«Ойлы болсаң, озып көр» интелектуалды ойын

«Ойлы болсаң, озып көр» интелектуалды ойынның мақсаты: оқушыларында білім негізін қалыптастыру,теория мен практиканы ұштастыра отырып,пәндерге деген қызығушылығын ояту,сөздік қорын дамыту,ауызша логикалық ойлауға дағдыландыру.
Әдісі:сұрақ жауап
Көрнекілігі: кеспе әріптер
Өту барасы:
I. Ұйымдастыру кезеңі
1. Оқушыларды топқа бөлу: «Алғырлар», «Достар»
2. Топ басшыларын сайлау.
3. Жеребе тастап,қай топ ойынды бірінші болып бастайтынын анықтау.
4. Жарыс ережесін таныстыру.

І айналым: «Зымыран сұрақтар»

ІІ айналым «Сөз ойла, тез ойла»

ІІІ айналым «Тапқыр болсаң, тауып көр»

ІY айналым «Ана тілім-айбыным»

Ү айналым«Ойлы болсаң, озып көр»
І айналым: «Зымыран сұрақтар» деп аталады. Бұл айналымда оқу бағдарламасының аясында әр түрлі пән бойынша әр топқа 10 сұрақтан қойылады. Дұрыс жауапқа 1 ұпай беріледі.

1-топтың сұрақтары

1. Қазақстан Республикасы тәуелсіздігін қашан жариялады? (16 желтоқсан 1991ж) 
2. Қазақ батырларын ата. (Наурызбай, Бөгенбай, Райымбек, Қабанбай, Абылай) 
3. Қысқартылып жазылатын ұзындық өлшем бірліктерін ата? (см, дм, м, км) 
4. Даусты дыбыстар нешеге бөлінеді? (3-ке)

5. Әдемі, сұлу, келбетті қандай сөздер? (синоним)

6. Жылдың 4мезгіліне өлең жазған кім? (Абай)

7. «Батыр» сөзіне мәндес сөздерді тап? (батыл, ер жүрек)

8. Қай құс ерте келеді? (Қарлығаш)

9. Мәтіннің түрлерін ата (баяндау, сипаттау, пайымдау)

10. Ең үлкен екі таңбалы сан? (99)

2 - топтық сұрақтары.

1. Біздің мемлекеттік туымызда нелер бейнеленген? (Күн, бүркіт, ою - өрнек)

2. Қазақтың тұңғыш ғарышкері кім? (Т. Әубәкіров)

3. Уақыт өлшем бірліктері (Жыл, ғасыр, апта, секунд, минут, ай, тәулік, күн)

4. Садақ, жебе, саут, найза – қандай сөздер? (көнерген сөздер)

5. «Абай жолы» роман – эпопеяның авторы кім? (Мұхтар Әуезов)

6. Абылай ханның шын аты кім? (Әбілмансұр)

7. Қазақстанның тауларын ата. (Көкшетау, Ұлытау, Алатау)

8. Дауыссыз дыбыстар нешеге бөлінеді (3-ке)

9. Судың үш күйін ата? (Қатты, сұйық, газ)

10. Абайдың әжесі кім? (Зере)
ІІ айналым «Сөз ойла, тез ойла» деп аталады. 2 әріп А және Қ әріпі беріледі. Сұрақтың жауабы сол әріпке байланысты болады.

Мысалы мен Тау десем – Алатау, құс – қарлығаш деп жауап беру керексіздер. Әр дұрыс жауап 1 ұпаймен есептеледі.

1.ҚР астанасы. 1.Үлкен кісі  (Астана – қарт)

2.Қадірлі жан. 2.Ұлт  (ана – қазақ)

3.Әкесінің әкесі. 3.Математикалық амал  (ата-алу)

4.Математикалық амал. 4.Оқулық (алу – ана тілі)

5.Ер қанаты- 5.Сүттен жасалған тағам (ат – құрт)

6.Оқулық 6.Жылқының сүті  (ана тілі- қымыз)

7.Жеміс-жидек атауы 7.Музыкалық аспап (алма – қобыз)

8.Адамның аты. 8.Көкөніс түрі (Анар – қауын)

ІІІ айналым «Тапқыр болсаң, тауып көр»

(Әр топқа 10 сұрақтан қойылады.)
1 топқа:
 Сан есім дегеніміз не?
 Сөз таптарын ата.
 Зат есім дегеніміз не?
 Ы.Алтынсарин деген кім?
 Сөз дегеніміз не?
 Тұрлаусыз мүшелерді ата?
 Септіктің неше түрі бар?
 Қоян,ноян сөздерінде неше дыбыс бар?
 Болымды және болымсыз етістік деген не?
 Етістіктің неше шағы бар? Мысал келтір.
2 топ:
 Сөйлем мүшелерін ата.
 Сын есім дегеніміз не?
 А.Құнанбаев кім?
 Сөз дегеніміз не?
 Тұрлаулы мүшелерді ата?
 Сөйлем дегеніміз не?
 Етістік дегеніміз не?
 Дыбыс деген не?
 Тұрлаусыз мүшелерді ата?
 Қалам,дос сөзін тәуелде.
ІY айналым «Ана тілім-айбыным» деп аталады. «Кім жылдам?»(Әріптер таратылады)

1-топ:
 Ертегі оқисың ба?
 Сумкаңда не бар?
 Бөлме қандай?
 Досың кім?
 Тәтті берсе жейсің бе?
 Қандай ән орындайсың?
 Анаңа еркелейсің бе?
 Аспанда не бар?
 Бүгін не оқыдың?
 Қандай тілек айтасың?
2-топ:
 Жасың нешеде?
 Кеше не істедің?
 Қалтаңда не бар?
 Шашың неге алынбаған?
 Досың кім?
 Нені жақсы көресің?
 Қандай кітап оқисың?
 Түнде түс көрдің бе?
 Алма берсе жейсің бе?
 Кімге сәлем жолдайсың?

Ү айналым«Ойлы болсаң, озып көр» Сөз құрау. «Жолдастар»сөзінен бірнеше сөз құрау.