№5 Педагогикалық кеңес

Мамыр айы, 2023 жыл

Тақырыбы: Балалардың жұппен,топпен бірлесіп шығарма орындау біліктерін қалыптастыру

— Музыка баланың балабақша өмірінде педагог әрекетінің белсенді ұйымдастырушылығы арқасында қолданыс табуы тиіс. Балалардың музыкалық қабілеттерінің дамуы көбіне музыкалық жетекші мен тәрбиешілер жұмысының түйісуіне байланысты болады.

Балабақшадағы сәбилік шағынан тәрбиеленіп келе жатқан балада музыканы тыңдау, оны түсіну, есте сақтау, ажырата білу, ән салу, би билеу, аспаптарды тану қабілеттері бірте — бірте қалыптасады.

Шығармашылық жұмыстың міндеті:
• Арнаулы музыкалық сауаттылық білімін дағдыландырып меңгеруі тиіс.
• Балалармен музыка сабағында сөйлесе біліп көз қарасымен де, ымымен де өз ойын түсіндіре білуі керек.
• Музыкаға қалыпты қызығушылығын, әр түрлі музыкаға эмоциялық сезгіштігін қалыптастыру және дамыту;
• Би билеу және ән салу дағдыларын қалыптастыра білу;
• Балалар музыкалық аспаптарды тану, музыкалық қабылдауын, есте сақтауын дамыту;
• Музыкалық әрекеттің барлық түрі бойынша белсенділікті дамыту;
Сол себепті, музыканың құдіретті күшін бала бойына дарыту, сіңіру мақсатында музыка, сазды әуен баланың күнделікті өмірінде орын алуы қажет. Баланың музыкамен айналысуындағы алғашқы қадамы отбасынан басталады. Ол теледидардан балаларға арналған мультфилімдер мен музыкалық хабарларды көріп, музыканы тыңдау арқылы эмоционалды әсер алады. Ол музыка тыңдай отырып, ырғағына сайкес қимылдар жасап, әуенін орындап қуанышқа бөленеді. Егерде бала мектепке дейін бала бақшасында тәрбиеленсе, онда баланың эмоционалды қабылдауы, музыкалық есту қабілеті, ән айтуы, музыкалы-ырғақтық қимылдар жасауы, балаларға арналған аспаптарда орындауы сияқты бастапқы дағдылары дамиды.
Жалпы балабақшадағы қойылатын музыканың мақсаты балаларды рухани азығының қажетті бөлігі музыкалық мәдениетін тәрбиелеу.
Қазіргі уақытта білім беру жүйесінде болып жатқан өзгерістер мектептің алдында бала тұлғасын жан-жақты дамыту, баланы жоғары сапалы деңгейде тәрбиелеу міндеттерін  қояды.  Сонымен қатар жаңа технологияларды қолдану арқылы оқушының мүмкіндігін ашу.

Соның бірі – топтық жұмыстар. Топтық жұмыс дидактикалық принципті жүзеге асырудың маңызды элементі болып табылады.

Қазіргі кезде көптеген елдердің білім беру бағдарламаларына оқытудың жаңа әдістері қосылуда. Солардың бірі балалардың өз бетімен істейтін топтық жұмысы болып табылады. Топ – мақсаты бір, бір-бірімен тең құқықты, сыйлы, сыйласымды қарым-қатынас жасаушы адамдардың бірлестігі.

Педагог-ғалым В.Сластенин «топ – бұл ортақ мақсатқа жету үшін құрылған адамдар тобы.  «Топтық жұмыс» термині — өзара іс-әрекет жасалып, соңғы нәтижеге немесе мақсатқа жетуге бағытталған іс-әрекеттің құрылымы — деп тұжырымдаған болатын.

оптық жұмысты мұғалім екі түрде ұйымдастырады.  Бірыңғай топтық жұмыс және сараланған топтық жұмыс. Бірыңғай топтық жұмыс барысында барлық топ бірдей тапсырма орындайды, ал сараланған топтық жұмыс барысында берілген тақырып шеңберінде әртүрлі тапсырмалар орындайды.

Осылайша, топтық жұмыс барлық оқушыларды сабақта белсенді жұмыс жасуға қолайлы жағдай жасайды. Топта жұмысты ұйымдастыру кезінде әр оқушы өз пікірін айтады, ойлайды. Топтарда даулы пікірлер туындайды, әртүрлі шешімдер талқыланады. Топтық жұмыс формасы жаппай оқыту жағдайында жеке көзқарасты жүзеге асыруға, балалардың жеке мүмкіндіктері мен қажеттіліктерін анықтау үшін өзара әрекеттесуді ұйымдастыруға мүмкіндік беретіні өте маңызды.

Топтық жұмыс барысында оқушы алдымен жеке жұмыс жасайды. Бұнда өзімен өзі диалог құрады. Содан кейін жұппен, топта талқылайды. Осы іс-әрекет барысында оқушылар өз ойларын еркін айтады, қысылмайды. Оқушының өз бетінше оқып үйрену оның жеке талабын қанағаттандыруға және көкейінде жүрген сұрақтарға жауап беруге үлкен ықпал етеді.

«Жұппен жұмыс» 

Бұл жұмыс түрінің мақсаты – балаларды басқа адамды естуге, тыңдауға, 

диалог  жүргізуге,  өз  пікірін  айтуға,  дәлелдеуге,  басқаның  пікірімен  санасуға 

мүмкіндік береді. Жұппен жұмыс істеуде  балалар өз серігін өзі таңдайды. Жыл 

көлемінде әртүрлі адамдармен қарым-қатынасқа жасауға үйренеді. 

 

«Жылдам фото» 

Бұл  ойын  оқушылардың  зейіндерін  шоғырландырып,  есте  сақтау 

қабілеттерін арттыру үшін жүргізіледі. Оқушылар шеңбер құрып отырады да, 1-2 

минут  бір-бірін  көзбен  жылдам  фотоға  түсіреді.  Содан  соң  кері  бұрылып 

отырып,  мұғалімнің  түрлі  сұрақтарына  жауап  береді.  Өзінен  кейін  үшінші  кім 

отырғанын, қарсы отырған оқушының үстіндегі киім түсін, кімнің көк көзілдірік 

тағып отырғанын т.с.с сұрауға болады.  

Соңында қайта бір-біріне қарап, өз фотоларының дұрыс-бұрыстығына көз 

жеткізеді.