Ойна да, саналы ойла

ҰІӘ: « Ойна да, саналы ойла »

Мақсаты : Тәрбиеленушілерді ұлттық құндылықтарды құрметтеуге тәрбиелеу. Ұлттық құндылықтар – біздің тіршілігіміз , бабаларымыздан қалған асыл мұра екенін түсіндіру. Елжандылыққа, терең ойлауға, өнер сүюге, ұлттық салт –дәстүрімізге байланысты білімін дамыту арқылы нығайту.Танымдық және зияткерлік дағдыларды дамыту, шығармашылық қабілеттерін жетілдіру.

Шаттық шеңбер: Күнге қарап қолымды

1,2,3 деп соғайын

Қарап тұрған көршіме

Мен қолымды бұлғайын.

Жылы-жылы жүзбенен,

Маңдайыңнан сипайын.

Ыстық алақаныңмен,

Қолыңды бер қысайын

Құшақтасып өзіңмен.

Амандасып алайын.

Тәрбиеші: Балалар, бүгін қандай күн?

-Қазір қай мезгіл ? Көктем мезгілін атайықшы ?

-Аптада неше күн?

-Атап беріңдерші?

-Бүгінгі ұйымдастырылған іс-әрекетіміз «Ұлттық құндылығымызды дәріптеу мақсатында болады. Тақырыбы: « Ойна да, саналы ойла »

-Балалар, олай болса мына қолымдағы сандықшадан өзімізге тиісті асығымызды алайық.

( Cандық ішінде түрлі-түсті асықтар бар, соны алу арқылы екі дөңгелек үстелге бөлінеді. Дөңгелек үстел үстінде «Қызыл түсті топай және жасыл түсті топай тұрады.Әр бала асығының түсіне қарай бөлінеді)

( Дөңгелек үстел үстінде ет табақ тұрады.)

Тәрбиеші: Ал, балалар қазақтың ұлттық тағамы еттен ала отырайық.

• Балалар ек топқа бөлініп отырды: қызыл, жасыл

• Балалар тапсырмаға бару үшін аяқ іздері жолымен жүріп барады.

« Жасыл асық» 1.Тапсырмалары: Тура, кері санау ( Тақтайда асықтар рет-ретімен тізілеген. Сол асықтарды санайды)

Тәрбиеші: Балалар тағы да қандай ұлттық ойындар бар? Кім айтады?

Балалар жауабы: Аламан бәйге, Аударыспақ, Күш сынаспақ тб

2. « Қыз қуу» ойыны Ойын шарты:Бір ұл, бір қыз ойнайды.

Текшені лақтырады, қандай сан түссе сонша қадам басып шабады.Сөйтіп, ұл мен қыз кезекпен бір-бірін қуады. ( Үстел-үсті ойыны)

3. «Төрт қазан» ойынын ойнайды. Ойын шарты: 4 бала ойнайды,яғни жұбымен сан жазылған асықтар жатады.Текшені кезекпен лақтырады.Қандай сан түседі, сол асықты кесекпен қағып алып ұяшыққа түсіреді.

« Қызыл асық» 1.Ұлттық ойын : «Асық ойыны» Ойын шарты: ПЖО: Асықпен ойналады.Мысалға: 2 сары асық десе,сары түстің тұсына аталған санмен теңдеп қояды.

2.Шот арқылы санау.

3. «Төрт қанатты киіз үйдегі» тапсырма. ( Ұлттық киімдер, тағамдар,ойындар,киімдерді реттеу. Пішіндерді атап орнын тауып қою)

Ал, балалар орнымыздан тұрып сергіп алайық.

Сергіту сәті: « Тұлпарым» \\ Музыка ырғағымен қимылмен жасайды.\\

Тәрбиеші: Балалар, алдарыңда үстел үстінде ақ парақ қағаз берілген. Ортада ыдыста сұйық май тұр.Сол майды қылқаламмен бояймыз. Сол кезде жасырылған сурет шығады.

-- Балалар « Сиқырлы әлемге» барады.

4.Шығармашылық орта: « Ақ қағазды маймен бояу арқылы жасырын суреттер шығады.Яғни, ақ қағазға май жаққанда киіз үй ішіндегі сурет көрінеді.Әр бала өз жұмыстарын қорғайды.

Қорытынды: Тәрбиеші: Ал, балалар бағанадан жарыстық, ойнадық ,қаншама тапсырмаларды орындадық. Ендігі шай ішіп , ойымызды ортаға салып әңгіме дүкен құрайық.

( Дөңгелек үстел үстіндегі кесе ішіндегі шайды алып не істеді? не көрді? не жасады? қорытындылайды). Балаларды марапаттайды.

«Ақмола облысы білім басқармасының Целиноград ауданы бойыншы

білім бөлімінің жанындағы Қажымұқан ауылының

МКҚК «Қошақан» бөбекжайы

«Балапан» ересек тобы

Тәрбиешілері: Аманкулова Алмагуль Имангалиевна

Алдашова Гулшахара Турдыгуловна

Қажымұқан ауылы. 2023-2024 оқу жылы