Сабақтың мақсаты: Оқушыларға ойдың, сөздің және істің бірлігіндегі өмір сүрудің маңызын түсіндіру арқылы дұрыс әрекет құндылығының мәнін ашу.

Білімділік: оқушыларға ойдың, сөздің және істің бірлігінде өмір сүрудің маңыздылығын шынайылық қасиеті арқылы түсіндіру

Дамытушылық: оқушыларды өздерінің ойларын, сөздері мен істерін қадағалауға үйрету арқылы адалдық қасиетіне баулу

Тәрбиелік: оқушыларды әділеттілікке тәрбиелеу

Ресурстар:

Мультимедиялық тақта, оқулық, дәптер, дәйексөз.

Сабақ барысы:1. Ұйымдастыру кезеңi. Сәлемдесу, оқушылардың көңіл-күйін сұрау, сабаққа қатысуды тексеру. 5 Т ережесін еске салу.

1.Тәртіп

2.Талап

3.Тыныштық

4.Тазалық

5.Татулық

2. Шаттык шенбері

Мұғалім оқушылармен амандасқаннан кейін олардың көңіл- күйлерін көтеріп, сабақта көңілді орта құру мақсатында шаттық шеңбер құрып, бір-біріне ізгі тілектерін білдіреді.
Топтарға бөлу.

1-топ. Ой

2-топ. Сөз

3-топ. Іс-әрекет

3.Үй тапсырмасын сұрау.

Әңгімелеу.

«Адалдық».

Жақау Дәуренбеков

Талдау сұрақтары:

1. «Артық алма, кем берме» деген сөздің мәнін қалай түсінесіңдер?

2. Адалдықты сақтау не үшін қажет деп ойлайсыңдар?

3. Қай кейіпкердің ісінен қиянат жасамау құндылығын байқадың?

4. Баланың бойынағы түсіністік, жауапкершілік қасиеттері қай әрекетінен көрініс тапты?

5. Өзің адалдықпен іс-әрекет жасаған кезде қандай күйге бөленесің?

Түйін:

Ендеше қандай жағдайда да өзімізге және өзгелерге ойымызбен, сөзімізбен, ісімізбен қиянат жасаудан аулақ болсақ, нағыз дұрыс әрекет осы болмақ.

4. Дәйексөз

«Адамның ең асылы - қиянатсыз, ақ пейіл адам».

Шәкәрім Құдайбердіұлы

Жартылыстың барлығына қылдай қиянат жасамайтын, пейілі таза адам нағыз адам. Әрі мұндай адамның ойы, сөзі, ісі бірлікте болып, мәнді өмір сүретіні анық.

Дәйексөзді бірінші кезекте ұл балалар қайталап айтады. Содан соң қыз балалар қайталап айтады. 2-3 оқушыдан жатқа сұралады.

Сұрақ:

1. Осы дәйексөзді қалай түсіндіңдер?

2. Ақ пейілді адамдарға қандай қасиеттер тән?

3. Өз тәжірибеңде қиянат жасамаған қандай әрекетіңді айта аласың?

Түйін: Олай болса, әрқашан пейіліміз таза болып, қиянат жасаудан бойымызды аулақ ұстайық.

1. Мұғалім сыйы:

«Қарттар үйі». Видеоролик.

Әке мен бала арасындағы әңгіме. Бала әкесіне өзінің қарттар үйіне апарып тастаған атасын әкелуін өтінеді. Және бала әкесінің ұлына көрсеткен үлгісін келешекте өз алдына келетінін ескертеді. Ақылды ұлдың себебімен көзі ашық, білімді, бірақ рухани әлсіз әкесі қателігін түсініп қарт әкесін қарттар үйінен алып кетуге келеді.

Сұрақтар:

1. Баланың әрекеті қаншалықты дұрыс?

2. Баланың қандай сөздері әкесінің ойын өзгертті?

3. Әңгімеде кім кімге қиянат жасады? Неліктен?

4. Видеороликте қамқорлыққа кім мұқтаж?

5. Өзің өмірде ата-анаңа,бауырларыңа қаншалықты қамқорлық танытасың?

Қорытынды: Ендеше ата-анамызға, достарымызға, айналамыздағы адамдарға үнемі түсіністікпен қарап, оларға қамқор болу біздің адамдық міндетіміз екенін естен шығармайық.

Ескертулер

2. Шығармашылық жұмыс:

Дәптермен жұмыс.

