Ойнайықта, ойлайық. Ата-анамен жұмыс

Ата-аналармен жұмыс

Тақырыбы: «Ойлайық та ойнайық!»

Мақсаты: Ата-аналарға дидактикалық ойындардың балалар үшін маңызы бар екенің түсіндіру. Ата-аналармен балалардың бірге жұмыс жасауды дамыту. Ата-анамен бала арасындағы қарым-қатнастың одан әрі дамуына үлес қосу.

Өту барысы:

-Сәлеметсіздер ме құрметті ата-аналар! Бүгінгі «Ойлайық та ойнайық!» атты ой-қабілетін дамытушы ойын-сауыққа қош келдіңіздер. Дидактикалық материалдармен жұмыс жасай білуді үйренеміз.

Жылы лебіз- ата-аналар балаларына жылы лебіздерін білдіреді. Біз бір-бірімізге жылу сыйлап болсақ енді ,ойын-сауықты бастайық!

Тәрбиеші:

-Қазір мен сіздерге түрлі дидактикалық ойындар таратамын. Сіздер сол дидактикалық ойындарды балаңызбен бірге шешіп, орындайсыздар.

 «Сыйқырлы пішіндер» - ата-аналар балаларымен пішіндерді матрешкаға тиісті пішінің қою арқылы құрастырады.

 «Сәйкестендіру»- ата-аналар балаларымен жануарларыдң,заттардың дене бөліктерін тауып, сәйкестендіреді.

-Жарайсыздар! Сіздер пішіндерді жақсы құрастырып,сәйкестендіре білдіңіздер.

-Сіздер дидактикалық ойындарды балаңызбен ойнау барысында қандай нәтижеге жеттіңіздер? Өз ойларыңызды ортаға салсаңыздар.

«Ертегі әлемінде» саяхат. Балаларды шығарып, «Бауырсақ» ертегісінің кейіпкерлерінің түрлі бетперделерін таңдап киеді. Балалар ата-аналарына қойылым қойып береді. Ата-аналар тыңдап, тамашалайды.

Ата-аналармен ойын:

«Не болып еді?» -Ортада балалар кейіпкерлердің бас киімін киіп айнала тұрады. Ата-аналар көздерін жұмады. Сол кезде тәрбиеші балалардың бас киімін ауыстырып кигізеді. Ата-аналар көздерін ашып, балалардың қандай жануарда болғанын дәл табуы керек.

-Балалар біздің аналарымыз дәл таптыма? (Балалар өз жауаптарын айтады.)

-Жарайсыздар ата-аналар! Сіздерге көп-көп рахмет! Бүгінгі біздің қызықты ойындарымызды бірге ойнап, атсалысқандарыңызға көп рахмет.

-Енді балаларыңыздың естелік суреттерін көруге көрмеге шақырамыз. Балалардың сабақ және еркін ойын-сауықтырулар кезіндегі суреттері ілінген бұрышта ата-аналар тамашалайды.