Бөлім:

Дұрыс тамақтану. Морфология

Одағай. Одағай түрлері

Педагогтің аты-жөні

Зейнолова Гүлназ Амантаевна

Машықтанушы: Алтаева Мадина Аманжолқызы

Күні:

06.03.2025

Сынып: 7«Б»

Қатысушылар саны:

Қатыспағандар саны:

Сабақтың тақырыбы

Менің сүйікті асым

Гендік өзгеріске ұшыраған

Оқу бағдарламасына сәйкес оқыту мақсаттары

7.2.7.1 ғаламтор, энциклопедия, газет-журналдар, оқулықтардан алынған деректерді қолдану, авторына сілтеме жасау

7.4.4.4- одағай түрлерін ажырата білу, қолдану

7.2.5.1- мәтін бойынша проблемалық сұрақтар құрастыру

7.4.4.4- одағай түрлерін ажырата білу, қолдану

Сабақтың мақсаты

- ғаламтор, энциклопедия, газет-журналдар, оқулықтардан алынған деректерді қолдану, авторына сілтеме жасайды

- мәтін бойынша проблемалық сұрақтар құрастырады;

- одағай түрлерін ажырата біледі, қолданады;

Сабақтың барысы:

Сабақтың кезеңі/ уақыт

Педагогтің іс-әрекеті

Оқушының іс-әрекеті

Бағалау

Ресурстар

Сабақтың басы

5 минут

Оқушылармен амандасу,түгендеу, оқу құралдарын тексеру, сыныптың тазалығына көңіл бөлу. Оқушылардың зейінін сабаққа аудару.

Жаңа сабақ

5 минут

Үйге берілген тапсырманы 5-6 оқушыдан сұрайды.

Оқушылар үй тапсырмасын айтып бергеннен кейін мұғалім оқушыларға сабақтың тақырыбы, мақсатымен таныстырады.

1-тапсырма.

Жұптық жұмыс:
Оқушыларға «Менің сүйікті асым» және «Гендік өзгеріске ұшыраған өнімдер» тақырыбына байланысты мәтіндер беріледі.
Оқушылар мәтінді оқып, негізгі ақпаратты анықтайды.

«Менің сүйікті асым» Бесбармақ – қазақ халқының ұлттық тағамы. Бесбармақ – пісірілген ет. Бесбармақ – қазақ халқының ұлттық тағамдарының ішіндегі ең құрметті тағам. Ежелгі қазақ халқы бұл тағамды бес саусағымен жеген. Сондықтан бұл тағамды «бесбармақ» деп атап кеткен.

Гендік өзгеріске ұшыраған тағамдар
Гендік тұрғыда өзгеріске ұшыраған өнімдер туралы,
әлем ғалымдарының да, қоғамның да пікірі екіге жарылады.ГМО өнімдерін жақтаушылар бұндай өнімдерін шығару адамды аштықтан құтқаратын бірден-бір жол деп тұжырымдады. Қазіргі кезде ауылшаруашылық өнімдерінің ішінде картоптың гендік тұрғыда өзгертілген – 24, сояның –11, бұршақтың 32 түрі бар. Одан бөлек қант қызылшасының үш түрі, күріштің 5 түрі, қызанақтың 8 түрі тіркелген.

Үй тапсырмасын айтады.Сұрақтарға жауап береді

Оқушылар талаптарға сай тапсырманы орындайды

ҚБ

«Диалог және қолдау көрсету» тәсілі көрінеді. «Жарайсың! Дұрыс жауап!»

Оқулық, жұмыс дәптері,

«word woll» платформасы

Сабақтың ортасы

30 минут

Дескриптор:

Жалпы -3 балл

– Оқушылар мәтінді оқып негізгі ақпараттарды анықтайды

2-тапсырма

Берілген мәтінге одағайларды қатыстыра отырып қайтадан жазып шығу

Әлемдегі ең ерекше 4 тағам

Отаи

Кокос, манго, қарбыз, ананас қоспасынан жасалған сусын.
Тынық мұхитын жағалаған Тонга аралының халқы бұл дәстүрлі сусынды сүйіп ішеді. Сусын сондай тәтті болғанына қарамастан, кейде оған қант қосылады. Сонымен қатар отаи сусының жасалу технологиясы да аса маңызды. Оның құрамындағы қарбыз бен манго блендерден өткізілмейді. Қарбыздың шырынын қасықпен қырып алады да, мангоны қарапайым үккіштен өткізеді.

Кетупат

Пальма жапырақтарынан тоқылған қорапша пішініндегі тәтті нәрсені жегіңіз келе ме? Ал бұл Оңтүстік-Шығыс Азияның Малайзия, Индонезия сияқты елдерінің дәстүрлі тағамы. Ішіне суланған күріш салынады. Жапырақтар қорапшасы тұздалған ыстық суға салынып, барлығы баяу отта 4-5 сағат қайнатылады. Одан соң бірден салқын суға салынады.

Хаггис

Бір қарағанда өзіміздің сүйіп жейтін бұжыға ұқсайды. Шотландияның бұл дәстүрлі асы бүкіл әлемге танымал. Қойдың қарнына ішек-қарын, өкпе-бауыр салып, суда қайнатады. Дәмдеуіш ретінде сұлы жармасы, пияз және басқа да татымды қоспалар салынады. Шамамен үш сағат аралығында дайындап, картоп езбесімен бірге ұсынады.Бұл кезінде әл-ауқаты нашар адамдардың асы саналған, ал қазір қымбат мейрамханаларда сатылады.

Билтонг

Бұл сиырдың жон етінен маринадтап жасалған тағам. Кейде сиыр орнына бөкен не түйеқұс еті қолданылады. Маринадтауға сірке суы (уксус), тұз және құрақ қантты (тростниковый сахар) қолданады. Одан соң бұл ет күн астында бірнеше күн қақталуы тиіс.

3-тапсырма

Одағай түрлерін қатыстырып әзіл-әңгіме жазу

Оқушылар берілген мәтінге одағайларды қатыстыра отырып қайтадан жазып шығады

Оқушылар одағай түрлерін қатыстырып әзіл-әңгіме жазу

Дескриптор:

Жалпы-3 балл

– Оқушылар берілген мәтінге одағайларды қатыстыра отырып қайтадан жазып шығады

Дескриптор:

Жалпы- 4 балл

– Оқушылар одағай түрлерін қатыстырып әзіл-әңгіме жазу

Қима қағаздар, жұмыс дәптері, стикерлер

Бекіту:

5 минут

Бүгінгі сабақтан не түсіндіңіздер. «Өзіндік пікір» парағына жазыңыздар.

Оқушылар бүгінгі сабаққа « Өзіндік пікір» әдісі бойынша өз пікірін жазу арқылы сабаққа қорытынды жасайды.

Мұғалім

1-10 баллдық жүйе бойынша оқушылардың сабаққа қатысу белсенділігін бағалайды.

Үй тапсырмасы

«Гендік өзгеріске ұшыраған өнімдер» тақырыбына эссе жазу.

Оқушылар үй тапсырмасын талаптарға сай орындап келеді

дәптер