Неге мамандық таңдаудан қателеспеу керекпіз?

Неге мамандық таңдаудан қателеспеу керекпіз?

Мамандық таңдау-адам өміріндегі ең жауапты кезеңдердің бірі.Дұрыс таңдау жасауға бізге мектеп қабырғасында мүмкіндік беріледі.Бірақ көбіміз балалықпен ойланбай шешім қабылдап қоямыз.Қателеспейтін адам жоқ,тек оны сосын түсініп түзейтін адам аз.Егер мектеп бітіріп,жоғары оқу орнына түсіп сол жерде өз жолыңды таба алмай қалсаң,ештеңе етпейді.Қазіргі уақытта көп мүмкіндіктер бар,сен өз қалаған оқуыңа ақылы түсе аласың.

Осылай қиналып,өзіңді жоғалтып алып жүргенге қарағанда,9-10 сынып аралығында болашақ мамандығынды ойлап бастау керек.Әртүрлі сферада өзіңді сынап көру керексің.Неге көбісі жоғары оқу орнына түсіп,сосын мамандықтарын ауыстырып жатады? Немесе неліктен өз мамандықтарының бағытымен жұмыс істемейтіндер көп?

Бұның бірде-бір себебі ол ойланбай шешім қабылдау.Таңдайтын кезде бұл мамандық менің болашақтағы өмірімнің азығы,өмірдің соңына дейін осы жұмыста боламын дегенді ойламайды.

Ең алдымен, кейін жұмыс таба алатын мамандықты іздеу керек. Көп адамдар жалақысы жоғары кәсіптерді ғана қарастырады. Мен мұндай оймен келіспеймін. Ең бастысы – таңдалған мамандық ләззат әкелуі керек. Уақытымыздың көп бөлігін жұмысқа арнағандықтан, ол біздің мүдделеріміз бен мүмкіндіктерімізге сәйкес келіп, қуаныш әкелгенін қалаймыз. Адам жұмысқа ақша қажеттілігі үшін емес, өз ісін ұнатқандықтан баратын болса, бұл оны бақытты етеді.

Бұл әрбір адамның өміріндегі маңызды сәт, оны жіберіп алмау керек және таңдауға байыптылықпен қарау керек.

Сондықтан болашаққа қадам басар кезде талапкердің де, ата-ананың да «жеті рет өлшеп, бір рет кескені» абзал.

Бейсен Амина 11 сынып оқушысы

beisen.amina@inbox.ru