А.Рудаки атындағы №23 жалпы білім беретін мектеп коммуналдық мемлекеттік мекемесі.

Көркем еңбек пәнінен 6-«А» -6-«Б» сыныптар арасында

Сайыс сабақ.

Тақырыбы: «Ойнайық та ойлайық»

Көркем еңбек пән мұғалімі: Сарсенбаева Оразгул.

Түркістан облысы А.Рудаки атындағы №23 жалпы білім беретін мектеп коммуналдық мемлекеттік мекемесі технология пәнінің мұғалімі педагог-сарапшы Сарсенбаева Оразгул 2024– 2025 оқу жылы

Сабақтың тақырыбы: «Ойнайық та ойлайық».

Сабақтың мақсаты: Әлем және қазақ ұлтының салт-дәстүрін,мәдениетін зерделеу мақсатында оқушылардың танымдық және шығармашылық қабілетін, эстетикалық талғамын, шеберлігін дамыту. Оқушыларды ұқыптылыққа, икемділікке, шеберлікке, іскерлікке баулу.Өткен сабактарды қайталау.

-жүргізуші:
-Армысыздар ардақты алқалы жұрт !
Қайырлы күн! Таңмен таласа оянып білім алуға асыға басып мектепті бетке ұстар барша   оқушылар мен аяулы ұстаздар!

.Бүгінгі 6-А және 6-Б сыныптары арасында «Бейнелеу өнері және Көркем еңбек пәндері» апталығындаұйымдастырылған «Ойнайық та , ойлайық» атты сайыс сабағымызға қош келіпсіздер.

Жер бетінде адам өмір өткізер,
Бар нәрсеге білім қолды жеткізер.
Бар ізгілік тек білімнен алынар,
   Білімменен аспанға жол салынар – деп ортаға екі сыныптан ұйымдасқан сайысқа қатысушы топтарды ортаға шақырайық.

Енді сайыстың шарттарын таныстырып өтейін:

1.Топты таныстыру.

2.Досыңа ыммен түсіндір.

3.Мозайка құрастыру.

4. Ою ою.

5. Сұрақ-жауап.

.Сайысқа төрелік ететін ұстаздар:

1.Оқу ісінің меңгерушісі:ҚамбарбековаГулжаухар апай. 2..Ә.Б.Ж.---Қамбарбеков.Тұрсынбек ағай.

«Өнер- таусылмас азық, жоғалмас байлық» деп сайысқа келген әр топ өздерін таныстырып өтсе дейміз.

2-ші шартымыз, «Досыңа ыммен түсіндір».

Мұнда қағазға жазылған қазақтың сат- дәстүрлері туралы мақал- мәтелдер бар. .Бастаушы топтан бір қатысушы шығып, қағазды алып, оны іштей оқиды да оны қарсы достарына ыммен көрсетеді. Достары оны түсініп, мақалды табу керек.(Дауыс, дыбыс шығаруға болмайды).Әрбір мақал—бір ұпай.Әр топқа 5-мақал.

Сайысты бағалаушы апай- ағайлар ,енді топтардың ұпайларын айтып өтсеңіздер. Әділ қазылар бағаларын берді.

.Екі ішектің бірін қатты,
Бірін сәл-сәл кем бұра.
Нағыз қазақ қазақ емес,
Нағыз қазақ -домбыра!-дей келе ортаға 7- сынып өнерпаздарын шақырамыз.
-Енді 3-ші шартымыз. «Мозайка құрастырыу»

, онда қазақ халқының ұлттық бұйымдарының суреттері шығады , сол туралы бес жолды өлең шығару.
жүргізуші:
Биші қыздар, кел бері,
Ортаға шық ілгері
Мың бұралып билеңдер,
Жастық шақтың гүлдері.   Би: 3-А сынып қыздары қазақша би.. Өнерлерін тамашалаңыздар.
Би аяқталғанда апай- ағайлары үшінші шарттың бағаларын айтып өтті.

-жүргізуші: 4- шартымыз.Ою жапсырмалау.

Бұл шартта екі топтан 1 оқушы шығып,қазақтың ұлттық оюын түрлі –түсті қағазға ойып, оны қатты параққа жапсырмалап көрсету.\оюды түсіндіру\.
Сайысты бағалаушы апай- ағайлар ,енді топтардың ұпайларын айтып өтті.

5- шартымыз .Сұрақ-жауап.

Бұл сайыста қарсы топтар бір-біріне сұрақтар дайындап келген, сұрақтарға жауап берді.

Бейнелеу өнерінің түрлері қандай?

Бейнелеу өнерінің жанрлары қанша?

Натюрморт деген не?

Натюрморт нешеге бөлінеді, қай ғасырда, қай қалада пайда болды?

Графика деген не,қай тілден аударғанда қандай мағана береді?

. Мүсінді немен орындаймыз?

Мүсінді латынның сөзінен аударғанда қандай мағына білдіреді?

. «Скульптура» қандай мағынаны білдіреді? Оқушылар сұрақтарға дұрыс дауап берді.

-Бойымда қайрат, тұрғанда сенім,
Құрбаның болам жолыңда сенің.
Құлпырып мәңгі жасай бер, жаса,
Сүйікті Отан, сүйкімді елім!
Ән: « Қазақстан-Отаным» орындайтын  Нұрасыл Сейдахмед . Сайысты бағалаушы апай- ағайлар ,енді топтардың жинаған ұпайларын айтып өтті. Сайыста екі сынып оқушылары да тең түсіп, достық жеңді.

-жүргізуші:
Ұстаздар қалқып бақыт аралында,
Лайым мұң қонбасын жанарыңа
Осымен сайысымыз аяқталды,
Гүл бітсін бәріңіздің қадамыңа.
Тамашалағандарыңызға рахмет, хош сау болыңыздар.

Тексерілді:

Күні:

Оқу ісінің меңгерушісі: