Нұрсұлтан Әлімқұловқа

Нұрсұлтан Әлімқұловқа

Ойнап өскен Алатаудың жартасында

Жан бітірген өлеңмен әр тасына.

Деп еді өлеңінде, мені іздесең

,,Шықшы дос. Алатаудың қар басына,,

Ұлылығы жатқан жоқпа осы сөзде

Өлең жазып, ақындықпен түскен көзге.

Әр жырына ән туып тарап жатты

Музасы шабыт беріп тұрған кезде.

Махаббаттың ұлылығын жай ұқпа

Ғашық жүрек жабырқауға лайық па?

Қуаныштан шаттанады жүректер

Сенің әнің шырқалғанда ,,Қайықта,,

Жырларыңды сүйіп жұрт әндетеді

Қоржыныңда жырлауға ән жетеді.

Талай мұңды, жабырқау көңілдерді

Қуаныш пен бақытқа жетеледі.

Адамды баурап алар жырыңменен

Жүрегіне әр қазақтың орнадың.

Жырыңды оқып, әндерің шырқалғанда

Үзілген армандарды жалғадың.

Тамаша бір сыр бар өлеңінде

Махаббаты еліне әр әнінде.

Қайталағым келеді сөзіңізбен

,,Ақын аға... әндерің жүрегімде,,

Рамазан Стамғазиевке

Қазақтың төл өнерін дамытушы

Өзіңсіз көп ішінде жалғыз Сері.

Алашты мойындатқан талантымен

Дәстүрлі әніміздің «маңмаңгері».

Шыққан сайын арасына халықтың

Асқақ әуен, ұлттық рухты таныттың.

Біржан, Ақан, Мұсалардың сарқыты

Асқақтайбер туын жықпай намыстың.