Нашақорлық-ғасыр дерті

Мақсаты: Нашақорлық-ғасыр дерті екендігін, нашалық заттардың адам өміріне аса қауіптілігін ұғындыра отырып, алдын алу, саналы да салауатты өмір сүруге тәрбиелеу.

Көрнекілігі: ХХІ ғасыр есірткісіз ғасыр; Есірткіге жол жоқ; және суреттер,

1.Кіріспе сөз.

Мұғалім: Армысыздар оқушылар. «Нашақорлық ғасыр дерті» атты ашық тәрбие сағатымызды бастайық.

Салауатты өмір салты дегеніміз не? Ол әлеуметтік тұрмыстарды жақсарту, бос уақытты тиімді пайдалану, зиянды әрекеттерден аулақ болу деген сөз. Қазіргі кезде белең алған дерттің бірі-темекі шегу, нашақорлық. Өмір - өмір сүру үшін беріледі. «Ауырып ем іздегенше, ауырмайтын жол ізде» дейді данышпан халқымыз. «Өмірімізді ұзарту да, қысқарту да өз қолымызда».

Өмірге адам бір ақ рет келеді,

Жастық шағың өміріңнің кемелі.

Күте білсең саулығыңды өрелі,

Табиғаттың бергеннен көп берері.

2. «Нашақорлық ғасыр дерті» атты баяндама.

Халықаралық нашақорлық және есірткінің заңсыз айналымға шығуына қарсы күрес күні бұқаралық қоғамға қазіргі уақытта есірткі мәселесі себепші болып отыр. Нашақорлық - әлеуметтік ортақ проблема, қоғамның дерті. 1987 жылы ББҰ-ның Бас Ассамблеясы жыл сайын 26-маусымды өзінің есірткіні теріс пайдаланушылықтан еркін халықаралық қоғам құру мақсатында қызметін және ынтымақтастығын күшейту табандылығын білдіру үшін халықаралық нашақорлыққа қарсы күрес күні ретінде атап өтілуде.

Жалпы есірткіні таратуға қарсы күрес шаралары 100 жылдан бері жүргізіліп келеді. Ең алғаш рет 1909 жылы шанхайлық апиынға қарсы ұйымының мүшелері әлемдегі дамыған 13 мемлекетті жинап, есірткі тасымалдауына тосқауыл қою шараларын ойлап табуға тырысқан болатын. Содан бері бір ғасыр дан астам уақыт өтсе де, мәселенің шешімі нақты табылған емес.

Есірткі жайлы айта кететін болсақ: есірткі грек тілінде ұйқы мағынасын білдіреді. «Nerke» сөзі ағылшын тілінде «narkotik» деген сөзге айналып ұйықтау, жансыздандыру деген мағынаны білдіреді. Жалпы айтқанда, есірткі заттары деп жансыздандыру ерекшелігіне ие болатын заттарды айтамыз.

Нашақорлық - бүкіл қоғамның қасіреті, болашағымызға қауіп төндіріп тұрған індет. Есірткі – химиялық тұрғыдан алғанда улы заттар мен олардың қосындылары болып табылады. Олар түрлі топтарға бөлінеді:

- таза түрде пайдаланатын өсімдіктерден алынатын улы заттар (марихуана, гашиш, саңырауқұлақ)

- химиялық өндіруден өтетін өсімдіктерден алынатын улы заттар (гашиш майы, апиын, героин, кокоин т.б )

- синтетикалық жасанды жолмен алынатын улы қосындылар (экстази, фенциклидин, барбируттар момент желімдері және т.б )

Біздің ата-бабаларымыз кең далада еркін өсті. Олар ойын да, бойын да таза ұстаған. Ақыл ойды улап, адамды есінен тандырып, мас қылатын арақ-шарап дегеннен аулақ болған. Ата-бабамыздың сүйікті сусыны-дертке дауа, жанға шипа қымыз еді.

3.Сахналық қойылым. «Жан азабы»

1-жүргізуші:

Анаша шегушілер өздерінің адамдық қасиеттерінен айрылады. Олар тек қана өздерін ойлайды.

2-жүргізуші:

Олар өтірік айтады, ұрлық жасайды, адам тонайды, кейде адам өлтіруден де тайынбайды.

1-жүргізуші:

Есірткіні шприц арқылы тамырға жіберген жағдайда олар бауыр ауруына және СПИД дертіне шалдығады.

2-жүргізуші:

Болашағымыз нұрлы,еліміздің ертеңі көркем болсын десек,

Ел болып, халық болып, есірткіні ауыздайық! Ғасыр індетіне қарсы тізе қосып күресейік, бауырлар!

Рефлекция. (балауыз шамды жағады)

1-жүргізуші:

Құрметті оқушылар, мына жанып тұрған шырақ біздің болашақ өміріміз. Осы жанып тұрған өмірімізді неге өшіреміз, өзіміздің болашақ өмірімізге неге балта шабамыз?

Хормен балалар:

Өз өміріміз үшін күресе білейік!

Салауатты өмір салтын қолдаймыз!

Кері байланыс: Нашақорлық мәселесі бойынша айтылған ойлар сіздерге қандай сезімдер тудырды?

Мұғалім сөзі.

Нашақорлық қоғам дерті. Нашақорлықпен күресуге жалғыз адамның шамасы келмейді. Бұл жерде заң сақшылары, нарколог мамандары, ата-аналар және сіздер мен біздер әрбір Қазақстан азаматтары шетте қалмауы керек. Ғасыр дертімен күресуі керек. Дүниедегі ең қымбат нәрсе ол сенің өмірің. Сенің өмірің өз қолыңда.

Салауатты өмір сүріп, спортпен айналысайық, «Салауатты өмір салтын ұстанайық» -деп бүгінгі тәрбие сағатымызды қорытындылаймыз.