о.Бөкей.Апамның астауы.

Әдебиеттік оқу. 4 сынып. 16.03.02017 ж.

Сабақтың тақырыбы: О. Бөкей. «Апамның астауы»

Сабақтың мақсаты: мәтінді дұрыс түсініп оқып, мәтіндегі негізгі ойды, идеяны ұғындыру. Жазушының өмірі туралы мағлұмат беру.

Оқушылардың танымдық, шығармашылық қабілеттерін дамыту. Өз бетінше жұмыс істеуге, ой қорыту шеберлігіне машықтандыру.

Аналарды құрметтеуге, ұйымшылдыққа, жолдастық қарым-қатынас жасауға тәрбиелеу.

Міндеттері: тақырыпты толық меңгерту, сөйлеу мәдениетін жетілдіру.

Пәнаралық байланыс: қазақ тілі, музыка,дүние тану,математика.

Әдісі: баяндау, ой қозғау, сұрақ-жауап.

Түрі: жаңа сабақ.

Көрнекілігі: суреттер, интерактивті тақта.

І. Сабақ барысы:

Психологиялық дайындық.

Қазақ тілім – өз тілім, ана тілім,

Абай, Мұхтар сөйлеген дана тілім.

Қастерлейді ұл-қызың мәңгі сені,

Болашағым, бақытым, дара тілім!

Үй тапсырмасы: Б.Бұлқышев «Ана»

  Мазмұнын жатқа сұрау, үйден орындап келген «Ана » атты шағын әңгімені 3-4 оқушыдан сұраймын.

ІІІ. Жаңа тақырып:

1. Тіл жоқ жерде ұлт жоқ.                  Ж. Аймауытов.

2. Әр халықтың ана тілі – білімнің кілті… Біздің жастарымыз ана тіліне жетік, білімді, мәдениетті болсын.                           А. Жұбанов.

3. Анамыздың ақ сүтімен бойымызда дарыған тілімізді ұмыту – бүкіл ата-бабамызды, тарихымызды ұмыту.                    Б. Момышұлы

Оқушылар біздің осыдан түйгеніміз тіл адамға ананың ақ сүтімен туылған сәтінен-ақ беріледі екен.

Тақырыпты ашу

1.Альфавиттегі алғашқы әріп А

2.Неліктен? Не себепті? сұрақтары мәтіннің қандай түріне жауап береді?

П-пайымдау.

3.Ана неше әріптен тұрады?

3(үш) -А

4.Наурыз айының орысша атының бас әріпі?

(М) Март

5. ..... болса, әнде болады (Нан) Н мақалды толықтыр.

6. 3600 : 600=6

7. Қазақ тілінде неше түрлі септік бар? Атап бер.(7)

Олай болса бүгінгі өтетін мәтініміз, осындай ана, әжелеріміз туралы. Яғни, біз 

О. Бөкейдің «Апамның астауы» әңгімесімен танысамыз.

(автордың қысқаша өмір жолымен таныстырамын)

Оралхан Бөкей 1943 жылы 28 қыркүйекте Шығыс Қазақстан облысы Катонқарағай ауданында Шыңғыстай селосында дүниеге келген. Небір жауhар туындыларын қалдырып кеткен Оралхан Бөкей - Ә.Кекілбаевтың сөзімен айтқанда (ХХ-шы ғасырдағы қазақ әдебиетінің ең сүйікті, ең сүлей суреткерлерінің бірі ретінде) халқының жадында мәңгі қалды. 1993 жылы дүниеден өткен.

ІY. Мәтінмен жұмыс.  Ауызша түсіндіремін, тізбектей оқытамын.

Y. Сөздікпен жұмыс.

Тоқал ағаш там – ертедегі шатырсыз үй.

Келі – күріш, тарыны ақтайтын, ұнтақтайтын құрал.

Астау – ағаштан жасалған ыдыс.

YІ. Сергіту сәті: Ислам күй ойнайды.

YІІ. Мәтін мазмұнымен жұмыс:

—          Әр бала анасын, әжесін көзі тірісінде дәл осылай қадірлесе. Тек өз әжеңді ғана емес, барлық аналарды сыйлау керек.

—          Себебі, олар бізге жарық дүние сыйлады. Анаң да, әжең де дүниедегі асыл жандар.

—          Әңгіме кімнің атынан баяндалған?

—          Автордың балалық шағы қай өзеннің бойында өтті? (сол тұсты мәтіннен тауып, оқыту)

—          Автор неліктен апасының, яғни әжесінің қолында өсті?

—          Апасының бүкіл ауыл балаларына қамқор болғанын білдіретін тұсты тауып оқы.

—          Мәтінде қандай қолөнер түрлері аталды?

—          Әңгіме неліктен «Апамның астауы» деп аталған?

YІІІ. Топпен жұмыс:

І топ, ІІ топ, ІІ топ

«Ана» сөзіне сипаттама

Қуанышымен қуантып, шаттығына бөлеп, үмітімен таныстырар өз анаң немесе әжең туралы не білесің?

 ІХ. Шығармашылық жұмыс.

І-топ. 1. Келі – тары, бидай, т.б. дәнді дақылдарды түйетін, ұнтақтайтын ағаштан жасалған құрал.Талқанға қандай дақыл қосатынын білдің?

ІІ-топ.Астау – ағаштан ойылып жасалған ас салатын ыдыс.Үйлеріңде бар астауларды пайдаланып сөйлем құрастыр.

ІІІ-топ. Ана туралы мақал-мәтел.

Х. Қорытынды: «Ана» туралы ән

ХІ. Бағалау, мадақтау:

ХІІ. Үйге тапсырма: Мәтінді түсініп оқу, мазмұндай білу. «Оралхан Бөкей» дерек жазып келу.