«Не?, Қайда?, Қашан?»

Тақырыбы:Не?Қашан?Қайда?

Тақырыбы:Не?Қашан?Қайда?

Тақырыбы: «Не?, Қайда?, Қашан?»

Мақсаты:  Балалардың танымдық, ойлау, есте сақтау қабілеттерін дамыту. Қойылған сұраққа толық нақты жауап беруге дағдыландыру, ұжыммен жұмыс жасай білуге үйрету, ойынға деген қызығушылығын арттыру.

Міндеттері: Білімділік: балалардын үй жануарлар туралы алған білімдерін кеңейту.

Дамытушылық: қоршаған орта туралы алған түсініктерін, жануарлардың пайдасы мен қажеттілігін, адам өміріне пайдасы жайында түсінік беру.

Тәрбиелік: үй жануарларына күте білуге және қамқорлық жасауға тәрбиелеу.

Қолданылатын көрнекі құралдар:  үнтаспа, зырылдауық, хатқалта, жануар шаблоны, мақта, желім, сулы салфетка, доп, жәшік, ойыншық телефон.

Алдын-ала жүргізілетін жұмыс: өлең жолдарын жаттау, ойындарды ойнату, төрт түліктің пайдасын айту.

Тәрбиеші: Құрметті  қонақтар, бүгінгі біздің «Не? қайда? қашан?» атты викториналық ойынымызға қош келдіңіздер! Әуен ойналып балалар ортаға шығады.

Тәрбиеші: Балалар, сұрақтарға жауап беруге дайынсыңдар ма? Балалар: Ия Тәрбиеші: Бір бала шығып үстел басындағы зырылдауықты айналдырады. Үстел үстінде хатқалта жатады, зырылдауық тоқтағанда, зырылдауықтың тілі қай хатқалтаға қараса, сол хатқалтаны ашып сұрақты оқиды. Тәрбиеші: Бірінші хатқалта. Төрт түліктің пірін және төлдерін атаңыздар.

Балалардың жауаптары:

Жылқы атасы – Қамбар ата,

Сиыр атасы – Зеңгі баба,

Түйе атасы – Ойсыл қара,

Қой атасы – Шопан ата,

Ешкі иесі – Сексек ата.

Балалар:

Жылқы төлі – құлыншақ ,

Тұяғы жерге ұрыншақ.

Сиыр төлі – бұзау,

Сүйкімді әрі асау.

Түйе төлі – ботақан.

Мөлдіреп көзі ойнаған.

Қой төлі – қошақан,

Өріске қашқан қорадан.

Ешкі төлі – лақ,

Тыныш тұрмайды ол бырақ.

Тәрбиеші: Жауап дұрыс.

Екінші хатқалта Ойын «Ненің дауысы». Балалар сіздер үнтаспадан жануарлардың даусын тындап, қай жануардың дауысы екенін анықтауыңыз керек. Балалар жауабы Тәрбиеші: Балалар байқайсыңдарма бұл қошақанның дауысы аянышты сияқты. Қане қарайықшы Тәрбиеші: Өте жақсы. Балалар алдарыңыздағы қошақанға тон кигізейік. Сіздерге тапсырма: мақтаны желіммен жапсырайық.

Жапсыру: «Қошақанның тоны»

Тәрбиеші: Сонымен балалар жұмысты аяқтайық. Қандай керемет тон жасадыңыз. Неден жасадыңыздар балалар? Балалар жауабы Тәрбиеші: Жарайсындар. Ендеше қошақан қыста тоңбайды.

Музыкамен мысық келеді.

Мысық: Мен сіздердің көңілдеріңізді көтерейін

Сергіту сәті:

Егер сендерге менің көмегім керек болса мына нөмерді естер сақтаңдар 222 333. Қайталандар. Балалар: 222333 Мысық: Жарайсыңдар балақайлар!

Үшінші хатқалта. «Күшікпен торғайлар» көңілді математикалық ойыны Тәрбиеші: Балалар сендер барлық тапсырмаларды дұрыс орындадыңдар Зырылдауық айналдырылады.

Төртінші хатқалта: «Сана және орында» ойыны

Бесінші хатқалта: Енді кезек қара жәшікке. Келіндер мысыққа звандайық.

Музыка ойнайды қара жәшікті әкеледі

Тәрбиеші: Жұмбақ жасырады

Айран берген, құрт берген,
Шелек-шелек сүт берген,
Айтыңдаршы балалар,
Бұл қандай мал, кім білген? (Сиыр)

Тәрбиеші: шешімі дұрыс балалар, қандай пайдасы бар адамдарға?

Балалар: Сүтін ішеміз, етін жейміз, киім қыламыз. Сүтін ішеміз,етін жейміз, киім қыламыз. Сиырдың сүтінен май, айран, қаймақ, ірімшік құрт жасайды. Тәрбиеші: Жауаптарың дұрыс.
Жүргізуші: Міне балалар, бүгінгі «Не?, Қайда?, Қашан?» викториналық ойынымыз да өз мәресіне жетті. Бүгінгі кешке белсенді қатысқандарың үшін әрқайсыңызды жеңімпаз медальмен марапаттаймыз.
Әуен ойналып әр ойыншы бала  медальмен марапатталады.