Ойын жəне мінез. М дыбысы мен əрпі.

Пәні:

Сауат ашу

Мектеп:

№123 «Самал» жалпы орта мектебі

Сабақ тақырыбы:

Ойын жəне мінез. М дыбысы мен əрпі.

Күні:27.11.2018ж

Мұғалімнің аты –жөні:

Сынып: МАД « В»

Қатысқандар саны: Қатыспағандар саны:

ҰОҚ оқытылу мақсаты

0.1.1.2. Сөзді буынға бөлу, сөздегі буын санын жəне орналасу ретін анықтау.

0.2.1.1. Сөз/сөйлем сызбасын оқу.

0.2.1.2. Берілген мысалдар арқылы М дыбысын ажыратады, М əрпінің баспа түрін табады.

0.3.3.1. Жазу жолын, жоларалық кеңістікті, жолдың жоғарғы жəне төменгі сызығын сақтап, əріп элементтерін жазу.

Күтілетін нәтиже

Барлық тəрбиеленушілер:

Сөздегі дауысты, дауыссыз, жуан жəне жіңішке дауыстыларды ажыратады.

М дыбысы – дауыссыз дыбыс, м дыбысының айтылуын дұрыс дыбыстайды.

Суреттегі заттардың аттарын атай алады, сөздегі м дыбысының орнын ажыратады.

М əрпінің баспа түрін жазады Көпшілік тəрбиеленушілер:

Сұраққа жауап беріп, берілген суретті мазмұндайды.

Сөздегі дыбыстарды, олардың түрлерін (дауысты, дауыссыз, жуан жəне жіңішке дауыстылар) ажыратып, талдау жасай алады

Жазу жолын, жоларалық кеңістікті, жолдың жоғарғы жəне төменгі сызығын сақтап, əріп элементтерін жазады Кейбір тəрбиеленушілер:

М дыбысына сөз құрайды. Сөздегі дыбыс санын, ондағы м дыбысының орнын ажыратады.

Сөйлемдерді интонация бойынша ажырата отырып (хабарлы, сұраулы, лепті), сөйлеу барысында қолданады.

Сөз/сөйлем сызбасын оқиды.

М дыбысын қатыстырып, сөз/сөйлем құрастырады

Тілдік мақсат:

Тəрбиеленушілер:

Сурет бойынша сөйлем құрастырады. М əрпін ұқсатып заттарды табады.

ҰОҚ-дағы тапсырмалар мен диалогтерде қолданылатын тіл:

Пікір алмасу сұрақтары.

Балалар суреттегі қай баланың қылығы ұнайды?

Өткен ҰОҚ алған білім

Сөздерге дыбыстық талдау жасатып,

Жоспарланған уақыт

Жоспарланған іс-әрекет

Ресурстар

І. Дұрыс әсерлі көңіл күй орнату.

0-2 минут

Балалар ортаға тұрып өлең жолдарын қимылмен қайталайды.

Біз əдепті баламыз,

Айтқан тілді аламыз.

Үлкенге де –«сіз»

Кішіге де – «сіз»

Бас иеміз біз!

Педагог айнаны көрсетіп, балаларға сұрақ қояды.

Балалар біз айнаны не үшін қолданамыз?

Ал айнаға қарап өзімізді қарайықшы!

Балалар айнаға қарап шаштарын, киімдерін түзетеді. Айнаға күлімсіреп қарайды. Əдемілік туралы əңгімелеседі.

ІІ. Мақсатты болжам. 3-5 минут

ҰОҚ ортасы ІІІ. Тақырып

бойынша жұмыс. 6-27 минут

(Ұ,Ө) Əліппе-дəптермен жұмыс.

1-тапсырма

Балалар суреттегі балалардың іс-əрекетін əңгімелейді.

1.Балалар суреттегі қай баланың қылығы

ұнайды?

Балалар өз ойларын білдіреді.

Педагог Қ. Мырза Əли немесе кез келген ақынның əдептілік-əдемілік тақырыбындағы бір өлеңін мəнерлеп оқиды. Балалар түсінгендерін əңгімелейді. Педагог балаларға əдептілік туралы қысқаша түсіндіреді.

Балалар өз мінездері туралы əңгімелейді.

2-тапсырма. Сөйлемдерді аяқтайды. Педагог оқиды, балалар тиісті сөзді тауып, сөйлемді толықтырады. Мысалы: Жерге қоқыс тастауға болмайды. Дөрекі ойнауға болмайды.

Балаларға болады, болмайды сөздерінің мағынасын түсіндіреді.

«Болады, болмайды!» дидактикалық ойын.

Ойын шарты: педагог ортада тұрған балаға сөйлем айтады, сөйлем соңын балалар болады, болмайды сөздерімен жалғастырып айтады. Қателескен жағдайда, келесі бала жалғастырады.

Нан қоқымын шашуға ... .

Қатты дауыстап сөйлеуге ... .

Үлкенге сəлемдесуге ... .

Кіші балаларды ренжітуге ... .

Досына көмектесуге ... .

Топта жүгіруге ... .

Апайды тыңдауға ... .

Ойын осылай жалғаса береді.

3-тапсырма. Мысық, құлын, лақ сөздеріне дыбыстық талдау жасатады.

(Ұ) Сергіту сəті

Бала, бала, баламыз,

Біз айнаға қараймыз.

Шашымызды тараймыз,

Əп-əдемі боламыз!

4-тапсырма. М дыбысын педагог 3-4 қайталап айтады.

Балалар қандай дыбыс естіп тұрсыңдар?

Балалар М дыбысын қайталап айтады.

–Ерін бір-біріне қатты тиеді. Тіл дауыс қуысында еркін жатады. «М» дыбысы кішкене тілдің төмен түсіп, демнің мұрын арқылы шығуынан жасалады.

М –үнді дауыссыз дыбыс.

Түйенің суретіне қарап, м дыбысына ұқсайтын дене мүшесін атайды. Түйенің өркеші м дыбысына ұқсайтынын табады.

Педагог түйе жануары туралы əңгімелейді. М əрпін көрсетіп, қасына түйенің өркешінің суретін қояды. Балалар ұқсастығын табады.

5-тапсырма. Ж. Əбдірашовтың өлеңін педагог мəнерлеп оқиды.

М-ның сырын көр ұғып,

Əріп екен бұл қандай?

Екі оқушы жолығып,

Қол алысып тұрғандай.

Өлеңді мазмұндайды. Педагог екі баланы ортаға шақырып өлең мазмұнындағыдай тұрғызады.

Екі бала қол алысып тұрғандағы бейнесі неге

ұқсайды? (М əрпіне).

6-тапсырма

– «М» əрпі мүсінін қалай түзеді?

– М əрпінің алғашқы бейнесі неге ұқсайды?

Педагог балаларға партада қалай отыру керек-тігін түсіндіреді.

«М» əрпінің баспа түрін жазады.

Кітапхана бұрышы, кітаптар

Әліппе-дәптер

Сызба сызылған плакат.

Музыка əуені.

Слайд

Р əрпі жазылған плакат немесе слайд.

IV. ҰОҚ қорытындысы. Рефлексия.

28-30 минут

Педагог балалардың үлгерім деңгейін талқылап, оқу қызметін қорытындылайды.

Белсенді жəне тапсырманы дұрыс орындаған балаларды мадақтайды.

(Ұ,Ө) Рефлексия. Балалар өз білімдерін смайлик арқылы бағалайды.

Әліппе-дәптер, түрлі түсті қарындаштар