Ұзақ мерзімді жоспардың тарауы: Натурал сандар және нөл саны.

Мектеп: Қызылқой жалпы орта білім беру мектебі КММ

Күні:

Мұғалімнің аты-жөні:Касимова М.Т.

Сынып: 5

Қатысқандар:

Қатыспағандар:

Сабақтың тақырыбы:

Координаталық сәуле. Натурал сандарды және нөл санын координаталық сәуледе кескіндеу.

Осы сабақта қол жеткізілетін оқу мақсаттары

5.3.1.1- өлшеудің түрлі ұзындық бірліктерін білу және координаталық сәуледегі бірлік кесінді дегенді түсіну.

5.5.3.2 - натурал сандарды координаталық сәуледе кескіндеу

Сабақтың мақсаты

Оқушылардың барлығы: Координаталық сәулені біледі және оны бірлік кесіндіге бөледі.

Оқушылардың басым бөлігі: Сурет бойынша нүктелерге сәйкес келетін координаталарды анықтайды.

Оқушылардың кейбіреулері:Ақпарат көздерін пайдалана отырып нүктенің координаталық сәуледегі қозғаласын зерттейді.

Бағалау критерийлері

-координаталық сәуледегі бірлік кесіндіні анықтайды;

-координаталық сәуледе нүктелердің координаталарын табады;

- координаталық сәуледе нүктелердің қозғалысын зерттейді.

Тілдік мақсаттар

Оқытудың пәндік мақсаты

-натурал сандарды координаталық сәуледе кескіндей алады;

Оқытудың тілдік мақсаттары:

- нүктелердің координаталық сәуледе орналасуын тұжырымдайды;

Пәндік лексика және терминология:

-«координаталық сәуле», «координаталық сәуленің басы», «нуктенің координатасы», «бірлік кесінді»;

Диалогка жазылымға қажетті тіркестер:

- «координаталық сәуледе ...оң жағында орналасады»,

« координаталық сәуледе...сол жағында орналасады»,

Құндылықтарға баулу

Индустрияландыру мен инновацияларға негізделген экономикалық өсу - өндірісті, білім мен ғылымды біріктіру, дамыту.

Пәнаралық байланыс

Координаталық сәулеге шегірткенің қозғалысын белгілеуде жаратылыстану пәнімен байланыс орнатылады.

Алдыңғы білім

5.1.1.1 – натурал сандар жиыны ұғымын меңгеру;

5.1.1.2 – тақ және жұп сандар ұғымдарын меңгеру

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

5 мин

Психологиялық ахуал орнату.

Ширату жаттығулары.

«Доп лақтыру» әдісі бойынша оқушылар бір-біріне сұрақ қою арқылы өткен тақырыптарға шолу жасайды

- натурал сан деп қандай санды айтамыз?

- тақ сандарды ата

- жұп сандарды ата

- нөл саны натурал сандарға жата ма?

Доп

Сабақтың ортасы

30 мин

Жаңа сабаққа кіріспе.

(Ж)

1-тапсырма

Оқушыларға «Практикалық жұмыс» ұсынамын.

Көлденең өтетіндей етіп сәуле сызу керек. Оның бойынан 0 санына сәйкестендіріп, сәуленің басы болатын О нүктесін белгіле. Қандай да бір қашықтықтан 1 санына сәйкес келетін Е нүктесін белгіле. ОЕ кесіндісі – бірлік кесінді.

Берілген сәуленің бойына осындай неше кесінді өлшеп салуға болады?

Е нүктесінен бастап бірлік кесіндіні бірінен – кейін бірін өлшеп салу арқылы координаталық сәуле деп аталатын шексіз шкала аламыз.

Оқушыларға екінші координаталық сәулені басқа бірлік кесіндімен кескіндетемін.

Дескриптор:

• координаталық сәулені сызады;

• бірлік кесіндіні таңдайды.

ҚБ: «Бас бармақ» әдіс арқылы оқушылар өздерін бағалайды.

Көмекке мұқтаж оқушыларға нұсқау беремін, достық көмек ұйымдастырамын.

2 – тапсырма. «Ойлан-жұптас-бөліс» әдісі арқылы суреттен нүктені координатасымен жазады және оқиды.

Сандық (координаталық) сәуледе әр нүктеге сәйкес келетін сандарды көрсетіңіз.

Дескриптор:

• бірлік кесінді белгіленген координаталық сәуле сызады;

• координаталық сәуледе берілген нүктелердің координаталарын белгілейді.

ҚБ: Оқушылар жұппен жұмыс жасайды және бір–бірін

«Бас бармақ» әдісімен бағалайды.

Оқушылар арасында достық көмек ұйымдастырамын.

3-тапсырма

Geogebrа.org – кроссдинамикалық платформада шегірткенің секіру қозғалысын координаталық сәуле бойында белгілеу.

Шегіртке координаталық сәуле бойымен А(3) нүктесінен солға

қарай 2 бірлік кесіндіге секірген соң, оңға қарай 5 бірлік кесіндіге

секіреді. Шегіртке осылайша қозғалысты жалғастырады.

Шегіртке координатасы 2, 4, 5, 7, 9 және 12 нүктелерінің

қайсысында болады?

Дескриптор:

• бірлік кесіндісі белгіленген координаталық сәуле сызады;

• координаталық сәуледе берілген нүктелерді белгілейді;

• координаталық сәуледе шарт бойынша нүктелерді көрсетеді.

ҚБ: Оқушылар «Бағдаршам» арқылы білімдерін бағалайды.

Кейбір оқушылар басқа сыныптастарына қарағанда анағұрлым күрделі дерек көздермен жұмыс істей алады.

Мұғалім сабақты қорытындылауы «7w»

1. Координаталық сәуле қалай сызылады?

2. Координаталық сәуленің санақ басы ретінде қай нүкте алынады?

3. Бірлік кесінді деген не?

4. Нүктенің координатасы дегеніміз не?

сызғыш

Geogebrа.org

Сабақтың соңы

Сабақ соңында оқушылар рефлексия жүргізеді.

Рефлексия

Нені білемін

Нені білгім келеді

Нені білдім

БДД

Саралау – Сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз?

Бағалау – Сіз оқушылардың материалды игеру деңгейін қалай тексеруді жоспарлап отырсыз?

Денсаулық және қауіпсіздік техникасын сақтау

Мен «Ойлан- жұптас- бөліс» әдісін пайдалану арқылы оқушыларды жеке,жұппен,топпен жұмыс жасау,идеялар мен ойларды дамытуды жоспарладым.

«Бағдаршам», «Бас бармақ» бағалау әдісін пайдалануды жоспарладым.

Сызғышпен жұмыс жасау ережесі.