Ойыншықтар 3-сынып

Оқушыларды жаңа тақырыппен таныстыру, жаңа сөздерді меңгерту, ойыншықтардың атын ажырата білуге үйрету

Оқушылардың ой – өрісін дамыту, түрлі тапсырмалар орындау барысында есте сақтау, ізденімпаздық қабілеттерін дамыту.

Сабақтың

мақсаты:

Оқу мен жазу арқылы оқушыларды шығармашылыққа, сауаттылыққа тәрбиелеу.

Сабақтың түрі: Жаңа сабақ.

Сабақтың әдісі: сұрақ – жауап, түсіндіру, әңгімелеу, көрсету.

Сабақтың көрнекілігі: Түрлі түсті ойыншықтар,слайд, сөзжұмбақ, интерактивті тақта.

Пәнаралық байланыс:орыс тілі.

Сабақтың барысы:

І.Ұйымдастыру кезеңі.

ІІ.Үй жұмысын тексеру.

ІІІ.Жаңа сабақ.

ІV.Қорытынды. Бағалау. Үйге тапсырма.

1.1.Сабаққа назарларын аудару.

Балалар, бүгінігі сабағымызда өз білімімізді көрсете білейік. Олай болса, балалар сабағымызға сәттілік тілей отырып, өлең шумағын бастайық:

1.2.Психологиялық дайындық.

Мен оқушы баламын,

Оқу, білім аламын.

Мәтін түрін игеріп,

Сабақта белсенді боламын.

Ендеше, отырыңдар. Әр ісімізге мұқият болайық.

ІІ. Қызығушылықты ояту.

2.1.Миға шабуыл. (Жедел сұрақ)

Ендеше, балалар миға шабуыл жасап өткенге көз жүгіртейік. Ол үшін менің сұрақтарыма жауап берулерің керек.

-Сенің атың кім?

-Қазір қандай жыл мезгілі?

-Қыста ауа райы қандай болады?

-Қыста не жауады?

-Қардың түсі қандай?

-Қандай түстерді білесің?

2.2.Топтастыру.

Аты, тақырыбы

Сипаттау, Әңгімелеу, Басы, негізі, соңы

Қандай сөйлемдерден құралады.

-Өткен сабақта қандай үлкен тақырыппен таныстық?

-Мәтін неден құралады?

-Мәтін не туралы?

-Мәтінде қарға қандай болып шығады?

-Неге ақылды қарға дейміз?

2.3.Қорытынды.

Сонымен балалар бұл ертегіде қарға өзінің ақылымен құмырадағы аз суды тас салу арқылы ішеді екен.

ІІІ.Мағынаны ашу.

Жұмбақ жасыру.

Жұмбақ

Бар екен олар бала-бақшада,

Бар екен олар үйде де.

Өздеріне қарасаң,

Келеді олар әртүрлі.

Жұмбақтың шешуін не деп ойлайсыңдар?

Ендеше, бәріміз тақтаға қарайық. Сендерге мынадай жұмбақ айтқым келіп тұр.

-Дұрыс ойыншықтар. Оның ойыншықтар екенін қайдан білдіңдер?

Қандай ойыншықтарды білесіңдер?

Ойыншықтар (Сурет көрсету)

3.1. Сөздікпен жұмыс:

Қуыршақ – Кукла

Текше – Кубик

Секіртпе – Скакалка

Қонжық – Медвежонок

Қоян – Заяц

Доп – Мячь

Ермексаз – Пластилин

Көлік – Машина

Айдаһар – Дракон

Темір адам–Робот

3.2.Ережемен таныстыру.

Демек, балалар ойыншықтар дегеніміз бұл әр үйде бар, өзіміз ойнайтын заттар екен. Ойыншықтар әр түрлі болып келеді. Жұмсақ,қатты,пластмассалы, резиналы, матадан, ағаштан, темірден ойыншықтар болады.

3.3. Балалар, енді сендер өздеріңнің ойыншықтарыңды неден

жасалатынын білесіңдер.

Балалар, мен сендерге ойыншықтарды көрсетейін.

4.1.Оқулықпен жұмыс.

Ай,күнді жазу. Көркем жазу.

Мәтінмен жұмыс:/ауызша/

Мынау менің ойыншықтарым. Олар: текше, машина, айдаһар, қоян, робот. Менің роботым үлкен. Менің қонжығым кішкентай. Менің сүйікті

ойыншығым қонжық.

4.2.Сұрақ – жауап.

-Бұл не? Бұл – қуыршақ.

-Қуыршақ қандай?

-Саған қандай ойыншық ұнайды?

- Маған қонжық ұнайды.

- Ал саған ше?

- Маған айдаһар ұнайды, т.б.

4.3.Балалар, кім маған ойыншықтар туралы тақпақ айтып береді?

5.Тапсырма: Дәптермен жұмыс

Ойыншықтарды жекеше және көпше түрде салыстыра үйренеміз. Оқушы бірінші баған бойынша жекеше, екінші баған бойынша көпше түрде ойыншықтарды атай алуға тиіс.

Текше – текшелер,

қоян – қояндар,

Секіртпе -

Доп -

Қонжық -

Қуыршақ –

7.Сөйлем құрап айт:

Мен ермексаздан (доп, айдаһар, қонжық) жасаймын

8.Тапсырма: Толықтырып оқы:

Мен

Сен

Сіз

Ол

... текше алады. . ...қоян аласың.

... қуыршақ аламын ...доп аласыз.

9.Суретпен жұмыс: 6-тапсырма бойынша

- Қазір мен сендерге сурет таратып беремін, ал сендер оған жауап бересіңдер.

10.Сөзжұмбақты шешу:

1.Онымен футбол ойнайды?

2.Адамның тұрақты мекен – жайы?

3.Оны жаңа жылда қояды?

4.Біз оны күнде жейміз?

5.Баста не өседі?

6.Күзден кейін не келеді?

7. «Барби» дегеніміз не?

8.Қазақстандағы қаланың аты?

9.Түстің түрі?

10.Құстың түрі?

11.Тапсырма: «Қоян» , «Текше» деген сөзді тәуелдеу.

12.Қорытынды: Сұрақ-жауап арқылы оқушыларды тексеру.

1.Балалар, сендерге сабақ ұнады ма?

2.Балалар не жасайды?

3.Ойыншықтарды неден жасайды?

Күнделікті енді ашайық,

Үй тапсырмасын жазайық.

Бүгінгі алған білімді,

Ұмытпай есте сақтайық.

Үйге тапсырма:

64-бет, 4-тапсырма

Өте жақсы балалар, енді орнымыздан тұрып, қол ұстасып бір – біріміздің жылуымызды сезініп, бүгінгі сабағымызды аяқтай отырып, қонақтармен қоштасайық.

Қол ұстасып тұрайық,

Шеңберді біз құрайық.

Көріскенше күн жақсы,

Сау саламат болайық.