Ойын сабақ "Мен қазақша білемін"

5 сынып

Ойын сабақ «Мен қазақша білемін»
Мақсаты:
a) оқушылардың зеректік қабілеттерін дамытып, ой - өрісін кеңейту, озық ойлы оқушыларды анықтау
ә) оқушылардың дүниетанымын, қазақт тіліне деген қызығушылығын арттыру
б) өз мүмкіндігін пайдалана алатын зерделі тұлғаны тәрбиелеу

Әдіс - тәсіл: сұрақ - жауап, әңгімелеу, аударма, жаттықтыру.
Пәнаралық байланыс: орыс тілі, қазақ әдебиеті,
Сабақ барысы
І. Ұйымдастыру кезеңі.
1. Оқушылармен сәлемдесу. Құрметті оқушылар Тіл апталығының жоспары бойынша «Мен қазақша білемін» атты шарамызды ашық деп жариялаймыз.
Бұл шарада 6-7 «б» сынып оқушылары топ - топқа бөлініп сайысқа түседі.
ІІ. Ойын сабақ:
Кіріспе сөз.
- Бәйгеге түсіп жарыспай,
Жүйріктің бағы жанар ма?
Білім мен өнер жарысып,
Тәрбие - тәлім табар мән.
Бұл бәйге ойдың бәйгесі,
Кім жүйрік ойға сол – алда,- дегендей ой мен білім жарысына қош келдіңіздер! Сайыскерлермен таныс болыңдар.
Әрбір дұрыс жауапқа 1 ұпай беріледі.
Сайыстың жалпы турлары:
1. «Кім жүйрік?»
2. «Кім жылдам?»
3. «Алтын сандық»
4. «Пирамида»

1. «Кім жүйрік?» - сұрақтарға жауап беру.
1. Бір жылда неше ай бар? (12)
2. Қазақ тілінде неше септік бар? (7)
3. ҚР - ның валютасы? ( теңге)
4. Қазақ халқының ұлттық музыкалық аспабы. (домбыра)
5. Алыс сөзінің антонимі (жақын)
6. Қазақтың тұңғыш ғарышкері (Тоқтар Әубәкіров)
7. Мұғалім сөзінің синонимдері.(оқытушы. ұстаз).
8. Туымыздың көгілдір түсі нені білдіреді? (ашық аспан)
9. Абай Құнанбаев кім? (ақын)
10. Республиканың мемлекет басшысы. (президент)
11. Тәуелсіздікті қай жылы алдық? (1991 жылы 16 желтоқсанда)
12.Еліміздің бұрынғы астанасы (Алматы)
13.1 тәулікте неше сағат бар? (24 сағат)

2. «Кім жылдам?»
Ойынның шарты былай: 1минуттың ішінде берілген сөзден неғұрлым көп сөз құрастыру керек. Әр сөзге 1 ұпайдан беріледі.
ҚАЗАҚСТАН

3. «Алтын сандық» - сөйлемдерді дұрыс құрастыру.
1. Ортасы, қыстың, қазір.
2. Жауады, жиі, қар.
3. Ұзарады, күн.
4. Қатайды, аязы, түннің.
5. Киінеді, жылы, адамдар, қыстыгүні.
6. Қарсы аламыз, Жаңа жылды, қыста.
7. Ақ, шыршалар, оранады, мамыққа.
8. Үлкен, қала, болашағы, Астана.
9. Күн, ұзарады, күзде, қысқарады, түн.
10. Жылы, ұшады, құстар, күзде, жаққа.

4. «ПИРАМИДА»

 Шарты: Тақтадан 1 тақырыптан жазылған пирамидаларды алу.1 минут

ішінде ойыншылар сол тақырып бойынша сөздерді жазу.Кім көп сөз

жазса,солтопқа 10 ұпай беріледі.

Сабақты қорытындылау.
Тілім менің өмірдегі тілегім,
Тілім менен тарихымды білемін.
Сан ғасырлар қалыптасқан тілімді,
Қадірлеп те, қастерлеп те жүремін. – деп. бүгінгі ойын сабағымыз аяқталды. Жеңімпаз болған топты құттықтаймыз. Биік белестерден көріне беріңіздер! Қош сау болыңыздар!