Өлең:"Жастар жылы"

Жастар жылы! ((1))

Ал достар, ойда не бар баяндайық!

Жастар жылын жақсы іспен қолға алайық

«Нұр-Аға»-ның айтқан сөзін екі етпестен,

Біз дағы, алға таман ұмтылайық!

Қарайық не міндет бар алдымызда,

Қолдау берер адамдар көп жолымызда.

Дүниеге бекер келіп, бекер кетпей…

Қалсын да қалам, қағаз қолымызда!

Келді ғой, жастар ау бізге кезек…!

Шығайық жетістікке бойды түзеп.

Ұмтылғандар көрінеді қалам ұстап,

Жастардан байқасаңыз, сирек -сирек!

Соларға бізде барып қосылайық!

Көмек беріп, әр ісіне болысайық…!

Қолымызға қалам алып, талаппенен,

Оқығанның заманында бір болайық.

Үміт күтпей өлгендерден көрде жатқан,

Ісі болмас қарияның, төрде жатқан.

Тырысып қайратпенен алға бастап,

Дамытайық елімізді жолды бастап.

Бекер жүрдік бұған дейін енді жетер

Уақытты да өткізбейік жүріп бекер.

Қолымыздан келгенінше қызмет етіп,

Жақсылықты алайықшы серік етіп!

Қолдайық ынтымақтың мықты бауын,

Қазағымның шешейікші жанжал дауын.

Жаман ат қалдырмайық соңымыздан-

Ұрпағымыз ерсін біздің түзу жолдан.

Ей жастар, ынтымақты бір болайық,

Құл болмай, әр біріміз зор болайық!

Тұғырлы ұл менен, бұрымды қыз атанып,

Бірімізден біріміз үлгі алайық.

Жазсамда бұл өлеңді мен жастарға,

Ұнатпайтын адамдар бар жүрген босқа!

Болсам да бұл жылы мен он жеті де…

Жастарға салғым келді, дұрыс нұсқа