Оқушы дәптеріндегі тапсырмаларды орындау.

1 топ. 3-тапсырма

Кемеңгер жазушы Мұхтар Әуезовтің «Күшіңе сенбе, адал ісіңе сен» деген қанатты сөзін қалай түсінгеніңді мысал келтіре отырып, жаз.

2 топ. 4-тапсырма

Өткен аптада өзіңе және өзгелерге берген уәделеріңді есіңе түсіріп, оларды қаншалықты орындағаның жөнінде шағын әңгіме жаз.

3 топ. «Қиянат жасамау дегеніміз...» тапсырмасы. Оқушыларға аяқталман сөйлеммен ағаш, тау, күн т.б. заттардың бейнесіндегі қағаздар үлестіріледі. Оқушылар сөйлемдерді аяқтап табиғат бейнесін А3 форматына жапсырып, қысқаша түсіндіріп өтеді.

Жақсы ой ойлау - әлемге қиянат жасамау,

Жақсы сөз айту - тілге қиянат жасамау,

Жақсы әңгіме тыңдау – құлағымызға қиянат жасамау

Жақсылықты көре білу – көзге қиянат жасамау,

Дұрыс тамақтану - денсаулығымызға қиянат жасамау

Дұрыс іс - әрекет жасау - денемізге қиянат жасамау.

Құрбыларымызды ренжітпеу – достыққа қиянат жасамау.

Шығармашылық жұмысты қорытындылау.

3. Топпен ән айту.

«Көңіл қымбат»

Өлеңі мен әнін жазған Әкім Ысқақ

Өмір – осы, жақындар алыстағы,

Жақынның да болады – алыстауы.

Не жетеді-ау пендеге, адалдықпен,

Көңіліңді кірлетпей табысқаны.

Қайырмасы:

Бұл фәниде қанша-ай өмір қымбат,

Өмір қымбат – адамның сенім қымбат.

Байлығың да, дүние, бәрінен де,

Көңіл қымбат.

Көңіл қымбат.

Жақсы жандар жүректе-ау қалды анық,

Достарыңа да шығады-ау сараланып.

Суығына даланың жаурамайсың,

Салқын сөзге тоңасың жараланып.

Қайырмасы:

Бұл фәниде қанша-ай өмір қымбат,

Өмір қымбат – адамның сенім қымбат.

Байлығың да, дүние, бәрінен де,

Көңіл қымбат.

Көңіл қымбат.

Арман қуып, өмірде іздедің бақ,

Әрбір таңың ататын бізге жұмбақ

Адамдықтың шыңы ғой – түсінікті,

Көңіл деген Сізбенен Бізге қымбат!

Қайырмасы:

Бұл фәниде қанша-ай өмір қымбат,

Өмір қымбат – адамның сенім қымбат.

Байлығың да, дүние, бәрінен де,

Көңіл қымбат.

Көңіл қымбат.

Сұрақтар:

1. Оқушылар, осы әннің мағынасын қалай түсінесіңдер?

2. Әнді орындағанда қандай сезімде болдыңдар?

Қорытынды: Өмірде ақша, байлықтан да қымбат нәрсе ол адамның көңілі. Сондықтан әр күнімізді үлкен сый деп бағалап, әрқашан адамдарға деген сенімнен айнымайық.

4. Үй тапсырмасы:

№ 29 сабақ. Болат Көмеков пен Самат Өтениязовтың «Талаптың тұлпарын ерттеген шақ» әңгімесін оқып келу.

1. Дәптермен жұмысты аяқтау.

5. Соңғы тыныштық сәтi.

Баяу әуен қойылады.

Балалар, енді бір сәт тынышталайық. Денелерімізді түзу ұстап, басымызды жоғары көтеріп, ыңғайланып отырамыз. Ауаны терең жұтып, еркін тыныстаймыз. Тұла бойымыз жақсылыққа, махаббатқа толғанын сезінуге ұмтылайық. Бүгінгі сабақтан алған әсерлерің мен жақсы ойларды есімізге түсірейік. Адамдарға деген адалдық, шынайылық, әділеттілік қасиеттерді өздеріңмен бірге қалу үшін жүректеріңе салып сақтаңдар. Бүгін сендер өте көп жақсы істер жасадыңдар, ойларыңды жеткізе білдіңдер. жақсы ойлар айттыңдар сол үшін сендерге рақмет айтамын!

Күнделіктеріне жазады.