Ойын - жаттығу. Жаңалыққа бастаған - жаңа бағдарлама

Тақырыбы: Жаңартылған білім мазмұны – жаңашылдыққа бастама

(ойын – жаттығу)

Мақсаты: Жаңартылған білім беру мазмұнындағы тиімді әдіс-тәсілдер туралы түсінік беру. Мұғалімдердің жаңа әдіс-тәсілдерді меңгеруіне ықпал ету, жаңалыққа құштарлығын ояту. Өзінің тәжірибесі туралы ойлану.

Нәтижесі: Мұғалімдер түрлі қолжетімді ресурстар арқылы тиімді әдіс-тәсілдермен таныса отырып, тәжірибелерінде қолданады.

Дескриптор: Жаңартылған білім беру мазмұнындағы әдіс-тәсілді меңгереді; Меңгерілген әдіс-тәсілді қай пәнге, қай кезеңде іске асыру тиімділігін анықтайды;

Тапсырмалар сипаты

(Жағымды психологиялық атмосфера құру)

«Өзі туралы кластер»

Қатысушы өз атын парақ ортасындағы дөңгелекке өз атын жазады. Одан таратылған шеңберлерге өмірдегі өзінің 5 рөлін жазады. Мысалы, бала, әке, дос, бауыр, оқытушы. Әр рөлден туындайтын шеңберлерге осы рөлдегі ахуалын сипаттайтын сын есімдерді жазады.

(Топқа бөлу)

Психологиялық тест «Менің қасиеттерім қандай?»

Қасқыр, ит, мысық, тышқан

1-жолға ең ұнайтынын, 2-3 жолдарға азырақ ұнайтындарын, 4- жолға ұнамайтынын тігінен жазу. Қасына несімен ұнайтынын жазады.

(Бірдей нұсқада жауап жазған мұғалімдерді топтастыру, жауабын оқу)

Психологиялық тестің жауабы:

• Жоғары жолға жазған қасиет – өзімізге жетіспейтін қасиет, біз оны жетілдіруіміз қажет.

• Екінші жолға жазған қасиет – өзімізде бар деп есептейтін қасиетіміз, біз өзімізді осылай түсінеміз.

• Үшінші жолға жазған қасиет – басқа адамдардың бізді қабылдайтынын білдіреді, біз жұртқа солай көрінеміз.

• Төртінші жолға жазған қасиет – біздің неден қашқақтайтынымызды көрсетеді, біз тұла бойымызды осы қасиеттен арылтуға ұмтыламыз.

Ойын – жаттығу

Батырдың жол таңдауы

Батыр өзіне жар іздейді. 3 жыл іздеп, арып-ашып, үш жолдың торабына келіпті. Ол жердегі таста мынадай сөз жазылыпты: «Солға жүрсең – астыңдағы атыңды жоғалтасың. Оңға жүрсең – өзіңді жоғалтасың. Тура жолмен жүрсең ештеңе де таппайсың.

Сіздер батырдың орнында қандай жолды таңдар едіңіз?

(стикерлерге өз жауабын жазу)

Сол жолды таңдағандар – прагматиктер. Олар өз мақсаттарына аз шығынмен жеткенді қалайтын сақ адамдар, ерлік жасай алмайтындар.

Оң жолды таңдағандар – жаңалықты, жаңғыртуды іздегендер, нағыз батырлар.

Тура жүргендер – өмірде нақты ұстанымы бар, мақсатына тура жолмен жететіндер.

Қорытынды

Сөйлемді айту (іс-қимылмен берілген өлеңді көрсету, жүргізуші оқып тұрады.

Дауысты дыбыс – шапалақ

Дауыссыз дыбыс – үстелді ұру

Тыныс белгісі – отырып –тұру

Мен жастарға сенемін М. Жұмабаев

Арыстандай айбатты,
Жолбарыстай қайратты –
Қырандай күштi қанатты.
Мен жастарға сенемiн!
Көздерiнде от ойнар,
Сөздерiнде жалын бар,
Жаннан қымбат оларға ар,
Мен жастарға сенемiн!
Жас қырандар – балапан,
Жайып қанат ұмтылған.
Көздегенi көк аспан.
Мен жастарға сенемiн!
Жұмсақ мiнез жiбектер.
Сүттей таза жүректер.
Қасиеттi тiлектер –
Мен жастарға сенемiн!
Құрметті ұстаздар, әріптестер мынау жасампаз ғасырда, рухани жаңғыру дәуірінде мектеп партасында отырған баланың жан-жақты білім, тәрбие алуына ең бірінші ықпал ететін батырда – білікті ұстаздар. Жаңалыққа бастаған жаңа бағдарламаны біздің батырда, намысшыл ізгі мұғалімдеріміз алдарына мақсат етіп қойып балаларға сапалы білім беруді алға қойды. Жұмыстарыңызға жетістік, табыс тілеймін назар салып тыңдағандарыңызға рахмет.

№ 148 қазақ орта мектебі

Жаңалыққа бастаған – жаңа бағдарлама

(Ойын-жаттығу)

2019 оқу жылы