Нәтиже сабақ"Менің сүйікті қалам" 4 сынып

Қазақ тілі пәнінің мұғалімі : Амирсеит Ақгүл Қайратқызы

Сынып: 4

Тақырыбы: Нәтиже сабақ

Білімділік: «Менің сүйікті қалам» тарауы бойынша өтілген тақырыптардың меңгерілуін білу, түсініктерін кеңейту, пысықтау, бекіту.

Дамытушылық: Отанға деген сүйіспеншілікті дамыту, дұрыс сөйлеу, ойланып жауап беруге дағдыландыру.

Тәрбиелік: қоғамға деген құрметті арттыру, әдептілікке, қонақжайлыққа тәрбиелеу.

Сабақтың түрі: Нәтиже сабақ

Әдіс-тәсілі: Ойшақыру, топтастыру, сұрақ-жауап, «адасқан сөздер», «суреттер сөйлейді».

Сабақтың көрнекілігі: презентация, жаңа сөздер, үлестірмелі карточкалар,ватман.

Сабақ барысы

Ұйымдастыру кезеңі /

Амандасу: Біз әдепті баламыз,

Біз ерекше боламыз.

Қонақтар бізге келгенде,

Сәлемдесіп аламыз.

Шаттық шеңберін құру. Бәріміз бір-біріміздің қолымызды ұстап,алақан жылуын сезінейік. Қандай тамаша! Біздің ұранымыз!

«Сәттілік тілейміз!»

Қайырлы күн, балалар, құрметті әріптестер! Бүгін біз үшін өте ерекше, әрі әсерлі сабақ.Бүгін бізге қонақтар келіп отыр. Сондықтан сабақта белсенділік танытып отыруларыңа тілектеспін. Сәттілік тілеймін!

Топқа бөлу. Үстелдерге әр топтың атауларын қойылады.

Мотивация кезеңі . Қызығушылығын ояту. Оқушыларды өздігімен тақырыпқа келтіру

-Балалар, бүгін аптаның қай күні?

- Бейсенбі.

- Қазір қандай сабақ?

- Қазақ тілі сабағы.

- Соңғы өткен бес сабағымызда не өткен едік?

- Алматы қаласындағы субұрқақтар мен балмұздақ жасаудың жолдарын өткенбіз

- Сонымен, осы тақырыптарды қорытындыласақ, бүгін қандай сабақ деп ойлайсыңдар?

-Нәтиже сабақ !

1. сұрақ-жауап (үй жұмысын сұрау)

-Сенің сүйікті тағамың қандай?

-Менің сүйікті тағамым-балмұздақ.

-Балмұздақ қайда сатылады?

-Балмұздақ дүкенде сатылады.

-Саған қандай балмұздақ ұнайды?

-Маған құлпынай дәмімен ұнайды.

-Балмұздақты қайда сақтайды?

-Балмұздақты тоңазытқышта сақтайды

2.Топтық жұмыс. Сергіту сәті

3. «Адасқан сөздер»

Адасқан сөздер арқылы топ үш сөйлемді құрау керек

І-топ:

1. Алматы өте әдемі, жасыл қала.

2. Мен сабақты жақсы оқуға тырысамын.

3. Ертең саябаққа достарымызбен баратын болып шештік

ІІ-топ:

1. Алматыда 152 субұрқақ бар екен.

2. Сен соңғы рет қандай кітап оқыдың?

3. Бүгін қазақ тілі сабағы қызықты болады.

Жұмысты қорытындылау:

- Балалар, сөйлем құрудың қандай қағидаларын білесіңдер?

- Зат есім сөйлем басында, етістік сөйлем соңында болады.

4. Топтық жұмыс. Бір минут ішінде өткен сөздерді орыс тіліне аудару керек.

(Өткен тарау бойынша қорапқа 30 сөз салынады.)

Жұмысты қорытындылау:

-Оқушылар, тарау бойынша өткен сөздерді күнделікті өмірде пайдалана аласыңдар ма? Осы сөздермен 1-2 сөйлем құраңдаршы?

- І-топ: Мен аспажолмен тауға көтерілдім.

- ІІ-топ: Алматыға ертең барамын.

Жарайсыңдар ,балалар, енді осы сөздердің арасынан екі сөзге фонетикалық талдау жасайық.

5.Грамматикамен ұштастыру. «Субұрқақ», «балмұздақ» сөздеріне фонетикалық талдау жасап, бір-біріне қорғайды.

Субұрқақ- 8 әріп, 8 дыбыс

С-дауыссыз, қатаң дыбыс

У-дауысты, жуан,қысаң, еріндік дыбыс

Б- дауыссыз, ұяң дыбыс

Ұ-дауысты, жуан, қысаң, еріндік дыбыс

Р- дауыссыз, үнді дыбыс

Қ- дауыссыз, қатаң дыбыс

А-дауысты,жуан, ашық, езулік дыбыс

Қ- дауыссыз, қатаң дыбыс

Балмұздақ – 9 әріп, 9 дыбыс

Б- дауыссыз, ұяң дыбыс

А- дауысты,жуан, ашық, езулік дыбыс

Л- дауыссыз, үнді дыбыс

М- дауыссыз, үнді дыбыс

Ұ- дауысты, жуан, қысаң, еріндік дыбыс

З-дауыссыз, ұяң дыбыс

Д- дауыссыз, ұяң дыбыс

А- дауысты,жуан, ашық, езулік дыбыс

Қ- дауыссыз, қатаң дыбыс

Жұмысты қорытындылау: Балалар, енді топтық жұмыстарыңды қорғап, топ арасында бір-бірлеріңе сұрақ қойыңдар.

• І-топ: Ашық пен қысаң дыбыстарды қалай ажыратады?

• Жауап: Ашық дыбысты айтқанда жағымыз қатты ашылады, ал қысаңды айтқанда жағымыз қысыңқы болады.

• ІІ-топ: Жуан мен жіңішке дыбыстарды қалай ажыратады?

• Жауап: Жуан дауыстыларды айтқанды тіліміз артқа жылжиды, ал жіңішке дауыстыларды айтқанда тіліміз алдыға қарай жылжиды.

Балалар, енді осы сөздерімізде сурет түрінде көрсек, байланыстырып, сөйлем құрай аламыз ба? Соны тексерейік...

6.Суреттер сөйлесін. Тақтада көрсетілген бірнеше суретті сәйкестендіріп, сөйлем құрайды.

Екі топ презинтацияда көрсетілген суреттер бойынша, сөйлем құрап жарысады.

Жұмысты қорындылау: Балалар, құраған сөйлемдеріңнің дұрыстығын тақтаға қарап, тексереміз