Ойнайық та, ойлайық!

Іс-әрекеттер кезеңі

Тәрбиешінің іс-әрекеті

Балалардың іс-әрекеті

Ұйымдастырушылық-оятушылық

Балалар саппен залға кіріп, шаттық шеңберге тұрады.

Тәрбиеші: Балалар, біз шеңберге тұрғанда, барлығымыз бір-біріміздің қуанышты жүзімізді, күлкімізді көреміз.

Кел балалар күлейік!

Күлкіменен жүрейік.

Күлкі көңіл ашады,

Күліп өмір сүрейік!

- Балалар, бүгін көп қонақ келіпті, алдымен сәлемдесіп алайық.

Мақал-мәтел: «Қонақ келсе-құт келер!»

Балалар шаттық шеңбер құрды.

Бір-біріне жылы жүзбен қарап күлімсіреді.

Қонақтармен сәлемдесті.

Мақал-мәтел сөзін айтады.

Ұйымдастырушылық-ізденушілік

-Балалар, қазір жылдың қай мезгілі?

Қыс мезгілінің қандай айы?

Бүгін аптаның нешінші күні?

Бір бала топқа кіріп келді.

-Ия, сәлеметсіңбе?! Қандай шаруамен жүрсің, қайдан келдің? Атың кім?

-Медет!

Медет, өзін балабақша маңында тұратынын және осы маңда ойнап жүріп бір конвертті тауып алғанын айтты.

-Тәрбиеші: Ал, қане олай болса сен балалармен бірге ойнай ғой, мен бұл конвертте не жазылыпты, не бар екенін анықтайын.

-Балалар, мұнда суреті бар қағаздар және астында пішіндері салынған. Балалар, бұл пішіндер мен қағаздар бізге таныс, қане сендерге көрсетейін, ал сендер суретті атап, пішінді анықтап, түсін атаңдар.

1.Алма – дөңгелек, түсі – жасыл.2.Шырша-үшбұрыш.3.Шахмат тақтайшасы – төртбұрыш. Есік-тіктөртбұрыш. Түстерінде атап шығу. Жарайсыңдар балалар! Өткен білгенімізді еске түсіріп, геометриялық пішіндерді анықтап, түсін ажыраттық.

-Балалар, қазір бір ойын ойнайық. Бөлшектерден геометриялық пішіндер құрастыру. Қандай пішіндерді көріп тұрсыздар? Жарты! Қазір біз бұл жарты пішіндердің екінші жартысын табамыз. Міне, біз білетін пішіндер шықты. Ал, балалар, сендер шаршасаңдар бой сергітіп алайық!

Алға қарай жүрейік,

Артқа қарай жүрейік.

Оңға қарай бір қадам,

Солға қарай бір қадам.

Жоғары-төмен қарайық,

Орнымызды табайық.

Ойынымыздың 1-ші шарты: геометриялық пішіндердің орнын тап!

2-ші шарты: ортасынан бөлінген пішіндердің бөліктерінен геометриялық пішіндер құрастырайық!

Балалар сұраққа жауап берді.

Келген балаға балалар назар аударды.

Әкелген конвертке қарады.

Конверт ішінен шыққан суреттерді анықтап, пішіндерін тура атап, түсін ажыратты.

Ойын ойнауға қызығушылық танытты.

Балалар ойынды өз шартымен ойнап шықты.

Геометриялық пішіндердің орнын тапты.

Геометриялық бөлінген пішіндерді құрастырып, бүтін пішіндер құрады.

Рефлексивтік-түзету

Балалар өздері геометриялық пішіндердің орнын тапқандығын және түсін атап, бөлінген бөлшектерден геометриялық пішіндер құрастырып әңгімеледі. Мадақтаулар айтылып, марапаттаулар болды.

Осы сәтте баласын іздеп әжей келді. Ол өзінің баласын көріп қуанып қалды.

Медет өзінің балалармен бірге ойнап, үйренгенін айтып берді.

Әжей бізге, балаларға алғысын айтып, базардан алған алмаларын балаларға сыйға тартты. Балалар қуанып, рахмет айтып, әжей баласын ертіп, қош айтысты.

Балалар өздері құрастырған жұмыстары жайлы айтып берді.

Балалар келген әжеймен амандасты, және әжейдің сыйлығына алғыс айтып қуанды.