Ойдағы өзгеріс - өмірдегі қауіпсіздік

Аптаның дәйек сөзі

«Өнерлі бала өрге жүзер»

Педагогтің Т.А.Ә.

Күні:

Сынып: 6

Қатысушылар саны:

Қатыспағандар саны:

Сабақтың тақырыбы

«Ойдағы өзгеріс – өмірдегі қауіпсіздік». ЖЖЕ: Жол қозғалысының қауіпсіздігі

Сабақтың мақсаты

Оқушылардың қауіпсіздік мәдениетін қалыптастыру, шұғыл жағдайда әрекет ету дағдыларын дамыту және жол ережесін сақтауға баулу.

Құндылық

Жасампаздық және жаңашылдық айы

Қауіпсіздік сабағы

№1. ҚАУІПСІЗДІК САБАҒЫ: «Қазақстандағы сенім телефондары мен жедел қызметтердің нөмірлері»

Сабақтың кезеңдері

Педагогтің әрекеті

Оқушының әрекеті

Ресурстар

Сабақтың басы

Ұйымдастыру кезеңі

«Ой-түйін» жаттығуы:

1. Асығыстық пен салғырттық.

2. Сақтық пен жауапкершілік.

Қорытынды: Қауіпсіздік сыртқы ережеден емес, адамның ішкі ойы мен ниетінен басталады.

Сабақ тақырыбы мен мақсатымен таныстыру

Оқушылар мұғаліммен амандасады,түгенделеді.

Оқушылар екі түрлі жағдайды салыстырады

Сабақ тақырыбы мен мақсатымен танысады.

Сабақтың ортасы

«Себеп пен Салдар» топтық жұмыс

«Интернеттегі қауіпсіздік» (Кибербуллинг немесе бейтаныс дос)

Жағдай: Әлеуметтік желіде бейтаныс біреу: «Сенің суретің күшті екен, кездесейікші, саған сыйлығым бар» деп жазады.

Қауіпті ой (Ескі ой): «Жаңа дос тапқан қызық қой, сыйлық берсе тіпті жақсы, ол мені ренжітпейтін шығар».

Қауіпсіз ой (Жаңа ой): «Желіде кез келген адам басқа біреу болып көріне алады. Сыйлық ұсыну — қауіптің белгісі. Бұл туралы үлкендерге айтуым керек».

Іс-әрекет: Чатты бұғаттау (блок), мұғалімге немесе ата-анаға көрсету.

«Қауіпсіздік көзі» (жеке жұмыс)

Әр оқушыға адамның басының суреті салынған парақ беріледі.

Тапсырма: Оқушылар сол «бастың» ішіне (миына) қауіпсіздікке көмектесетін 3 сөзді (мысалы: Сақтық, Сабыр, Жауапкершілік) және сыртына сол ойдан туындайтын 3 іс-әрекетті жазуы керек.

Оқушылар берілген мәселені екі жақты талдап, өз ойларын ортаға салады. Жасайтын іс-әрекеттерін ретімен жазып шығады.

Оқушылар берілген суреттің ішіне қауіпсіздікке көмектесетін 3 сөзді және сыртына сол ойдан туындайтын 3 іс-әрекетті жазады.

Презентация, тақырыптық суреттер

Қауіпсіздік сабағы

10 мин

Сабақтың мақсаты: оқушылардың қауіп төнген жағдайда жедел қызмет пен сенім телефондарына дұрыс хабарласу дағдыларын дамыту.

«Сәйкестендіру тесті» арқылы «Қазақстандағы сенім телефондары мен жедел қызметтер» телефон нөмерлері мен хабарласу қажет жағдайларын табады.

Жедел қызметтерге қоңырау шалған кезде диспетчерге нені хабарлау керек:

• Өз атыңызды және жасыңызды атаңыз: диспетчерге сіздің атыңыз бен қанша жаста екеніңізді айтуды ұмытпаңыз. Бұл оларға кіммен сөйлесіп жатқанын жақсы түсінуге көмектеседі.

• Қайда екеніңізді айтыңыз: орналасқан жеріңізді мүмкіндігінше дәл сипаттаңыз. Егер сіз оны білсеңіз, мекенжайды көрсетіңіз немесе айналаңызда не көретініңізді айтыңыз.

• Не болғанын айтыңыз: не болғанын және неге қоңырау шалып атқаныңызды қысқаша және анық түсіндіруге тырысыңыз. Мысалы, апат болды, біреу ауырып қалды немесе көмек қажет.

Диспетчердің сұрақтарына жауап беріңіз: мұқият болыңыз және диспетчер қоятын барлық сұрақтарға жауап беріңіз. Бұл оларға қажетті көмекті тезірек жіберуге көмектеседі.

Оқушылар «Қазақстандағы сенім телефондары мен жедел қызметтер» телефон нөмерлері мен хабарласу қажет жағдайларын тауып, сәйкестендіреді.

Ақпараттық парақшалар

ЖЖЕ

Жол қозғалысының қауіпсіздігі

Тренинг: «Назар аудар: Тірі бағдаршам»

Мақсаты: Жаяу жүргінші ережесін автоматты түрде орындау дағдысын қалыптастыру.

Қысқа әрі нұсқа нұсқаулық.

«Жаяу жүргіншінің 3 алтын ережесі»:

1.Тоқта: Жол жиегіне келгенде міндетті түрде кідір.

2.Қара: Алдымен солға, сосын оңға қара. Көлік толық тоқтағанына көз жеткіз.

3.Тыңда: Құлаққапты шеш! Жақындап қалған көліктің дыбысын есту маңызды.

Дайындық

Сыныпты ортасынан бос жол қалдырып, екі жаққа бөліңіз. Ортадағы бос орын — «жол». Екі шеті — «жаяу жүргінші жолы».

2. Ойын барысы

1-қадам: «ТОҚТА!» (Барлық оқушы жол жиегіне келіп, «Стоп!» белгісіндей қолдарын алдына созып, шорт тоқтайды).

2-қадам: «ҚАРА!» (Бастарын анық қозғап, алдымен солға, кейін оңға бұрылып, «көлік бар ма?» дегендей мұқият қарайды).

3-қадам: «ТЫҢДА!» (Қолдарын құлақтарына апарып, құлаққапты шешкендей қимыл жасап, көліктің дыбысына құлақ түреді).

Тақырыптық суреттер, кесте

Сабақтың соңы

3 мин

Қорытынды бөлім.

«Балалар, көріп тұрғандарыңыздай, қауіпсіздік — бұл тек ереже жаттау емес, бұл — әр жағдайда дұрыс ойлану. Ойыңды өзгертсең — өміріңді сақтайсың!»

Оқушылар сабаққа өз ойларымен бөлісіп, «Бір түйін» әдісімен кері байланыс жасайды.