- ми» көңілді әнін айтып 1 аялдамаға келеді.

1. «Көңілді би» аялдамасы

Жетекші балаларға қандай тапсырма орындайтындарын айтып түсіндіреді.

Әуенді тыңдап, қандай би түрі екенін ажыратып, карточка арқылы көрсету(«қамажай», « полька», «вальс» )

Музыка жетекшісі: Жарайсыңдар балалар. Кәне келесі аялдамаға әсем әнімізді айтып көңілдене барайық.

Ән: « До- ре- ми» әні:Ө.Байділдаев

2. «Әуенді аспаптар» аялдамасы.

Тапсырма : «Аспаптарда ойнап беру және аспаптарды құрастыру»

Музыка жетекшісі: Кәне балалар аспаптарда ойнап оркестр құрайық.

Оркестрде «Кеңес» халық күйін орындайды.

Музыка жетекшісі: Жарайсыңдар балалар кәне келесі аялдамаға әсем әнімізді айтып көңілдене барайық.

3. «Көңілді ноталар» аялдамасы

Тапсырма: Ноталарды нота сатысында өз орындарына қойып,

жеті дыбысты әуенмен орындап беріңдер.

Балалар тапсырманы орындайды.

Музыка жетекшісі: Балалар біз 3 аялдамадан өттік. Тапсырмаларды да орындадық.

Балаларды Музыка әлемінің ханшайымы күтіп алады.

Музыка ханшайымы:Балалар сендер барлық тапсырмаларды дұрыс орындадыңдар.Болашақта үлкен өнер иесі болуларыңа тілектеспін.

Музыка жетекшісі:Балалар бүгін сендер музыкалық қабілеттеріңді көрсете білдіңдер. «Тіл жеткізбегенді үн жеткізеді»-дейді.Музыканың құдіреті де осында жатыр.Абай атамыздың осы орайда мына өлең шумақтары ойымызға оралады:

Құлақтан кіріп бойды алар,

Жақсы әнмен тәтті күй.

Көңілге түрлі ой салар,

Әнді сүйсең менше сүй.

Музыка ханшайымы: Балалар бүгін мен сендерге домбыра аспабын сыйға беремін.Болашақта атақты күйші болыңдар.