Музыкалық квест ойыны

«Қошақан» бөбекжайы

🌟

Ертегі еліне музыкалық саяхат 🌟
Ортаңғы «Балақай»тобына арналған квест-ойыны

Музыка жетекшісі: Искакова Акгул Бекеновна

2025-26 оқу жылы

«Ертегі еліне музыкалық саяхат»

Ортаңғы топқа арналған квест-ойын

Мақсаты:

Балалардың музыкалық қабылдауын, ырғақ сезімін, қимыл-қозғалыс дағдыларын дамыту; ертегілер әлеміне қызығушылығын арттыру; топпен жұмыс істеу, бір-біріне көмектесу дағдыларын қалыптастыру.

Міндеттері:

Музыкалық шығармаларды тыңдай алу және танып-білу қабілетін қалыптастыру.

Әуенге сай қимылдар жасауға, ырғақты дәл қайталауға үйрету.

Балалардың қиялын, шығармашылығын, эмоционалдық күйін дамыту.

Достық, ынтымақ, бір-бірін тыңдау сияқты адами құндылықтарды сіңіру.

Өту барысы

1-кезең. Құпия хат (таңғажайып сәт)

Музыка жаймен ойнап тұрғанда топқа жетекші келіп құпия хатта не туралы жазылғанын оқып береді.

Музыка жетекшісі:
— Балалар, қараңдаршы! «Ертегілер елінен» хат келіпті! Олар бізден көмек сұрайды. Ертегі еліне зұлым Тұман патшалығы басып кіріп, музыка дыбыстарын жоғалтып жіберіпті . Біз сол дыбыстарды тауып, елге қайтарып беруіміз керек. Барлық тапсырмаларды орын- дасақ, сиқырлы әуен қайта оянады.

Балалар келісіп, саяхатқа аттанады.

2-кезең.Орман перісінің (лесная фея) тапсырмасы – «Қай аспапта ойнадым?»

Орман көрінісі. Сол жерден Орман перісі шығады (кейіпкер ретінде топтың тәрбиеленушісі).

Перінің тапсырмасы:
— Мен сендерді жіберемін, бірақ алдымен музыкалық дыбыстарды тауып беріңдер! Мен әртүрлі музыкалық аспапта ойнаймын, сендер- қай аспаптың дыбысы екенін табуларың керек.

Тапсырма:
Шумақ: барабан, сылдырмақ, қоңырау, ксилофон дыбыстарын тыңдату.

Балалардың жауабы: дыбысты танып айтып береді.
Тапсырма орындалса, пері музыкалық кілт және ноталар береді.

3-кезең. «Ертегі кейіпкерлерінің биі» – қимыл арқылы құтқару.

К елесі аялдамада Ертегілер мекені – қатып қалған кейіпкерлер тұр (Көбелек, Ер Төстік, Қызыл телпек). Олар қатты тоңып қалыпты, тек балалардың би қимылдары арқылы жылымақ.

Музыкалық ойын:
«Көбелек» қимыл ойыны немесе көңілді би әуені қойылады.

Тапсырма:
Балалар әуен ырғағына сай қимылдар жасайды:

қанат қағу

жеңіл секіру

аяқ–қолды үйлестіру

Әр тапсырма орындалғанда кейіпкер «жібіп», балаларға келесі әуен сырын ашатын ноталар мен музыкалық кілт үлестіреді.

4-кезең. «Ырғақ орманы» – ырғақты дұрыс қайталау

Алда ырғақты аңдар мекені. Түлкілер қол соғады, қояндар аяқ тарсылдатады, аюлар баяу ырғақ береді.

Музыка жетекшісі:
— Осы аңдарға көмек берсек, бізге жол ашады. Мен ырғақ соғамын, сендер қайталайсыңдар!

Тапсырма:
2–3 ырғақ үлгісін орындау:

Тақ – тақ – тоқ

Та-та – тоқ

Тақ – тоқ – тақ – тоқ

Дұрыс қайталаған сайын «сиқырлы жол» ашылады.

5 -кезең. Финал — Музыканың оралуы

Барлық ноталар мен кілттер біріктіріліп, үлкен «Сиқырлы Музыка қақпасын» ашады. Әсем әуен ойнай бастайды.

Музыкалық флешмоб:
Балалар шеңберге тұрып, жеңіл би қозғалыстарымен әуенді орындайды.
(Қалауыңызша: «Тыңдашы», «Әрқашан күн сөнбесін» хорымен аяқтау).

Музыка жетекшісі:
— Міне, балалар, сендер Ертегілер елін құтқардыңдар! Музыка қайта оралды. Сендер нағыз ақылды, батыл және өнерлі саяхатшыларсыңдар!

Қорытынды:

Балаларға жұлдызшалар, стикерлер немесе шағын сертификат беріледі.
Ойын көңілді нотада аяқталады.