"Өлкенің гүл жайнаған балғындары"

Ұйымдастырылған іс-әрекет

Тәрбиешінің іс-әрекеті

Балалардың іс-әрекеті

Әнұран орындалады

Балалар күніне арналған көрнекіліктер

Сәлеметсіңдерме балалар?

Көңіл күйлерің қалай? Біз мерекемізді Қазақстанның салтанатты әні Гимнмен бастаймыз. Қане, енді бәріміз орнымыздан тұрып, қолымызды жүрегіміздің тұсына қойып, Қазақстанның әнұранын орындайық.

Балалар, біздің бүгінгі оқу қызметіміз ерекше болады. Себебі бүгін бізде үлкен мереке. Алдыменен жылулық шеңберімізге тұрып,таңғы жиынымызды айтайық

-Жарайсыңдар балалар, енді орнымызға жайғасамыз!

-Ал ендеше баларлар назарларыңыз менде болсын!

1 - Маусым 1950 жылдан бастап Халықаралық балаларды қорғау күні болып келеді. Бүгін біз осы мерекені атап өтпекшіміз.

-Ақылды балапан бүгінгі,
Көркейтер күніңді ертеңгі,
Үйренген өнерін көрсетсін
Бүлдіршін балалар белсенді.
Ендігі кезегімізді бүлдіршіндердің жаттаған тақпақтарына берейік. 

-Жарайсыңдар балалар!Келесі кезегімізді қыздарымыздың орындауындағы «Айгөлек» биіне береміз!

-Жарайсыңдар балапандар өнерлерің өрге домаласын!

Ал біз келесі кезегімізді балалар жайында айтылған мақал-мәтелмен, нақыл сөздерге кезек береміз!

Қандай керемет айтылған сөздер жарайсыңдар! Осындай тамаша көңіл күйде концерттік бағдарламамыздың келесі әнін орындаушы «Ертегілер елінде» әнімен қарсы алыңыздар!

-Жарайсың балапан!

Ал ендеше балалар келесі кезегімізді балалардың жаз мезгіліне арналған жұмбақтаына береміз!

Өте тамаша балалар!

Біз бақытты баламыз,

Ақылдымыз, данамыз

Ертеңгі күн еліміздің Батырлары боламыз дей келе келесі кезегімізде ұл балдарымыздың орындауында «Флешмоб» биін қарсы алыңыздар

-Неткен тамаша би жарайсыңдар өнерлерің өрге жүзссін!

Ал балалар бүгінгі біздің 1 маусым балалар күніне арналған ертеңгілігімізді аяқтамас бұрын қыздарымыздың дайындаған «Біз бақытты баламыз» әнін тыңдап бірге шырқайық!
-Жарайсыңдар қыздар!
Баршамызды бал тілімен баурайтын,
Бала деген бір бақыт қой самғайтын.
Ата-ананың арманы мен тілегін
Бала емес пе, бал бұлақтан жалғайтын. дей келе балалар бүгінгі мерекеге арналған ертеңгілігіміз аяқталды! Жоғарғы деңгейде қатысқандарыңа көп рақмет бақытты балалық шақ тілеймін және менің өздеріңе арнап жасаған сыйлығымды қабыл алыңдар!

Сәлеметсіз бе!

-Жақсы

Амансың ба алтын күн,
Амансың ба жарқын күн.
Маған жылу-шуақ бер,
Қуанышпен шаттық бер!

Ибрахим
Гүлмен келсін келер күн.
Бала бағы бар елдің
Балалардың күлкісі
Көркі, сәні әлемнің

Раяна
Бала адамның бауыр еті,
Бауыр еті, жүрегі.
Бүгін сәби бөбектер –
Елдің ертең тірегі.

Нурила

Ананың сүті - бал, баланың тілі - бал.
Сезім
Балабақша – базарлы үй,
Ауылдағы ажарлы үй.
Шаттығы бар шуақты,
Өз үйіміз сияқты.
Димаш
Біз бақытты баламыз,
Өссін деп ой-санамыз.
Үлкендерден үйреніп,
Үлгі-өнеге аламыз.

Әзірет
Біз бақытты баламыз,
Қағаз-қалам аламыз.
Тәрбиешіміз үйреткен
Әріптерді жазамыз.
Мардан
Достығымыз жарасқан,
Ақпыз, қоңыр, сарымыз.
Қара жер мен көк аспан,
Ортақ дала, тауымыз.
Қ.Медина
Ортақ жұпар ауамыз,
Ортақ жарық күніміз.
Достық - туған анамыз,
Жердің қызы-ұлымыз.
Дидар
Біз бақытты баламыз,
Ақпыз, сары, қарамыз.
Тату-тәтті достармыз,
Қыл өтпестей арамыз.
Гүлбану
Арманы бір, үні бір
Аға ардақты, іні гүл
Бақыт туын көтерген
Балалардың күні бұл
Аяжан
Ортақ мекен жер шары,
Төбемізде бір аспан.
Барлық ұлттың баласы
Достығымыз жарасқан.

Әлинұр

Бақыт деген – сенің бала күндерің,
Бақытсыз-ақ бақытты боп жүргенің.

К.Арсен

Бала болсаң болғандай бол,
Ағайынға қорғандай бол.

Дамир

Бала өсті дегенше,
батыр өсті десейші.
Батыр өнер білмесе,
қапыл өсті десейші.

Балауса

Атадан бала туса игі,
Ата жолын қуса игі.
Балаңды жұрт мақтаса,
Бәрінен де сол игі.

Асылым

Кісі болар баланың,
Кісіменен ісі бар.
Кісі болмас баланың
Кісіменен несі бар?

Я.Сезім

Бір баласы бардың,
Шығар-шықпас жаны бар.
Екі баласы бардың,
Жүрегінде жалы бар.

Балым

Ұл ақылды хош көрмес – ата үлгісін көрмесе,
Қыз жарытып ас бермес – ана үлгісін көрмесе

Б.Медина

Гүлді алаңның қонағы,
Өзі қалап қонады.
Түрі, түсі дөп келіп,
Гүлге ұқсап қалады.
«Көбелек»

Нұрислам
Екі айыр құйрығы,
Қияқ мұрт қанаты,
Ұшқырлардың жүйрігі.
(Қарлығаш)

Ұлықбек
Өзі үлкен жануар,
Үстінде екі тауы бар.
(Түйе)

О.Айсұлтан
Басы жалпақ,
Бұты талтақ.
(Бақа)

Б.Айсұлтан
Бұл не деген көп киім,
Жетпіс қабат көк киім.
Жаңбыр одан өтпейді,
Қабат-қабат тоңы бар,
(Орамжапырақ)

Ахмедияр
Аласа тал,
Тамаша тал.
Самсап тұр алмасы,
Ол – ал қызыл,
Ол – қан қызыл.
Боялғанша, алмашы!
(Қызанақ)

Абзал
Тіл үйірген дәмі бар,
Сары алтын түс – сәні бар.
Шақсаң егер кептіріп,
Сүйегінің дәні бар,
(Өрік)

Жомарт
Ызыңдап ән салып,
Жұп-жұқа қанаты.
Тәттіге тамсанып,
Қоқысқа қонады.
(Шыбын)

Тимон
Өзіңе болған қорған – орман,
Ішінде бар, бір аң қорбаң-қорбаң.

(Аю)

Ислам
Тікірейіп құлағы,
Менен бұрын тұрады.
Бойын жазып керіліп,
Беті-қолын жуады.
(Мысық)